Juan 12:10 - Dupade Uruode

¹⁰ Mu sacerdóteode ore eduguéjnane ore chimate dáyipiedie ujetiga ore chujé Lázaro to.

Juan 12:10 Iomraidhean Croise

Éxodo 10:3

Ga Dupade chirógapo Moisés, Aarón ore aja eduguéjna cuchábi Faraón yui te rĩ ga chojninga: –Oyósi tome Faraón jne: 'Pangarádejnai, hebréogosode yocangureni Dupade, uruode u udojo ome ua: ¿E cho rique jeta arosóñime yiquei to enga ajuéga doi ome yurasade Israel ujnacare disi ejo ga ore jno ga ore catecã́ri yu iji sañeque?

Matéo 12:14

Enga e ájningaránguipíse fariséode ore. Enga ore jno enga jé u uje ore chucué dáyipie ome Jesús ujetiga ore chujé.

Matéo 2:16

Uje Heródes e cha dangoroné ome guédo irajasórone ore, enga cho júruru uje ore tagúja. Jecute chiroque dasoldádode aja Belén ujetiga ore chujé disi parátagabode ore iji, jé aja acorásedie jogonórone disío iji Belén ejode to. Enga ore yugode urásu disiode jnese uje cáma sequeréraque gare iji ore yui. Uje e chasingara guédo irajasórone ore ojñane aja guédo yui uje ore chimo diríca. Jecute chiraja uje ore ucuegábi disabi suté jé irába guédo.

Lúcas 16:31

Mu Abraham chojningame uté: "Úngare. Que isocai tu gotique. Ujetiga ca ore chise Moisés urusarane, Dupade uruode atatasórone ore unétique ga a jé ore gajnui tu ujetiga ca ore tangári deyasónique ayoré to ujetiga chiquetárase raja ore múñi iji dáringárique toque."–

Juan 11:57

Enga fariséode, sacerdóteode eduguéjnane ore chingome ayorébui ujetiga gosi chiraja Jesús jogatique enga chingo jogadi aja ore. Jé u ujetiga ore doi ga ore chisa Jesús enga ore suru gai.

Juan 12:11

Ore guetétigai u uje uásejna judíode ore changureta Jesús gu dapesútedatéi uje chiringare Lázaro, enga ore cha ore tangári deduguéjnane sacerdóteo ore.

Juan 12:9

Enga uásejna judíode ore uje ore chudute to uje Jesús déji Betánia, enga jé u uje ore chicáji. Mu que gusu ujetiga ore tibágui Jesús, mu ore ajegaidi upo rĩ ujetiga ore chimo Lázaro. Uje Jesús e chiringare iji itoringai nanique.