Juan 12:2 - Dupade Uruode

² Enga Márta, jorane ore nína Jesús yui. Jecute ore pésu ore pose unérone ome Jesús. Márta u uje chisi ore iji ore posode. Mu Lázaro, jorane ore u uje ore nóna Jesús aja ore atigai gai.

Juan 12:2 Iomraidhean Croise

Matéo 26:6

Quigade enga Jesús déji Betánia. Enga cháji Simón iguíjnai uje lépra isaque ica.

Márcos 14:3

Uje Jesús qué déji ore idai Betánia ga pusi jnani iguíjnai uje i tu Simón uje ore chĩ́care lépra isa casica aja uté to. Mu qué Jesús déji dayaripírique iji ore agapidéraque ejoi. Enga jé jogadi tu uje chequéraque sose yui ga chijna cucha pi ueradéjnarique uje ore ipesute iji cucarané uje i tu alabástro. Ga aceite irágupúsu oidi tuté pi, uje aceite ai unéri uté i tu nárdo. Enga aceite chedupise re iji dabi uté ajei. Jecute a ca chajire doréraque gotique. Mu jé u uje chequé uaté déji Jesús ejoi ga jé u uje chibéro pié uaté ga chojne Jesús gatoi gai.

Lúcas 12:37

Enga uje ore irósõri di ga a irasique ore jne uje qué irógode ore nijína yui. Ga jogadi u ujetiga ore nínapúsu raque jnese. Ga a ca suseque darógode udore jne ga a chojningame ore jne: "Beyoi yocatigabié. Ga ayáyoji yejode ga a yisi ome yibotígo ome uaque jne rĩ."

Lúcas 14:12

Jesús catecã́ri danejérasṍri fariséo uté ga chojningame: –Ca osõre bajogasúrique ore ome cucha pibotique, jeoga baguiotique, jeoga bojórique ugúcharã́que. Uje uté gosi a jĩrique chatire bosongaquei babai gu. Ga bajéode qui tu gu ujetiga uté gosi jĩrique chatire babai, jeoga jĩrique cho boré.

Lúcas 22:27

¿Jé yocorási ringome ujeta yicoi udore ga yoco ibijóguiji udore uñéngo a? ¿Jeoga uté u uje dimane iji dagapié ejoi ujetiga e taque? ¿Ujetiga u uté uje jno ore posode údi ome ore ujetiga yoco ibijoi tiji? A ojnichórasa: "Uté a urásu arĩ́e uje dimane iji dagapié ejoi uje chácariji. Uñai uté ga ore iroque." Mu que quigode u udore gotique. Uje uacapáñañoji yu to uje yajnui tu uacaroi tiji uacajmainie.

Lúcas 5:29

Enga Leví jno Jesús údi aja daguíjnai ga pésu uraque dabose unéningo ome raque. Ga Leví ujórigo jnacare, ore eduguéjnai iróquegatérigo, ayoréode uñéngo ore chise ñane iji te, ga ore cháta rágaja ñane iji ore atigai gai.

Apocalípsis 3:20

Yipotapísa ujetiga yugúcoji ñane gari ome yoquininaquéode. Enga cho ujetiga yibidi uaque iji uacaguíjnai piagoi. Mu gosi ujetiga chudute yuruode ga chuchẽre daguíjnai piagoi gai ome yu, enga a jĩraque yacája ajei jne. Enga jé u jne ujetiga yacásorango ñane iji uté iguíjnai ajei.