Juan 13:1 - Dupade Uruode

¹ Enga e dire chojmarai iji judíode ore jnusinamáni dire yui uje i tu Páscua. Ga jé u uje Jesús chiraja uje deréjnai e idógosi ujetiga jnoji erámone udojo ujetiga jé chicapóji dai rĩ. Jecucha Jesús chijnorapise danguresórone uje déji ore gari iji erámi, mu e idógosi ujetiga chingo dajnoraquédatéi ome ore.

Juan 13:1 Iomraidhean Croise

Provérbios 8:31

Enga uje e pipesute cuchade nanique ga yingana aja yajesúode iji Dupade ipesudi erãpe ga yirasique yu aja yajesúode uje yimo ipesudi. Cuchiyi tupúsu ayoré taningui nanique uje yirasique yu ome uté.

Matéo 26:45

Uje chejna dacatecãraitigade guesi, enga jé u uje tibágui dacadigode enga chojningame ore: –Jé amóño. Enga jé oyo uacajñare. E que qué pisocárique cuse gu uje deréjnai uné jé u ome Dupade utocaidi uyu ujetiga ore chisi ome yu ome sijnángone ore.

Matéo 28:20

Acacho ore ome cuchade jnese jne uje e yacadique uágome enga ore doi to jne ome dáringane yirócho. Enga a arajáyo jne uje a yugúsiji uacari jne iji dirode jnese, jé aja erámone eruei.– Amén, qui jé upúsu.

Lúcas 22:53

¿Jé gotique gu a uje uacamóño yu iji deréjnane múñi uje jecucha yiyaridi tu Dupade iguíjna cuchábi diríca, uje cucha marínga ajocáso yu ica? Mu qui tu gu uje Satanás áyipiedie e déji uacajéode jnese gu. Ga gajnui tu ujetiga e agúsoi ijnangununie ajéode. Jecute uacapótayo uacasayo yu iji de.–

Lúcas 9:51

Mu Jesús chiraja uje e idógosi dajñapié eruei ome dagachodi ujetiga chicáji gaté. Chiraja dagachodi batigai to rĩ uje ore idáidaté cuchábi Jerusalén u. Ga Jesús ca dosóñime. Ga jĩrique jnome Jerusalén yui.

Juan 11:55

Uje dirode e garósi ome judíode ore jnusinamáni dire uje i tu Páscua enga judíode ore íjnongaja Jerusalén uje ore tṍraji guidáyode uñane. Ore gaidi u ujetiga ore doi dajmapiedie ome dáringáringo icha, ujetiga dimane ore ome dajnusinamáni dire yui.

Juan 12:23

Enga Jesús chojninga: –Deréjnai e u ujetiga Dupade utocaidi uyu yise yúringai pujnuéngaisṍre.

Juan 13:29

Júdas uté u uje chañuru Jesús, acadigode ore iplátadie pié bólsa guio. Jecute ore jos eti Jesús uruode qui u ujetiga Júdas doi dajegaitígo cucha ome ore jnusinamáni dire yui. Jeoga chisi jmatágode ore iji dajnunguenie plátai.

Juan 13:3

Jesús chirajapise darani uje Dupade u. Chirajápo rĩ uje a chajniápo aja Dupade gari rĩ. Enga chiraja uje dai Dupade chisi ome cuchade jnese ome ujetiga chijocase.

Juan 13:34

Mu yijíñome yiroqué ichai udé iji uacari: ujetiga beyoi ga ajnóraño ñane. Adi jé u ome yu uje yijnóra uaque, enga beyoi yijmapié uaté to enga ajnóraño ñane.

Juan 14:28

E uacadúcho yuruode uje yingo yicoringai aja uaque. Jé aja ujetiga yisápo uaque rĩ ujetiga yugúsapói uacari rĩ. Ujetiga jec ũré ajnóraño yu enga a pirasitigai jogadi u ome uaque uje yicáji Yai jogadi. Chamáñaje Yai sué yibai gu.

Juan 14:31

Mu yajnéone cucha a tocade jne ome yu. Yigaidi u gu ujetiga erámone jogosórone ore chiraja yijnoraquei ome Yai. Enga u to ujetiga ore chiraja uje yipésu yirósõri Yai ojningane cucha ome yu. E gusu yacajnaquéode udojo ome uaque. Boyo, yico iji de.–

Juan 16:28

Uacamóño uje yṍraji Yai gari nanique iji gaté ujetiga yicai erámi udé. Jecute e yiji ome erámi tudé ujetiga yicapóji Yai jogadi iji gaté rĩ.–

Juan 17:1

Uje Jesús chejna daruode udore guesi enga chajire gaté enga catecã́ri dai Dupade. Enga chojninga: –Yapá, bojningai dire e chise yu. Jecute yicatecã́ri ua ujetiga bangoningájnai pijóguiji bajnacari uyu. Yigaidi u gu ujetiga picotaque opejã ua to ome bajnacari uyu yadode.

