Juan 10:41 - Dupade Uruode

⁴¹ Enga uásejna ayoréode uje ore chise Jesús iji charidi ga ore chojningame ñane: –Que Juan casica pésu dapesute cucha pitijabate ica mu chacate yoque ica ome Jesús uté adode enga jé ũrepíso acajnaquéode quigode.–

Juan 10:41 Iomraidhean Croise

Matéo 14:2

Enga Heródes uté chojningame daríjogosórone nanique: –Chimo jóroque re ujetiga yi casicaite Juan el Bautísta uté u uje tṍra ore aja yodi nanique, enga ecápo rĩ. Jecute e pésu cucha pitijádode ome dáringai ujopíerãque.–

Márcos 1:37

Ga jé u uje ore chise enga ore chojningame Jesús: –Guidai idaisórone ore chijnángui ua. Jecute ore chucué ua jnese.–

Lúcas 12:1

Mu udojo quigade ga ayoré dipeséode ore yore aja Jesús ejode ujetiga ore tangári acajnaquéode to. Ga ayorébui udore que ore edóraque cuse. Jecute ore chinguíra raja ñane iji daquigode. Uje cáma ayorébui ore déji jnese, mu Jesús catecã́ri dacadigode ore bajaque ga chósi tome ore: –Ajusópise uaqueo ome uacasocade ga ca beyoi fariséode ore jmapiedie to jne. Chamáñaje táquechoquí ore ome dáringane Dupade irócho gu.

Lúcas 5:1

Mu chise deréjnai uje Jesús déji yote quedéjnai pijnanai uje yote quedéjnai tuté i tu Genesaret. Enga ayoréburique ore chise Jesús iji to. Ga chacate ore iji mu ore chapédugu yote quedéjnai pijnanai. Mu ore ajegaidi tu ujetiga ore chudute Dupade ujnomei to.

Juan 1:27

Bajaque yu mu que yipijoque. Mu uñai di iji yiquigade enga ibijoguipísi u uté. Que yugúsiji cuchárique go mu cuchadatei u uté uje chise uaque iji yiquigade.–

Juan 2:11

Jesús pésu dapesútedaté bajai uté iji ore idai Caná iji ore uniri Galiléa, uje chécãre yodi enga nóña enga víno. Enga isocai u uje chingo dáringai cuchape aja ore. Jecute acadigode ore changuretapise to.