Juan 11:53 - Dupade Uruode

⁵³ Jecute diri uté jé u uje judíode ore angaránone ore chimate dáyipiedie ujetiga ore chujé Jesús.

Juan 11:53 Iomraidhean Croise

Génesis 37:18

Mu ore chimo desai José iji garani iji ti, enga ore catecã́ri ñane bajac ujetiga ore chimate dáyipiedie bajaque ujetiga ore ajéo enga ore chujé.

Nehemías 13:21

Mu a yudute jne uje oredie gaisórone ore déji yocujuyaquei jorídedie uéchai iji dire puyátique enga a yibágui ore jne enga yósi tome ore jne: "Dire puyaque udé ome judíode uyoque. Boyo uaquẽrapáidode uacagúcha údi jne. Enga ca amóñoji yocujuyaquei jorídedie ejode. Ujetiga ca boyo ga a yicoi soldádode ome uaque jne enga a ore suru uacabáyode jne." Ga jé u nanique uje ore cha oredie iji dire puyade enga que ore diapo dẽrapáidode dagúcha údi nanique rĩ iji dire puyade.

Nehemías 4:16

Mu yecãco yoquisocai, ga uñane chajire yoquejode ome yocumajosórone ore, jé basa ga uñane chiro yocujuyaquei aja gaté. Enga orasórone cha ga e ore chajire yoquejode ome yocumajosórone ore enga e uñane ore chirópo yocujuyaquei aja gaté to rĩ uje ore ajirique yoquejode que. Enga pisadodéringane e jnoji yoqueduguéjnane uñane ore enga e ore chirópo yocujuyaquei aja gaté rĩ iji darasade judágose yocujade to. Enga yocurasade uñane ore chijna yocorai yocujuyaquei erásorone iji dajmanai uñai, jé basa ga ore chijna dõrachade iji dajmanai uñai.

Sálmos 113:2

Picotaque Opejã Pangarádejnai uté i iji deréjnai tudé jé aja deréjna pitade jnese.

Sálmos 2:2

Peduguéjna cuchábode, jé aja ore ujode eduguéjna uñane ore iji erámi ore tagu Dupade uruode aja. Ga jé ore chuságaja uje ore pésu dáyipiedie ome re ga ore áyipie noñánguenie udire gajnesṍri u Pangarádejnai, jé aja edójnari peduguéjna uté to.

Sálmos 31:13

Yudute ore ichérecheréringane ome yu uje ore pésu yadode. Paguté joradie déji yirosadode jnese. Ga udore ore pésu dáguedie ome yu uje ore chĩ́care yu iji dayaridode, ga ore chucué dáyipie quicho jeta ore chijnime yucuecaringuei iji yu.

Sálmos 71:10

Chamáñaje yetesórone udore ore cho daboti cucha iji yu; udore ore uje ore chuquéjnai yu, ga ore chimáta ñane ome yu ga ore pésu dáyipierigui ome yúringárique chuque yui.

Matéo 12:14

Enga e ájningaránguipíse fariséode ore. Enga ore jno enga jé u uje ore chucué dáyipie ome Jesús ujetiga ore chujé.

Matéo 16:21

Deréjnai uté enga Jesús cho dacadigode quique gatuaque ome dagachodi yui. Enga chatatame ore uje Dupade ajéo ujetiga chicáji Jerusalén jne. Enga chojninga: –A yumajosórone u judíode ore eduguéjnane, ore asutépisedie ore, jé aja Moisés urusarane atatasórone. Udore a ore socaripísome yu jne. A ore chimate yu aja jnumi jne rĩ. Mu yejnatígo dire gadioque jne iji yigachotique. Enga a jé u jne ujetiga yiquecápo rĩ iji yitoringai.–

Matéo 22:46

Mu que pichajnainápo uru quigode rĩ. Que ore chiraja gu. Enga que ore chucuepoi daringaquéringo ome rĩ, jé iji diri uté, jé aja dire piqueminórone.

Matéo 26:4

Ore ucueguedie u dáyipie quicho ome Jesús ujetiga ore chisa ome daringaquérique. Enga jé u ujetiga ore chujérase.

Matéo 26:59

Judíode ore asutedie chucué daguhétajarique cucha Jesús gai ujetiga ca ũré marínga, jé cho daba ujetiga ore chujé.

Márcos 14:1

Mu dirode amíningo gare iji ore jnusinamánemétique dire uje i tu Páscua. Uje jecucha ore adébeque gu uje ore tagu arurégode iji uté uje que bisitique déji. Mu iji dirode udore sacerdóteode ore eduguéjnane, jé aja Moisés urusarane atatasórone ore chucuepísi dasocáringome Jesús ujetiga ore chisa ome daringaquérigo. Enga jé u ujetiga ore chujé ga ore chimánaja jnumi.

Márcos 3:6

Mu jĩrique fariséode ore jno enga ore cháta rágaja Heródes irógode ore ujetiga ore chucué dáyipierigui ome Jesús úringárique chuque.

Juan 11:47

Jecute fariséode, sacerdóteode eduguéjnane ore cháta rágaja ore angaranipísode. Enga ore chojninga: –¿Jé yoco ringome jne a ome jnani uté ome ipesudode cucha pitijabácho? Uje e uásejna ipesudode udore cucha.

Juan 12:10

Mu sacerdóteode ore eduguéjnane ore chimate dáyipiedie ujetiga ore chujé Lázaro to.

Juan 7:1

Cuchade udojo quigade enga Jesús diguiji ore uniri Galiléa údode uje chacate ore iji quedéjnane. Que pota jóroga ujetiga chajniápo aja ore uniri Judéa rĩ. Chiraja uje judíode ore chujérase iji Judéa gu.

Héchos 5:33

Uje eduguéjnane chudute ore uruode enga ore ajéode dotãre ome ore. Jecute ore pésu dáyipiedie ome ñane ujetiga ore chisi ome pitoringai ome ore.

Héchos 9:23

Dirode e jiei iji udore quigade uje judíode pésu dáyipiedie ome ñane ujetiga ore chujé Sáulo.