Juan 10:18 - Dupade Uruode

¹⁸ Que togome uñeque ujetiga chijna yucuecaringuei iji yari. Mu yajéode ome yu u ujetiga yẽra yu. Enga yajnei u ujetiga yijnime yucuecaringuei iji yu, enga yajnei upo rĩ ujetiga yatirépo yibai. Yai jé urúo nanique gu ome yu.–

Juan 10:18 Iomraidhean Croise

Juan 10:11

Yajnui u áyasadie irodisõre paraguipísi. Uje áyasadie irodisõre parai uté tẽra re ome darodedie áyasai.

Juan 10:17

Yai chijnorapise yu gu uje dimane yu ujetiga yẽra yu ome ore. Mu a ecápo yu rĩ.

Juan 14:31

Mu yajnéone cucha a tocade jne ome yu. Yigaidi u gu ujetiga erámone jogosórone ore chiraja yijnoraquei ome Yai. Enga u to ujetiga ore chiraja uje yipésu yirósõri Yai ojningane cucha ome yu. E gusu yacajnaquéode udojo ome uaque. Boyo, yico iji de.–

Juan 15:10

Ujetiga beyoi yiroquéode quigode enga a uacajogate iji yijnoraquéode. Adi jé u ome yu uje yiji Yai iroquéode enga jé yijogate iji Yai ijnoraquei ome yu.

Juan 19:11

Mu Jesús chajnai uruode enga chojninga: –Ísega ca araja to uje Dupade sué bajnéone udore gáyode. Ujetiga ca ajéo enga a ca toguírase ome ua bojningane udore ujetiga apésu. Mu Dupade guẽrate ujetiga apésu cucha dacadode udore aja quigode. Jecute uté uje oite yu aja, uté isijnaringuéone sué basijnaringuéone gai.–

Juan 5:26

Uacamóño uje yai Dupade ujopiédaté cuse ujetiga chisi ome pucuecaringuei ome uñane. Uté chisíome dajopiédaté uaté ome dajnacari uyu to ujetiga yisi ome pucuecaringuei ome uñéngo to.

Juan 5:30

Que togome yu ujetiga jé yiji yajéningo quitique. Mu jé yigaidedie u yai Dupade áyipiedie ome yu uje yajire ore adode aja quigode enga uje yipésu ore quigode. Enga yáyipiedie jogadípise yirósõri Dupade ojningane cucha, jecute que togome yu ujetiga yécãre uruode quigode uje yajire erámi unirisórone adode aja quigode.

Juan 6:38

Que yise jnumone nanique gu ujetiga yipésu yáyipierigui quitígo. Mu yiji jnumi iji gatajnoquei nanique gu ujetiga yipésu yirósõri áyipiedie quigode.

Héchos 2:24

Mu Dupade chiquetápo Jesús rĩ enga que juéga jeta pitoringai sué gai. Chamáñaje que toc ujetiga pitoringai sué gai.

Héchos 2:32

Enga jé upúsu urusarane quigode uje Dupade e chiqueta datocaidi iji datoringai. Enga utocaidi uté jé upúsu Jesús. Enga imosórone u uyoque jnese enga yajógo yógaja uje jé ũrepise udore.

Héchos 3:15

Diga uacajéyo pucuecaringuei guẽrasṍri mu Dupade chiquetápo iji itoringai rĩ. Ga imosórone u yoque uje ecápo rĩ, enga jé yingongome uaque.

Títo 2:14

Baraja gu uje Jesucrísto uté u uje tẽra re ome yoque. Gaidi u gu ujetiga chiqueta uyóguiji yoquisijnaringuéone jnese ome dáringai chuque. Enga churupise yoque ujetiga chinoningase yoque uje pota yógome re gu. Enga pota to ujetiga yójigoji gatéode ome yoquipesutígo cucha omío gatuaque.

Hebréos 2:9

Mu yirajágo uje Jesús uté u uje Dupade chicháji darógode gaté jogosóño ore údi nanique, mu garósi dirode uje déji ore údi. Dupade chijnóra erámone jogosórone jnese gu, jecute chiroque Jesús uté aja erámi nanique ujetiga cho daba ore isijnaringuéone jnese. Mu e Dupade chatirepója úringai cuchape gai te rĩ ujetiga yisígo gai ome itoringai ome yoque.