Juan 12:16 - Dupade Uruode

¹⁶ Iji cuchade udojo taningai ga Jesús acadigode que ore chiraja quigode. Mu quigade u uje Jesús ecáji dáringai toque enga ore áyipiedie quene déji Dupade uruode udore úringane tocachucho.

Juan 12:16 Iomraidhean Croise

Márcos 16:19

Uje Jesús chejna daruode udore guesi ome ore ga jé u uje Dupade jno údi aja gaté. Mu uté quítequiguíji Dupade ãrachua ga cháji iji dirode udojo.

Márcos 9:32

Mu a ca udore uñeque déji ujetiga chijnime Jesús acajnaquéode udore ãrírique. Mu a ca ore chajo rágaja Jesús go ujetiga cho quique dacajnaquéode. Uje ore chagutúpusu rome Jesús yui gu.

Lúcas 18:34

Mu a ca irógode ore chijnime uru quigode ãrírique uje que togome ore ujetiga ore chiraja quitígo.

Lúcas 24:25

Jecute Jesús chajnai ore ga chósi tome ore: –¿A ca pijnimique uacãrírique jõ ome uacajné casodica pacajnaquéo? Uje a arajáyo Dupade uruode atatasórone, jnani bajaque urusarane quigode ica mu a ca anguretáyopise go.

Lúcas 24:45

Ga quene jogadi tu uje ore chirajapise purusarane udojo quigode uje chopise quigome ore gu.

Lúcas 9:45

Mu ome Jesús acadigode ore ga ca togome ore ujetiga ore chiraja uruode udore quitique. Chamáñaje que pujuegácho jetiga ore chiraja. Mu a ca ore cási ujetiga ore chingome Jesús ujetiga cho daruode quigome ore. Uje ore todópisa gu.

Juan 12:23

Enga Jesús chojninga: –Deréjnai e u ujetiga Dupade utocaidi uyu yise yúringai pujnuéngaisṍre.

Juan 14:26

Mu quigade enga Yai a chiroque Dajopié Espíritu Sánto aja uaque jne ujetiga basája yijogadi. Enga uté a chátaja uaque jne enga a chajni uacajnusiétigade jne. U to jne ujetiga chacate uágome cuchade jnese enga uté upo rĩ uje jnusinápo yacajnaquéode quigode jnese ome uaque rĩ.

Juan 16:4

Yuruode u udojo ome uaque gu ujetiga cuchade udore chise dáringáringo tocachucho enga jĩraque uacáyipiedie déji yuruode udore quigode ome uaque. Que yingo cucha dacadode udore aja uaque iji taningai. Chamáñaje qué yugúsi uacari gu.

Juan 17:5

Jecute, Yapá, yajéode u ujetiga yugúsapóji bari enga ujetiga atire yúringai cuchape yibai. Yigaidi tu gu ujetiga yocópo ñane rĩ ome yocúringane cuchape. Ujetiga yocópise uje cáma erã́tique cuse nanique iji taningane.

Juan 2:22

Jecute uje Jesús e nijiápo iji pitoringai rĩ enga acadigode ore jnusina Jesús arecujaidie quigode ome re. Ore jnusinápo Dupade uruode atatasórone urusarane uje ore ojningai u Jesús. Jecute ore changuretapise Jesús uruode quigode jnese.

Juan 7:39

Jesús uruode qui u ujetiga gosi changureta ga jogadi u ujetiga Dupade Ujopié Espíritu Sánto chacája gosi. Mu cáma chacája Jesús anguresórone gu uje Jesús qué déji jnumone enga cáma chicáji gaté gu ome dáringai eduguéjna cuchape.

Héchos 2:33

Jecute Dupade chiringare Jesús enga sosi iji gaté enga e déji Dupade ãrachua iji gaté. Enga jogadi u to uje Dupade chisi ome Dajopié Espíritu Sánto ome Jesús ujetiga chajnerame danguresórone. Chamáñaje Dupade jé chajo raja nanique gu ujetiga chisi ome. Enga cucha dacadode jnese uje uacamóño jé aja uacadudigode cucha iji de diri garani u uté.

Héchos 2:36

Pédro qué chacate ore enga chojninga: –Jecute yipota ujetiga israélgosode uaque jnese uacarajáyo uje Dupade ipesute uaquei Jesús úringai datocaite Crísto. Yojningai u Jesús uté uje uacajóyoja curesei ica. Enga e Dupade pésu uté to ujetiga ore cho dangarádejnai iji jnese.–

Héchos 3:13

Mu que quigode u gotique. Yocai cásodicáite jnani bajácho Abraham, Isaac, Jacob ore angureni Dupade pésu dajnacari Jesús ujetiga sué ore gáyode jnese. Yocojningai Jesús uté u uje uaquẽchome eduguéjnane ica. Enga uje Piláto pota jeta chirame ica mu uaquetácho.

Hebréos 12:2

Enga ca yoquedóraque chiramurase Jesús aja quedéjnane. Yirajágo gu uje yocanguretigai garani u, enga uté u to uje pésu enga yocanguretigai quérã to. Jesús uté chejnáreque re iji curesei gai nanique. Yirajágo uje gosi toi iji curesérique gai enga pajegátigai u ome uté gosi. Mu que pajegátigárique chimo Jesús nanique uje toji curesei gai. Uje áyipie jogadípise pininaquei, jé aja pirasitigade ore nanique rĩ iji datoringárique quigade. Jecute e chácariji Dupade ãrachua iji gatajnoquei.

Hebréos 8:1

Yacajnaquéode quique obiréjnai u uje Jesús u yocangarate cuchábi tuté enga chácariji Dupade ãrachua iji guéode uéchai.