Juan 10:4 - Dupade Uruode

⁴ Enga jé u uje chijnime ore iji pié ajei. Enga uje e ore déji guesi jnese enga basája ore iquei. Enga jé u uje áyasadie ore chajna. Chamáña gu uje ore chiraja uté uruode gu.

Juan 10:4 Iomraidhean Croise

Matéo 16:24

Jé u uje chojningame dacadigode jnese: –Ujetiga uacuñeque pota dáringai yiroque enga uté gosi doi ga chicadígui dacuecaringuei ome re. Enga jé tiógara jne ujetiga uté gosi cho daba dagaidode yiroquéo.

Juan 10:16

Mu yajnenie áyasai uñanie déji uje cáma ore chise dabié udaque. Mu a yijna ore aja yu to jne. A ore tangaripísi yu to jne. Chamáñaje a yamáta ore aja yachidé bajedie enga ore quitique chojmára jne. Enga a ore irodisónique chojmárapo rĩ.

Juan 10:27

Uje obiréjna yajnenie áyasai ore to. Uje ore chiraja yibijnane. Yirajápo ore to rĩ. Enga udire ore u uje ore chajna yu.

Juan 10:3

Ujetiga áyasadie pié irodisṍri chimo áyasadie gachisṍri enga jé u uje chuchẽre piagoi gai ome ujetiga chacája ajei. Enga áyasadie chiraja dachisṍri pijnane. Enga uté chĩ́care áyasadie ore íode uje chijnime ore iji pié ajei.

Juan 10:5

Enga que togome áyasadie udire ujetiga ore chajna damojmárique. Mu ore chayome. Que ore chiraja uruode gu.–

Juan 10:8

Judíode uje ore cho pacadisórone iji raque iji yiquei ore gajnúone u oriechoquíode. Ore ajéode u ujetiga áyasadie chajna ore mu que togome ore. Uje áyasadie que ore chiraja ore gu.

Juan 12:26

Ujetiga gosi pota doi yiroquéode enga doi enga chirate yadode. Enga ujetiga gosi doi yiroquéode a chise yijogadi to. Enga a Yai Dupade chisi uté gosi gai jne ome dagaidode yiroquéo.–

Juan 18:37

Jecute Piláto catecãrápoi rĩ ga chojninga: –¿Jé ũré ua ya ome báringai eduguéjna cuchape?– Enga Jesús chojninga: –Ejẽ́. Jé ũré baruode uje eduguéjna yu. Mu yibase nanique gu ujetiga yingo cucha uréone ome erámi unirisórone ore. Enga cucha uréone ijnorasórone ore jnese tangári yacajnaquéode quigode.–

Juan 3:29

Jecucha pijoque jnacari úringai gapua gajmasõre. U gu uje ore déji ñane ejode. Uje gajmasṍri ujoi jnacare chudute dajõrai arecujaidie enga pininaquei irágu. Adi jé u iji deréjnai udé to uje yirasitigai irágu yu uje yudute yujoi Dupade utocaite ujnomei to.

1 Coríntios 11:1

Crísto jmapiedie u yigaidedie. Jecute aracho yu to aja yijmapiedie.

Efésios 5:1

E uacapáñañoji Dupade icaniratiguédatéi uté uje chĩropise uacasijnaringuéone jnese enga pésu uacáringane icha ome uaque uje jé cunguésõri uté, yijorane uaque á. Pijoguipise uté ijnoraquei ome uaque to uje cho dape dedójnaripísode iji uaque. ¡Jecute jé tiógarapísa ujetiga arachopise Uacai Dupade uté aja jmapiedie jnese!

Hebréos 12:2

Enga ca yoquedóraque chiramurase Jesús aja quedéjnane. Yirajágo gu uje yocanguretigai garani u, enga uté u to uje pésu enga yocanguretigai quérã to. Jesús uté chejnáreque re iji curesei gai nanique. Yirajágo uje gosi toi iji curesérique gai enga pajegátigai u ome uté gosi. Mu que pajegátigárique chimo Jesús nanique uje toji curesei gai. Uje áyipie jogadípise pininaquei, jé aja pirasitigade ore nanique rĩ iji datoringárique quigade. Jecute e chácariji Dupade ãrachua iji gatajnoquei.

Hebréos 6:20

Mu bajaque Jesús uje chacája ajé uñai uté ujetiga pésu enga guesája yui ome yoque to. Jecute Yocangarádejnai u uté ujetiga catecã́ri Dupade ome yoque. Enga ajnai u jnani bajai Melquisedec uje catecã́ri Dupade to nanique ome darasade.

1 Pédro 2:21

Uje Dupade áyipiedie u udire ome uaque ujetiga acãcho uágaja Crísto. Uacamóño uje Crísto chejnáreque re nanique ome uaque, ga jé uacajnei tu ujetiga oyo uacaba Crísto to.

1 Pédro 4:1

Uacarajáyo uje Crísto chejnáreque re nanique ome uaque. Enga e uacajnei tu ujetiga dimane uaque to ujetiga ejnárecho uaque to ome uté adode. Uté gosi uje chejnáreque re ome Crísto adode pijoque uje e cha date bajaque gajnaréngone.

1 Pédro 5:3

Mu que quigode u go ujetiga oyo uacajosipié ome uacarodigode udore, mu ajuso uacadode guio ujetiga ore chirate uacate omone. Uje uacajnúone u áyasadie irodisṍri uje susípise darodedie áyasai guio.