Juan 13:11 - Dupade Uruode

¹¹ Jesús e chiraja dẽrasṍri gosi jecute chojninga: "Que icha uaque jnese go."

Juan 13:11 Iomraidhean Croise

Juan 13:18

Mu que yojningane u uaque jnese go. Yiraja yajegaidode iji uaque, mu yirajápo rĩ uje uacuñai a tẽra yu jne ome yumajosórone. Yiraja gu uje que toc ujetiga Dupade uruode quigode ca tocade. Uje ore urusarane Dupade urúo déji uje chojninga: "Yacásõrasórone uñeque a tẽra yu jne."

Juan 13:2

Jesús, acadigode ore taguíji ñane gari. Mu Satanás e chijocase Júdas Iscariote áyipie ujetiga tẽra Jesús ome umajosórone. Júdas uté u Simón gaté ujnacari.

Juan 13:21

Uje Jesús chejna daruode udore guesi enga chise áyipie uje acadigode uñai a tẽra jne. Enga jé u uje chingopísa daruode aja dacadigode ore. Enga chojninga: –Jé ũré yu uje a uacuñeque tẽra yu jne ome yumajosórone ore.–

Juan 13:26

Ga Jesús chajnai uruode enga chojninga: –A yaca arureque petíguiji yoquibosode otadi, enga yojningai uté u uje yisi ome.– Uje chejna daruode udore guesi enga Jesús chaca arureque pei iji ore posode otadi enga chisi ome Simón gaté ujnacari Júdas Iscariote.

Juan 17:12

Uje qué yugúsi beranone yanguresõre ore gari iji jnumi udé enga yirote ore ome bajopiédaté ujetiga ca cuchárique chósi ti iji ore. Que udore uñeque bijna ome yu. Mu chojmarai u uje bijna ome yu. Chamáñaje uté quique obiréjnai u ujetiga bijnaque. Chamáñaje ore urusarane barúo quigode jé u gu.

Juan 18:4

Mu Jesús e chiraja cucha dacadode udore uje a tocade jne, jecute chachai ore iji ore garani enga chojninga: –¿Uacacuei gosi te a iji yoque?–

Juan 2:25

Uje Jesús e iraja aro ore áyipiedie uje cáma ore chingome, uje chiraja cuchade iji ayoré chojmarai áyipie.