Juan 10:16 - Dupade Uruode

¹⁶ Mu yajnenie áyasai uñanie déji uje cáma ore chise dabié udaque. Mu a yijna ore aja yu to jne. A ore tangaripísi yu to jne. Chamáñaje a yamáta ore aja yachidé bajedie enga ore quitique chojmára jne. Enga a ore irodisónique chojmárapo rĩ.

Juan 10:16 Iomraidhean Croise

Génesis 49:10

A ãrai bogué tiji gaté jne, enga obiréjna báringai eduguéjna cuchape ome bogué uaté. Enga a ca toc ujetiga pijnimé bogué tuaté iji bajmainie, jé iji bape disi ejode ore jmainie to rĩ, jé aja ujetiga bogué uaté gajnengoripísi di jne enga jé jogate uté jmanai iji deréjna pitade. Enga erámi unirisórone iji erámi údode jnese a ore cho deduguéjna cuchábi iji bogué isasṍri uté jne iji erámi údode jnese enga a ca ore chimoque iroquérique jeta ore dopísi quigode.

Sálmos 86:9

Urénga, Pangarádejná, bapesudode puníño udore jnese a ore doi ga ore tibágui ua jne jeta ore chichaga dagataidie aja jnumi iji baquei, ga a ore chisi bei ueradi gai jne.

Isaías 11:10

Ga Isaí ujnié disi ejo uté a di jne ga chãrai chequécadaté iji gaté ga úringai piquetangore pijógome ore jnese. Ga jé u ujeta erámi unirisórone jnese ore íjnongaja chequécadaté yui ujeta ore cho dajñaríji uté gari to. Ga pininaquei jogadi tupúsu ome ore jne.

Matéo 17:5

Uje cáma Pédro chejna daruode unojo guesi mu gue abuja nanganatágueraque díji ore. Enga chaco udore ore gai. Enga ore déji gue abuja uaté ajei. Enga ore chudute darárigo iji gue abuja ajei uje chojninga: –Yape yijnorai u uté enga yirasique yu ome. Angachopísi.–

Lúcas 15:8

Jesús chacãrápo dacajnaquéode aja chequéraque rĩ ujetiga bijna iplátaraque ga cho dáyugu re ga chojninga: –Ujetiga chequéraque iplátarigui chejna yijmanáringo mu bijna uñáraque iji dejátique enga chequé uaté doi ga chãru dapótique enga chajo daguíjnai ajei ga susípise guio, jé aja ujetiga chise.

Juan 10:11

Yajnui u áyasadie irodisõre paraguipísi. Uje áyasadie irodisõre parai uté tẽra re ome darodedie áyasai.

Juan 10:2

Jé basa ga áyasadie gachisõripise gosi enga chacája piagoi aja darodedie áyasai.

Juan 10:27

Uje obiréjna yajnenie áyasai ore to. Uje ore chiraja yibijnane. Yirajápo ore to rĩ. Enga udire ore u uje ore chajna yu.

Juan 10:3

Ujetiga áyasadie pié irodisṍri chimo áyasadie gachisṍri enga jé u uje chuchẽre piagoi gai ome ujetiga chacája ajei. Enga áyasadie chiraja dachisṍri pijnane. Enga uté chĩ́care áyasadie ore íode uje chijnime ore iji pié ajei.

Juan 10:4

Enga jé u uje chijnime ore iji pié ajei. Enga uje e ore déji guesi jnese enga basája ore iquei. Enga jé u uje áyasadie ore chajna. Chamáña gu uje ore chiraja uté uruode gu.

Juan 10:5

Enga que togome áyasadie udire ujetiga ore chajna damojmárique. Mu ore chayome. Que ore chiraja uruode gu.–

Juan 11:52

Mu que gusu judíode ujetiga Jesús toi ome ore, mu jé upo ome erámone unirisórone ore jnese ujetiga ore chise dáringáringo Dupade abío. Enga a jogadi u ujetiga chamáta ore iji erámi údode jnese.

