Juan 11:44 - Dupade Uruode

⁴⁴ Enga jé u uje jnani toi uté doi guesi iji dode. Enga guídade, jmainie ore chimeríji borapei údode. Adi jé u ome edodie, gatoi ore rĩ. Jesús chojninga: –Ejñúño borapéode iji údode. Jé dóji ga dique.–

Juan 11:44 Iomraidhean Croise

Génesis 1:3

Quigade enga Dupade narare enga chojninga: "¡Dírecaringuéi á, be guesi!" Ga doi guesi.

Sálmos 33:9

Uje uté narare ga jĩraque uruode tocade; ome uté iroquéode ga cuchade etóguiji dayaridode jnese.

Márcos 5:43

Mu jĩrique Jesús chiroque disabía daté ore aja ujetiga ore pésu suaté potique. Mu Jesús chopise quique ayoréode ore ujetiga jé ca ore tujua ipesútedatéi ome togué tuaté úringa piqueta.

Lúcas 19:20

Enga jé u uje ejogatei chingongara raja to ga chósi tome: Yocangaráni á, bapláta casidica de daji uje yañurupúsu guio ga yipocásu gai iji borapei.

Lúcas 7:15

Mu ore chuninga mu ayoré toi tuté chague ga e catecã́ri ore iji dejode. Ga jé u uje Jesús chingongara aja daté.

Juan 10:30

Yai Dupade, uyoque jé yitojmárangopise.–

Juan 11:39

Enga Jesús chojninga: –Ajnicho cucarané iji Lázaro ode gai.– Mu Lázaro toi jõra Márta chojninga: –Yocangaráni á, a e ánique chójmare. Jé dóji. E dirode gagájni iji yui uje toi diríca.–

Juan 11:43

Uje chejna udojo guesi ga jé u uje chejnapúsu daruode enga tibidi Lázaro enga chojninga: –¡Lázaro, be guesi iji bode!–

Juan 19:40

Jecute José, Nicodémo ore cháta rágaja ñane uje ore jno Jesús cuérpo údi. Enga ore na Jesús cuérpo aja borapéode ajei uje arupachéo ome cucha ai unérone udore uje ore chimeríji ñane. Chamáñaje judíode ore isocabei u gu uje ore chijóchame togode.

Juan 20:5

Enga uté chajo raja jnumi enga tajirome Jesús ode. Chimo borapéode iji jnumi uje ore chigaru Jesús gai ome diríca. Mu que uté chacája ajei.

Juan 20:7

Mu Pédro chidójninga uje Jesús gatoi jogonore casodé borapeque que déji borapéode uñane jogadi. Mu pipocayacho aja ñane enga déji jogate uñai.

Juan 5:21

Uacarajáyo uje yai Dupade chiringare togode enga ore ecápo rĩ. Adi jé u ome Ujnacari uyu. Ujetiga yipota enga yiringare togode ore to enga ore ecápo to rĩ.

Juan 5:25

Jé ũrepise yu ome yuruode udojo: uje Dupade ojningai dire e di ujetiga pitoringai gajnesórone chudute Abi uyu yuruode. Ujetiga ore tangaripísi yuruode quigode enga a ore eca jne.

Filipénses 3:21

Ujetiga di, enga a chinoningase yoquejnaréngone isai yocao jne. Enga a yocópise uté jne ome ao ijoréjnai. Enga oidé tu dajopié jne ujetiga chinoningase yoque. Enga utocaidé a jé upo dajopié tuaté jne rĩ ujetiga chimate cuchade aja re jnese, enga a jnuéngai cuchade udore jnese jne.

Apocalípsis 1:18

Bamo uje toque yu nanique. Mu quigade enga yiquecápo rĩ, enga a e ca yitopoi jne rĩ iji deréjnane jnese. Enga yujopié etotiguei déji ome pitoringai, jnaropié ore jnese. Chamáñaje lláveode déji yu gu ome cuchade udore.

1 Samuel 2:6

Pangarádejnai Dupade u uje guẽrate pitoringai ome yoque. Upo rĩ uje guẽrate pucuecaringuei ome yoque. Ga uté jé u uje pésu ga pijóchõre yoque iji yocódedie, mu jé upo rĩ uje chorepoi yóguiji gaté rĩ.