Juan 10:7 - Dupade Uruode

⁷ Jé u uje Jesús chingome ore gaté. Enga chojninga: –Jé ũrepise yu ome udojo uje yojninga: yajnui u áyasadie pié piagoi ujetiga áyasadie chacája dabié.

Juan 10:7 Iomraidhean Croise

Sálmos 100:3

Adójnachopísa uje Dupapísi u Pangarádejnai uté. Uté pésu yoque ga uté gajneque yoque. Uté urasapísode u yoque, ga uté cho dachidedie áyasai iji yoque uje déji uté gajnei garai.

Sálmos 79:13

Ga barasade uyoque, uje bo bachidedie áyasai iji yoque ga yugúcoi bajnei garai, ga a yacãco babai iji deréjna pitade gatuaque jne. A jecucha yatatago bajnéone yoquicotaquéo ome ua gatuaque jne ga a jé chuságaja pape disi ejórigo ore jnese.

Sálmos 95:7

U gu uje Yocudupade u uté, enga uté urasapísode u yoque, ga uté cho dachidedie áyasai iji yoque uje déji uté gajnei garai. Yoco áyasa posedie iji uté jmainie ome uté úringai Yoquirodisõre. Ujetiga adúcho uté úringai dara iji diri tudé, enga jé beyórasi quigode,

Isaías 53:6

Uje bijnaque yoque jnese ga yocajnunie jé u áyasa dodie. Ga jé yicagóji yoquiquigode erámio jnese. Ga que uñeque doi ga jĩraque quítequiguíji Dupade adode úringáringo pigaicho. Jecute Dupade chicha yocajnéone pujuyaqué aja dajúdebei piquetangore uté gai, ga toi ome yoquisijnaringuéone.

Juan 10:1

Jesús chacãra dacajnaquéode aja áyasadie pié enga chojninga: –Jé ũrepise yu uje oriechoquíode ore pijoque gu uje que ore chacája piagópisi iji áyasadie pié. Mu ore pógu re enga ore chacája uécha uñai uje íjnoque piagode iji.

Juan 10:9

Yajnui u guiguíjna piagoi aja Dupade yui. Ujetiga gosi chacája yu enga chise dáringárique piquetaque jne. Enga gajnúraque a u yachidéraque áyasa uje gajné u dabié ujetiga chacája jeoga doi guesi ujetiga chucué dabose jnacaratique.

Juan 14:6

Jesús chajnai uruode enga chojninga: –Dajei jé u uyu. Enga cucha uréone, pucuecaringuei ore garani jé upo yu rĩ. Gusu panguretigai ome yu ujetiga gosi chise Yai.

Efésios 2:18

Jecute ome Crísto adode ga e guesája Dupade yui ome uyoque jnese - ujetiga judíode u, jeoga purása quedéjnane u, mu yoquisocai jé chojmara ujetiga yico Yocai Dupade uté. Chamáñaje chojmara Dupade Ujopié uaté gu, enga uaté u uje déji uyoque jnese.