Juan 10:6 - Dupade Uruode

⁶ Uje Jesús chacãra dacajnaquéode aja cuchade udore mu que ore chiraja quigode go.

Juan 10:6 Iomraidhean Croise

Sálmos 106:7

Uje yocayode qué ore déji Egípto nanique, ga ore chicadígui bátedaté pitijabádode udore nanique, ga ore chicadígui cutejmai bosongaquédaté, ga ore chise Yote Quedéjna Caratai ome dachietabáitigade ome ua.

Sálmos 82:5

Pirajatigai chona padode ajirisórone udore ore, ga que ore nunaji cuchárique quigode gotique to. Ore chaca ñane iji ijnangununie ajéode. Ga cuchade erodie jnese iji erámi chécãre dajogadode iji udore ore ajiritíga tágode jmainie.

Provérbios 28:5

Que ayoré táyipiegode ore chise eduguéjna uréone ore áyipiedie quitique unétique. Jé basa ga Pangarádejnai anguresõre uréone ore u uje ore chiraja eduguéjna uréone ore áyipiedie úringanie ũrei.

Daniel 12:10

A jiei ore jne jetiga ore chejnáringui jóroque re ome cuchade jeta chácariji ore údode, mu a quigade jne ga a jé ore chise dáringáringo purucho to ome, ga ore úringáringo ujñapetácho quene pijoque to. Mu ducusuréchoquíode a jé ore ate jne uje que ore cho dáyugu datique ga ore chejna raja date gajnareque noñángone udore. Ga a ca ore chidójnanga cucha tocachugode udore gotique to jne. Mu jnani áyipierane a ore chiraja cucha tocachugode udore quigode.

Matéo 13:34

Jesús que chacate ore bisideque mu jecucha cho cucha gajnu iji dacajnaquéode jnese.

Matéo 13:51

Unojo quigade enga Jesús chojningame dacadigode ore: –¿Ja arajáyo yacajnaquéode unojo quitígo a?– Jé u uje ore chajnai enga ore chojningame: –Yocacadisṍri á, yirajágo erĩ́e.–

Márcos 4:34

Jecute que Jesús chacate ore bisideque ujetiga ca chijna cuchárique gajnúrique ome ore. Mu quigade ga jecucha cho cucha gajnúone udore quigome dacadigode.

Juan 16:25

Uacamóño uje jecucha yacãra yacajnaquéode aja cuchade, mu a chisápo dínique jne rĩ ujetiga ca yacãrápo yacajnaquéode aja cuchade rĩ. Mu a yo Yai adode quique ome uaque jne enga yijna yurúpisode ome uaque uje que yacãra yacajnaquéode aja cuchade.

Juan 16:29

Uje acadigode chudute Jesús uruode enga ore chojningame: –Baruode ucode e tocade ome yoque. Enga e babé barúpisode enga que acãra bacajnaquéode aja cuchade.

Juan 6:52

Jecute judíode ore botare ñane ome Jesús acajnaquéode quigode. Ga ore chojninga: –¿Jé uté isocáringome uyoque ujetiga chisi ome dabai ome yoque ujetiga yajo?–

Juan 6:60

Enga uje Jesús acajnaquéode angarásorone uñane ore chudute udojo enga ore chojninga: –Uajácho Jesús acajnaquéode udore ujetiga ayorérique chiraja udore quigode. ¿Jé yocórase rique ujetiga yicoi quigode?–

Juan 7:36

Chimo jóroque re daruode quitique ome yoque uje chojninga: "A yiji jne ome uaque. A acueyoi yu jne mu a ca amóñopo yu jne rĩ. Uje que togome uaque ujetiga acayóji yijogadi."–

Juan 8:27

Mu que ore chiraja uje Jesús ojningai darósõre u dai Dupade.

Juan 8:43

¿Gotique gu a uje que toque ujetiga arajáyo yojningane cucha quigode? Ísega quigode u uje que apótayo angáchoi yacajnaquéode quigode.

1 Coríntios 2:14

Mu adójnacho ujetiga Dupade Ujopié Espíritu Sánto ca déji gosi, enga uté gosi que chimesẽre cucha uréone quigode gotique uje tṍraji Dupade Ujopié uaté. E mu cho cucha bisidéguiji. Jé ũré uje que togome uñeque ujetiga chiraja cuchade udore quigode ujetiga jé ca Dupade Ujopié Espíritu Sánto chacate gosi áyipie ome cucha uréone udore uje garani tu Dupade.

2 Pédro 2:22

Jé ũré ore uruode uje ore chojninga: "Tamocoi u uje pogai, mu quigade ga tagúpo dapogaidode rĩ. Adi jé u ome yãcoré quedéjnaraque rĩ uje ore churu gai, mu tõrapo raja pacataringuéone rĩ enga chumuchase re iji pacataringuei." Ujetiga gosi chiraja Dupade uruode, mu chajnésaru daquigade enga ore gajnúone u tamocode, yãcoré quedéjnanie ore.

1 Juan 5:20

Yirajagópo rĩ uje Dupade Abi e di nanique ujetiga chuchẽre yocáyipiedie edodie gáyode ujetiga yirajágo Dupápisi to. Jecute e yátago yógaja Dupápisi Abi uje i tu Jesucrísto enga yicoi uté adode. Uje Dupa ũrepísi tu uté. Enga uté guerani u pucuecaringuei ome yoque ujetiga yiquecágoji deréjnane jnese.