Juan 10:13 - Dupade Uruode

¹³ Mu jnani uté chayo enga noñome darodedie áyasai iji te, uje que cucha gotique ome uté ujetiga cuchárique chósi ti iji darodedie áyasai. Chamáñaje uté áyipiedie que déji cucha uñeque. Ajegaítedatéi u darósõri iplátadie ome re gu ujetiga cho oré isagode cucha.

Juan 10:13 Iomraidhean Croise

Juan 10:12

Mu yirajágo uje que paraque áyasadie irodisórone ore jnese go. Uje uñane ore chirote áyasadie gu ujetiga ore irósorone ore cho ore oré ome daplátadie. Enga que pijnoraquérique déji ore ome darodedie áyasai. Jecute uje ore chimo cuchiso sijnángone iji darodedie áyasai uéchai enga ore chayome enga ore noñome darodedie áyasai iji te. Chamáñaje que ore gajnei darodedie áyasai gu. Jé u uje cuchiso sijnai uté jno uñanie údi. Enga amirenie chisite raja erámone.

Juan 10:14

Mu uyu u uje yajnui u áyasadie irodisõre parai. Yapade chiraja yu gu, enga yirajápo Yai to rĩ. Adi jé upo rĩ uje yirajapise yirodedie áyasai enga ore chirajápo darodisṍri uyu to rĩ. Enga dimane yu ujetiga yẽra yu ome yirodedie áyasai.

Juan 12:6

¡Cho jetiga caniraque Júdas ome jmatágode! Mu áyipie qui u gu ujetiga toríarasa uñáringui ome re. Chamáñaje uté oidé Jesús, acadigode ore iplátadie pié. Enga jecucha isocabeque uje chijnime uñanie ome re.

Héchos 18:17

Enga gréciagosode jnese iji ore ujade ore chisa judíode aquiningamei guiguíjna piésorone eduguéjnai uje i tu Sóstenes. Enga ore chaquesu údode iji eduguéjnai iquei. Mu cucha bisidégome gobernador Galión uté.

1 Coríntios 7:32

Que yipota ujetiga páyuguhebátigade sué uacabáyode, jecute yaquĩ́ra uágome cuchade. Uacamóño uje jnacare uei uje Dupade anguresõre que áyipieraque chejna raja cucha jnutiminórone gotique. Mu ucuegode upúsu Yocangarádejnai iroquéode. Chamáñaje gaidi u gu ujetiga Yocangarádejnai chirase re ome adode.

1 Coríntios 7:33

Jé basa acotẽrachuque gosi enga uté áyipie chejnápise raja cucha jnutiminórone ujetiga ca cuchárique chona acoté, abode ore. Gaidi tu gu ujetiga acoté irasé re ome adode.

Filipénses 2:20

Que yaríjogonórone uñeque déji ne ujetiga cho Timotéo, uyoque. Uje Timotéo chopise yu enga gaidode u uacangoningárique to.