Juan 11:57 - Dupade Uruode

⁵⁷ Enga fariséode, sacerdóteode eduguéjnane ore chingome ayorébui ujetiga gosi chiraja Jesús jogatique enga chingo jogadi aja ore. Jé u ujetiga ore doi ga ore chisa Jesús enga ore suru gai.

Juan 11:57 Iomraidhean Croise

Sálmos 109:4

Yijnoraquei ome ore oré tu yúringai pijmongarája ome ore, mu yicatecã́ri Dupade ome udore ore to.

Juan 10:39

Uje que ore chise Jesús uruode udore unétique enga ore potapo ujetiga ore chisa rĩ enga ore suru gai. Mu Jesús jnoji ore jmainie.

Juan 11:46

Mu udore uñéngo ore tibágui fariséode ore ujetiga ore chingo Jesús ipesudode aja ore.

Juan 11:47

Jecute fariséode, sacerdóteode eduguéjnane ore cháta rágaja ore angaranipísode. Enga ore chojninga: –¿Jé yoco ringome jne a ome jnani uté ome ipesudode cucha pitijabácho? Uje e uásejna ipesudode udore cucha.

Juan 8:59

Jecute ore chisa cucaranenie ujetiga ore chatingare Jesús údode, enga ore chujé. Mu Jesús chacose re iji ore ujade, enga doi guesi iji Dupade iguíjna cuchábi enga jé u uje jno.

Juan 9:22

Jnani uté dayé urúo udore gu uje ore todo judíode ore angaránone. Ore chudute gu uje judíode angaránone e ore chimate dáyipiedie gu ujetiga ore chãraque daquiningamei guiguíjna ome udore ore uje ore changureta Jesús úringai pijnati Crísto.