Juan 11:4 - Dupade Uruode

⁴ Uje Jesús chudute ore uruode enga chojninga: –Dequejnarei uté a ca chujépise Lázaro jne. Mu ejnarétaque Lázaro gu ujetiga Dupade chingo dáringai eduguéjna cuchape aja ore. U to ujetiga chingopo dabi uyu yúringai cuchape aja ore rĩ.–

Juan 11:4 Iomraidhean Croise

Juan 10:38

A otigáso yu mu ujetiga yipesudode cunguésõri Yai ipesudode enga que potigayaquérique déji yipesudode udore garani, uje Dupade u. Jecute ome yipesudode udore a jĩraque arajayórase to uje Yai déji yari enga yugúsapóji uté gari to rĩ.–

Juan 11:40

Mu Jesús chojningame Márta: –¿Ja ca ajnusina yuru casodé a? Uje yojningame ua: "Ujetiga angureta yu jne enga a amo Dupade ujopié ingoningájnai."–

Juan 12:28

Enga Jesús catecã́ri dayé enga chojninga: –Yapá, be bajéningo ome yu ujetiga diga picotaque opejã ua ome ore.– Enga jé u uje ore chudute darade uje tṍraji gatajnoquei. Uje chojninga: –E yise yúringai picotaque que, enga diga picotagapo yu jne rĩ.–

Juan 17:1

Uje Jesús chejna daruode udore guesi enga chajire gaté enga catecã́ri dai Dupade. Enga chojninga: –Yapá, bojningai dire e chise yu. Jecute yicatecã́ri ua ujetiga bangoningájnai pijóguiji bajnacari uyu. Yigaidi u gu ujetiga picotaque opejã ua to ome bajnacari uyu yadode.

Juan 17:10

Bamo uje yanguresórone jnese jé bajnecho ore to. Adi jé u to banguresórone jnese, uje jé yajnecho ore to. Enga bamo to uje yingoningai pijóguiji yocanguresórone udore ore to.

Juan 17:5

Jecute, Yapá, yajéode u ujetiga yugúsapóji bari enga ujetiga atire yúringai cuchape yibai. Yigaidi tu gu ujetiga yocópo ñane rĩ ome yocúringane cuchape. Ujetiga yocópise uje cáma erã́tique cuse nanique iji taningane.

Juan 2:11

Jesús pésu dapesútedaté bajai uté iji ore idai Caná iji ore uniri Galiléa, uje chécãre yodi enga nóña enga víno. Enga isocai u uje chingo dáringai cuchape aja ore. Jecute acadigode ore changuretapise to.

Juan 5:23

Yai Dupade áyipiedie u ome erámi unirisórone jnese ujetiga ore cho dangaráni iji dajnacari uyu. Adi jé u to uje ore cho dangaráni iji yai Dupade. Ujetiga gosi ca cho dangaráni iji Dupade Ujnacari uyu, enga que cho dangaráni iji yirósõri Dupade to.

Juan 8:54

Jesús chajnai ore uruode enga chojninga: –Ujetiga yisírase yibai enga a ca cuchárique tõrarásiji. Mu Yai déji enga uté u uje chisi yibai, enga que toc ujetiga oyo cucha bisidéguiji uté icotaquéode. Chiese uacangureni u Dupade, mu jé u Yai uté to.

Juan 9:24

Jecute judíode angaránone ore tibidápoi edopari gaté rĩ ujetiga ore catecã́ri enga ore chojninga: –Be ga angopísa báringai piquetaque quigode ome yoque iji Dupade iquei. Uje e yirajagopise jnani uté uje sijnanguipise.–

Juan 9:3

Mu Jesús chajnai ore uruode enga chojninga: –Que uté isijnaringuéone u go. Que dayé, daté ore isijnaringuéone upo gotique rĩ. Mu Dupade ajéode u ujetiga pijoque ujopié ome úringai piquetaque.

Romános 11:11

Jé idé ga israélgosode ore gajnúone u ayoré cõrachugode udore ore. Mu ja seca gosi chojningápome yu rĩ: –¿Mu qui turásu ujetiga israélgosode ore cõrapise ga ore noñaji jnumi a?– ¡Úngare, que ore icoraningai qui tu uté gotique! E mu ome ore isijnaringuéone udore ga Dupade pésu ujetiga e guesája yui ome purása quedéjnane jetiga ore chise dáringane piquetacho. Enga Dupade gaidi tu gu jeta israélgosode ore pañaji uté icaniratiguédatéi ome purása quedéjnane udore, ga a ore charatáyime Dupade isocai uté ome ore. Jecute a ore chucuérasi dasocai iji purása quedéjnane udore quigade jeta ore chise dáringárique Jesucrísto iquetacho to.

Filipénses 1:11

Yigaidi tupo rĩ ujetiga uacajnua tu poria uje adie jiépisi. Yojninganie ai u uacátegoningáne uje udore garani u uacaríjogosṍri Jesucrísto. Chamáñaje yocátegoningáne u uje pésu ga Dupade ingoningájnai pijógome erámi enga diga picotaque Dupade gu ome udore.

Filipénses 1:20

Yajéode u ujetiga ca yajéngome yatique uñeque jne, mu yangureta Dupade ome yu ujetiga picasitigai irágu yu ome yatatagode Dupade urúo iji deréjnane. Yigaidi tupúsu ujetiga picotaguipise Crísto ome yadode iji deréjnane. Cuchiyi tupúsu iji deréjnane unojo. Jecute jé arec ome yu ujetiga yitoina yanguretigai ome Jesús, jeoga qué yiqueca.

1 Pédro 1:21

Dupade u uje chiringare Crísto iji itoringai nanique enga chatire úringai eduguéjna cuchape gai. Jecute uje uacanguretáyo Crísto enga jogadi u uté to uje uacachayo uacanguretigai aja Dupade to ome ojningane cucha yúode.

1 Pédro 4:11

Ujetiga ayorérique chacate ore enga omi tu ujetiga chedu Dupade uruode iji dajei. Jeoga chisa dasaque uñéngo ome Dupade enga chejna raja ome Dupade guerani etotigué. Acueyoi uacasocáringome uacapesudode cucha udore jnese ujetiga pijoque uacanguretigai iji Jesucrísto. Enga diga ore chacãre Dupade gai ome bapesudode udore. Yocajéode u gu ujetiga picotaque Dupade iji deréjnane jnese ome ujopiédaté. Amén.

1 Pédro 4:14

Ujetiga ore uruode gajnarécho aja uaque gu Crísto adode, mu anínaño uágome ore uruode. Uacarajáyo gu uje Dupade Ujopié cuchabé déji uacabáyode. Ore uruode gajnarécho aja Dupade, mu uhuaque u uje uacasíyo Dupade gai.