Juan 17:20

Que gusu deréjnai udé jogonórone yanguresõre uje yicatecã́ri ua ome ore. Mu yijócha bajei údi ome yanguresõre disi ejode ore to uje a ore chudute ore atatagode barúo.

Juan 6:37

Yai Dupade a chiroque uacuñéngo aja yu jne enga a udore ore jnese chise yu jne. Enga a ca yetaque yibaguiésóningo iji uaque.

Héchos 15:14

Simón Pédro chingome yoque ica Dupade isocai uje quene chingo dajnoraquei ome purása quedéjnane to enga chamáta danguretasórone iji ore ujade ujetiga cho darása iji ore to.

Héchos 18:10

Chamáñaje yugúsiji bari enga a ca pijocayaque ua jne ome ayorérique. Yimo uje qué jiei ore uje a ore changureta yu jne iji de guidai.–

Héchos 22:14

Enga Ananías chojningápome yu rĩ: "Yocayode jnani bajácho angureni Dupa e imeserãque ua, enga ajéode u ujetiga araja áyipiedie quitígo. Enga ajéode upo rĩ ujetiga amópise utocaite paraguipísi Jesús enga adute uté uruode to iji pijnani.

Romános 11:25

Yujode Jesús anguresõre uje uacagúsoi purása quedéjnane ujade á, Dupade áyipie iyajmenie cuse ome israélgosode uje gajnui u cucha pipoguiétique, mu cho jetiga quene chuchẽre dabai ome uaque. Ja seca abóyoja israélgosode ome uacáringane ijoyatácho, jecute yipota ujetiga arajáyopise Dupade áyipiedie udire quigode. Ujetiga Dupade ajegaidode jnese iji purása quedéjnane uacajade eso uacáringane piquetacho ome uté, enga jogadi jé u uté uje quene israélgosode ore áyipie uajádedie eruei tu.

2 Tesalonicénses 2:13

Yocujode Yocangarádejnai ijnorane uaque á, que toc ujetiga yiyágo yacãco Dupade gai ome uaque. Chamáñaje ajegaite uaque nanique gu iji taningápisi ujetiga chiqueta uaque. Enga uaquẽrato u Ujopié Espíritu Sánto uje pésu uacáringai ujñapetac ome Dupade, enga jé jõrai u uru uréone to uje uacanguretáyo to nanique.

Hebréos 13:20

Pajesereringai guẽrasṍri Dupade iringarãque Yocangarádejnai Jesucrísto nanique iji itoringai. Enga Jesucrísto uté gajnui u áyasadie irodisõre paraguipísi uje susípise darodedie guio. Enga Jesucrísto uté iyoi u uje pésu Dupade áyipie ejodie úringanie ujñapeté nanique.

1 Pédro 2:10

Dupade cáma urása uaque nanique, mu chise diri uje cho darása iji uaque. Que cuchárique déji nanique ujetiga chosõre uaque, mu chise diri uje Dupade chosõre uaque.

1 Pédro 2:25

Uacajnunie u áyasadie uje ore chimere riji erámi. Mu uje uacanguretáyo Crísto enga uacacáputayopísiji uacarodisṍri Crísto. Enga Crísto e u uje chirote uaque enga suse uacáyipiedie guio. Adi u áyasadie irodisṍri isocai ome dachidedie áyasai uje que chuseque ore.

1 Pédro 5:4

Mu Yoquirodisõre gatérique cuse to uje sué yoquibai. Ujetiga uté diapo iji yoque rĩ enga a tẽrája uaque jne. Enga gueranone cucha ome uaque a ca beta jne, mu ijõre iji deréjnane jnese.

Apocalípsis 3:20

Yipotapísa ujetiga yugúcoji ñane gari ome yoquininaquéode. Enga cho ujetiga yibidi uaque iji uacaguíjnai piagoi. Mu gosi ujetiga chudute yuruode ga chuchẽre daguíjnai piagoi gai ome yu, enga a jĩraque yacája ajei jne. Enga jé u jne ujetiga yacásorango ñane iji uté iguíjnai ajei.