Juan 10:34 - Dupade Uruode

³⁴ Mu Jesús chajnai ore uruode enga chojninga: –Ja ca ajnusináño uacajirigode Dupade urúo quigode uje chósi te: "Yichajapite uacáringane eduguéjna aja uaque enga e yujo Dupade uaque to."

Juan 10:34 Iomraidhean Croise

Sálmos 138:1

Yacãre babai, Pangarádejná, ome yáyipie jnese; iji dupa quedéjnane ore iquéode ga yicotai tu ua iji yiradedie udiji.

Sálmos 82:1

Dupade chague iji dapesudé gague uaté iquei ome dajiritigade ome padode ajirisórone ore, uje ore chácariji dayaridode gu Dupade uté, ga Dupade cho dupárigo iji ore ome ore úringane peduguéjna.

Éxodo 22:28

Jé ca barúrique gajnaréngome Dupade ga jé ca achietáyiñome uté ome cuchade quigode jnese. Mu que gusu Dupade, mu jé ca achietáyiñome uacasutérigui to rĩ uje Dupade ichajapite ore jetiga ore chajñuru urasade israélgoso uaqueo iji uaquedáningo.

Éxodo 4:16

Dupade chojningápome Moisés rĩ: –Jeta acatecã́ri bayai Aarón jne enga cho jetiga uyu darai iji bajei jne enga bayai Aarón chajnerame yuru quigode uje tṍraji babijnani ome Israel ujnacare disi ejode ore jne.–

Éxodo 7:1

Dupade chojningame Moisés: –Cangarami yuru quigode udojo ome ua. Uje a yiqueta yu aja bajei jne enga a jé opise yu jne iji Faraón uté iquei. Jé basa ga bayai Aarón a chajnerame baru quitígo ome eduguéjna cuchábi jne jeta jé acatecãchoi uté.

Juan 10:35

Yirajágo uje que toc ujetiga yichago ore urusarane Dupade urúo aja ti yui. Jecute anguretáyo Dupade uruode udore quigode uje cho dojo dupade iji daruode atatasórone nanique uje ichajapite ore úringane eduguéjna aja ore.

Juan 12:34

Mu ayorébui ore catecã́ri Jesús enga ore chojninga: –Yocajirigode Moisés urusãracho quigode u uje yoquijnati Crísto que eruénique cuse. Quedéjna baruode ome yoque uje bojninga: "Dupade utocaidi piringarãque aja gaté iji curesei."– Enga ore chojningápo rĩ: –¿Jé gosi te Dupade utocaidi uté?–

Juan 15:25

Ore ajirigode Moisés urusarane quigode tocade ome ore adode udore. Enga Moisés urusarane chósi te: "Ore chetaque yu bisideque."

Juan 8:17

Uacarajáyo uje uacajirigode, Moisés iroquéo quique uñai chósi te: ujetiga cucha dacatique pijogúsoningo gare ore enga ore ojningáringo cucha jé chopise ñane enga jogadi u uje uacoyo ũrepíso iji ore ojñane.

1 Coríntios 14:21

Ore urusarane Dupade urúo déji uje chojninga: "Yocangarádejnai chojninga: a yangúroméone u dara guichayade, jé aja purása quedéjnane pijnanone jne ujetiga yicatecã́ri yurasade ore. Mu a ca ore timíninga yuruode gotique jne."