Juan 11:54 - Dupade Uruode

⁵⁴ Jecute Jesús que chingopo raja judíode ore rĩ. Mu jnoji ore uniri Judéa. Enga chicáji ore idánique uje i tu Efraín uje idógosiji erãp eyutiguei. Enga Jesús acadigode ore cháji Jesús gari iji te.

Juan 11:54 Iomraidhean Croise

2 Samuel 13:23

Iji cuchade udojo quigade ga siqueredie gare iji, ga Absalón, irógode ore chuju Absalón gachidedie áyasai ojode iji ore idai Efraín ejoi iji ore ajmini uje i tu Baal-hazor. Ga Absalón tibidi dayé ujnacarode ore jnese jetiga ore taguíji uté to.

Juan 10:40

Udojo quigade enga Jesús chajniápo aja tié rĩ uje i u Jordán ga chicáji guedé garani iji tié uéchai. Ga cháji te uje Juan chaca ore edodie iji nanique.

Juan 18:20

Jecute Jesús chajnai uruode enga chojninga: –Cho ujetiga pipoguiete yacajnaquéode quigode. Bamo uje jecucha yacate ore iji guesáringane. Yacadápo ore rĩ iji ore aquiningaméone guiguíjna jé aja Dupade iguíjna cuchábi. Enga bamo judíode ore jnese chamáta rágaja Dupade iguíjna cuchábi.

Juan 7:1

Cuchade udojo quigade enga Jesús diguiji ore uniri Galiléa údode uje chacate ore iji quedéjnane. Que pota jóroga ujetiga chajniápo aja ore uniri Judéa rĩ. Chiraja uje judíode ore chujérase iji Judéa gu.

Juan 7:10

Uje Jesús desade ore jno que enga jé u uje Jesús chajna ore to aja ore jnusinamáni dire. Mu Jesús pógu dacoringai. Gaidi u gu ujetiga ayorérigo ca chiraja.

Juan 7:13

Mu jecucha ga ore pógu dacatecãraitigade udore. Ore todópisa dangaránone gu.

Juan 7:4

Ujetiga gosi ucuei tu ujetiga pirajaque gosi ome dojode ayoréo, a ca uté gosi pógu dapesudode. Jecute bo enga ango bapesútedatéode aja erámi jnese.–