Juan 10:11 - Dupade Uruode

¹¹ Yajnui u áyasadie irodisõre paraguipísi. Uje áyasadie irodisõre parai uté tẽra re ome darodedie áyasai.

Juan 10:11 Iomraidhean Croise

2 Samuel 24:17

Enga David chimópise Dupade iroi gaté unirísõre uté ome dedodie, ga jé u uje catecã́ri Pangarádejnai Dupade ga chojninga: –¡Chimo jóroque re uje bequésãre yurása para casodé ore uje que ore bárique cus ome ua mu! Uyu u márai ome ua. Uje yisijnaringuei tu ome ua uje yisecarãte yurasade ore diríca, enga a uyu urásu jetiga o bajuñame uje ate gajnarei tu yu. Ga jé gusúrasu yabode, yacotedie uyoque jeta o bajuñame yoque gajiné.–

Sálmos 23:1

Pangarádejnai u Yirodisṍri uje yajnua tu uté gachidé áyasa, ga que cuchárique chona yu jne ome uté.

Sálmos 80:1

Urénga, israélgosode ore Irodisõre á, ua u uje bajñaque José uté aja ajesúode ga bo áyasa posedie iji urasade, ga be ga acha bangoninguini aja gadoi. Ua u uje bo bayaridi iji gaté unirísõre orerane udore ore ujai, uje udore ore íode u querubíneone, iji baruode pi cajo joride gai, ga be ga aqueta ua aja yógome badírecaringuéi uté.

Isaías 53:6

Uje bijnaque yoque jnese ga yocajnunie jé u áyasa dodie. Ga jé yicagóji yoquiquigode erámio jnese. Ga que uñeque doi ga jĩraque quítequiguíji Dupade adode úringáringo pigaicho. Jecute Dupade chicha yocajnéone pujuyaqué aja dajúdebei piquetangore uté gai, ga toi ome yoquisijnaringuéone.

Matéo 20:28

Uje Dupade utocaidi uyu jé yisocai u to uje que yĩri gu ujetiga yijna yimenuringuei aja uaque ujetiga apéso cuchade ome yu, mu yigaidi u ujetiga yátaja uaque. Yigaidi upo rĩ ujetiga yẽra yu enga yimate uacasijnaringuéone oré. Cho jetiga pisijnaringuéone igarique uaque, mu yigaidi u ujetiga yirame uaque. Enga a jiei yiraméone iji uaque jne.–

Juan 10:2

Jé basa ga áyasadie gachisõripise gosi enga chacája piagoi aja darodedie áyasai.

Juan 15:13

Pijnoraquédatéi uje sué pijnoraquéode gáyode jnese u ujetiga gosi tẽra re ome dajõráringo ore.

Efésios 5:2

Jecucha ga uacajnoraquei ome uacojode ayoréo choquípisirásiji guesi dirode jnese iji uacacuecaringuei udé. Ga ajnañórase Jesucrísto jmapié uaté iji jnumone uje chingongara dajnoraquei aja yoque. Uté tẽra re iji yoquiyaridi ujetiga yico yocúringane piquetaque. Enga gajnua tu áyasa pẽrapaidé uje piboré ome Dupade ga ai uneripísome uté uje chojare ai. Enga qui tu uje Dupade chimesẽripise Crísto úringai pẽrapaite ome yoquisijnaringuéone úringane pĩrocho.

Títo 2:14

Baraja gu uje Jesucrísto uté u uje tẽra re ome yoque. Gaidi u gu ujetiga chiqueta uyóguiji yoquisijnaringuéone jnese ome dáringai chuque. Enga churupise yoque ujetiga chinoningase yoque uje pota yógome re gu. Enga pota to ujetiga yójigoji gatéode ome yoquipesutígo cucha omío gatuaque.

Hebréos 13:20

Pajesereringai guẽrasṍri Dupade iringarãque Yocangarádejnai Jesucrísto nanique iji itoringai. Enga Jesucrísto uté gajnui u áyasadie irodisõre paraguipísi uje susípise darodedie guio. Enga Jesucrísto uté iyoi u uje pésu Dupade áyipie ejodie úringanie ujñapeté nanique.

1 Pédro 5:4

Mu Yoquirodisõre gatérique cuse to uje sué yoquibai. Ujetiga uté diapo iji yoque rĩ enga a tẽrája uaque jne. Enga gueranone cucha ome uaque a ca beta jne, mu ijõre iji deréjnane jnese.

1 Juan 3:16

Yirajágo pijnoraquei gu Jesucrísto isocai uje uté tẽra re ome yoque enga toi ome yoque. Jecute areguirase to ujetiga Jesucrísto anguresórone uyoque yoco yoquiba yoquijorane to.

Apocalípsis 7:17

Chamáñaje Jesús uté u uje déji Dupade charipi cuchábi gatócoro ujetiga chirodipise ore. Yojningai u uté uje tẽra re ome ore nanique, enga gajnua u áyasa pẽrapáideraque. Enga a cho áyasa iji darodigode udore jne. Enga a chorei ore iji yote uecai garani jne ujetiga ore chóji gatuaque. Enga a Dupade doi enga churupise ore educadode jnese jne, enga a ca ore popo jne rĩ iji deréjnane jnese.–