Juan 17:16

Adi jé u ome yu uje que erámone jogosõre yu, adi jé u to ome yanguresórone ore uje que erámone jogosõre ore to.

Juan 17:26

E yatata ua gosi ome ore, enga qué yiji údi uje yingo ua aja ore. Yigaidi u gu ujetiga baríjogonóri pijnoraqué déji ore to, adi u uje déji yu. Yigaidi upo rĩ ujetiga yugúsipísiji ore gari to.–

Juan 17:5

Jecute, Yapá, yajéode u ujetiga yugúsapóji bari enga ujetiga atire yúringai cuchape yibai. Yigaidi tu gu ujetiga yocópo ñane rĩ ome yocúringane cuchape. Ujetiga yocópise uje cáma erã́tique cuse nanique iji taningane.

Juan 18:4

Mu Jesús e chiraja cucha dacadode udore uje a tocade jne, jecute chachai ore iji ore garani enga chojninga: –¿Uacacuei gosi te a iji yoque?–

Juan 19:28

Cuchade udojo quigade enga Jesús chiraja uje Dupade uruode atatasórone jnani bajácho ore urusarane quigode e tocade jnese. Cucha amiri tu uje chojninga: –Yicajnóriji.– Uje chejna daruode udore guesi enga Dupade uruode atatasórone ore urusarane úringane tocachuguipíso jogadi u.

Juan 2:13

Uje qué idógosi judíode jnusinamánone dire uje i tu Páscua enga Jesús chicáji ore idai Jerusalén yui.

Juan 6:4

Enga e idógosi judíode jnusinamáni dire uje i tu Páscua.

Juan 7:30

Jé u uje judíode ore angaránone ore potapísa ujetiga ore chisa enga ore jno údi. Mu que togome uñeque ujetiga chisa. Uje cáma deréjnai u gu ujetiga ore chisa.

Juan 7:6

Mu Jesús chojninga: –Cáma deréjnai u ujetiga yingome yu aja erámi. Mu deréjnane cho ñane ome uaque.

Juan 8:20

Jesús uruode u cuchade udojo uje chacate ore iji Dupade iguíjna cuchábi ajei, iji jogadi uté uje ore gueranone pi déji to. Mu que togome uñeque ujetiga chisa Jesús enga suru gai. Chamáña gu uje cáma deréjnai u gu ujetiga ore chisa.

Romános 8:37

Mu ome cucha tocachuque uajádode udojo jnese, ga Yoquijnorasṍri Crísto chátaja yógome detotiguejnai, jecute yujnuéngo cuchade udojo gáyode jnese. ¡Enga datéringa uje uté chimate yógaja yocúringane pujnuéngaisṍripíso!

1 Coríntios 1:8

Enga Jesucrísto jé u uje a chatapísaja uaque jne jeta apúyoja uacanguretigai, jé aja erámone unojo eruei. Ome isocai uté ga, a ca piyaque uacayoguérique jne iji diri tuté ujetiga Yocangarádejnai diapo rĩ.

Hebréos 3:14

Ujetiga yajógo yógaja yocanguretíga taninguíone ome Jesucrísto jé aja erámone eruei, enga a yocajnecho Crísto gajnéone cucha jnese to jne.

Hebréos 3:6

Mu Crísto gajnui u guiguíjnai gajnesṍri ujnacari uje pésupúsu cuchade aja quigode iji dayé Dupade iguíjnai. Jé basa ga yocajnui tu Dupade iguíjnai tuté rĩ. Yojningane u yoque uje que yoco cutúguiji yocanguretigai ome Dupade ojningane cucha yúode, jé aja ujetiga yimóngo cuchade udore ome yoquedodie.

Hebréos 6:11

Yocajéode u ujetiga ca abéroyo uáguiji uacadode unojo. Enga jé ajneraño údi aja uaqueruei. Ujetiga beyoi udore enga a Dupade ojningane cucha tocade jne ome uaque jnese uje qué uacarocho cuchade udore yúode.

1 Pédro 1:13

Jecute áyipierãque uaque, enga uacáyipiedie jogadipísiji ujetiga añucho uacadode guio. Enga anguretáyopise Dupade uje chichaga dẽrapáidode cucha aja uaque, uje jé ũrepise enga a chisi ome udore ome uaque jne jeta Jesucrísto diapo jne rĩ. Chamáñaje chosõripise uaque gu.

1 Juan 4:19

Uyoque enga yijnórango Dupade gu uje Dupade ijnoraque bajaque yoque nanique.

Apocalípsis 1:5

Enga pajesereringai, pininaquei ore garani upo Jesucrísto to rĩ ome uaque, uje ũrepise uté ome dojñane iji Dupade adode. Enga uté u bajai nanique uje ecápo rĩ iji datoringai. Jecute uté u uje etotiguei suépise eduguéjna jnutiminórone etotiguéode gáyode jnese iji erámi tuné. Mu Crísto uté jé u to uje chijnorapise yoque enga chinoningasipise yoquisijnaringuéone ome dayoi.