Juan 10:22 - Dupade Uruode

²² Jesús déji Jerusalén iji esoi uje judíode ore jnusinamáni dire u uje ore jnusina dayode jnani bajácho adode uje ore pésu Dupade iguíjna cuchábi aja gaté nanique enga ore tẽra dapesudi aja Dupade nanique.

Juan 10:22 Iomraidhean Croise

1 Reyes 8:63

Enga Salomón ore guẽrapáidode tórodatéo ome Pangarádejnai ga batigai chise 22.000 nanique, ga gueranenie áyasai ome uté batigai chise 120.000 nanique iji uté. Enga ore guẽrapáidode imone u nanique ujetiga Pangarádejnai, israélgosode ore ajei cho sere ome ñane gu. Ga eduguéjna cuchábi Salomón jé aja israélgosode ore jnese isocai u uté nanique uje ore chingo Salomón ipesudi Pangarádejnai Dupade iguı́jna cuchape ome uté nanique ujetiga chimesẽre ga cho dajnéngu.

Ésdras 6:16

Enga pininaquei jogadi jé u nanique ome israélgosode enga ore chimáta ñane aja Dupade iguíjnai uté nanique ujetiga ore catecã́ri Dupade iji ejode, ga ore chutai Dupade eti Dupade dépoji daguíjnai jne rĩ ome ore. Ga Dupade iroguipísode ore déji jnese, jé aja levígosode ore déji jnese to, jé aja arorade ore jnese.

Márcos 3:22

Enga Moisés urusarane atatasóningo uñéngo uje ore tṍraji Jerusalén gajnarenguipise ore uruode ome Jesús to. Enga ore chojninga: –Cachi Satanás utocaidode ore eduguéjnai Satanás Beelzebú déji uté ajei arĩ́e. Enga Satanás u uje chisi ome dajopié ome ujetiga tṍra utocaidode aja guesi iji dabíode ayoré.

Juan 10:21

Mu uñéngo chojninga: –Que togome uñeque ujetiga Satanás utocaitique déji ajei ga urúo udore. ¿Ja togome Satanás utocaitique a ujetiga chuchẽre edoparitique edórigui gáyode?–

Juan 10:23

Enga Jesús e diguiji Dupade iguíjna cuchábi imeñéraque nanique uje jnani bajai Salomón gajneque nanique.