Juan 11:21 - Dupade Uruode

²¹ Mu Márta chojningame Jesús: –Yangaráni á, ujetiga agúsirási de diríca enga yocaja casé a ca torási diríca.–

Juan 11:21 Iomraidhean Croise

1 Reyes 17:18

Enga jé u uje chequé uaté chaguhéta Elı́as gai ome abi itoringai uté, ga uru dosógode udore chósi tome uté: –¿Yibárique cucha ome ua yá, Dupade iroi chá? ¡A ese de que gu jeta ayóji yisijnaringuéone yui ome uyu jõ, ga jé upo rı̃ ujetiga equésãre yabi uté!–

Sálmos 78:19

Urénga, ore uruode gajnarécho ome Dupade ga ore chojninga: –¿Ga Dupade chorási ringome jeta chicha cucha pibotígaja yoquimésadie gáyode iji erãpetarei udé?

Sálmos 78:41

Ga ore chigota chetingare Dupade uté gatuaque nanique, ga ore pésupúsu Israel Jogosṍri Dupa Puyaguipise ujuredie ome dabotaquéode.

Matéo 9:18

Uje Jesús qué déji dacajnaquéode gai mu judíode eduguéjna cuchátique chachai to enga i tu Jáiro. Jnani uté chichaga dagataidie aja Jesús iquei enga chijócha ajei údi. Enga chojningame: –Jesús á, qué yutṍri ua ujetiga ajinama yu aja yiguíjnai. Yuro e toi gu. Yiraja uje a acha bajmainie aja gai jne enga a ecápo jne rĩ.–

Juan 11:2

Ga ejnarétai Lázaro jõra María uaté u uje chojne cucha ai uneréjna aja Jesús guídade gai nanique enga doi ga chaguñéra datui aja gai.

Juan 11:3

Diga Lázaro jõra gáredie udire ore chiroque darógode aja Jesús ujetiga ore chojningame: –Yocangaráni á, bajõrai Lázaro ejnarétaque.–

Juan 11:32

Uje María chise Jesús charidi enga chichaga dagataidie aja jnumi iji Jesús ejoi enga chojninga: –Yangaráni á, ujetiga agúsirási de, yaja casé a ca torási diríca.–

Juan 11:37

Mu uñane ore chojninga: –Uté u ica uje chuchẽre edopari edodie gáyode. ¿Gotique gu a uje que di diríca enga chiqueta Lázaro diríca ujetiga ca toi?–