Juan 10:10 - Dupade Uruode

¹⁰ Yirajágo uje oriechoquírique áyipieraque que jnoji doriquéode. Enga que cucha ome uté ujetiga chujé dojórique ayoré jeoga tṍra ore ugúcharigo aja quedéjnaringo. Mu uyu, yise jnumone nanique gu ujetiga yisi ome pucuecaringué eyúgojmai ome ore enga a ca yicaniratiguéode eruénique cuse ome ore.

Juan 10:10 Iomraidhean Croise

Matéo 18:10

Ca etáchosi disabi suné ujátique disape ore. Yingo uaque gu uje ore irodingórone gaté unirísoño déji Yai gari to iji guéode.

Matéo 18:11

Uje Dupade utocaidi uyu yĩri gu ujetiga yiqueta ayoré togadégode.

Matéo 20:28

Uje Dupade utocaidi uyu jé yisocai u to uje que yĩri gu ujetiga yijna yimenuringuei aja uaque ujetiga apéso cuchade ome yu, mu yigaidi u ujetiga yátaja uaque. Yigaidi upo rĩ ujetiga yẽra yu enga yimate uacasijnaringuéone oré. Cho jetiga pisijnaringuéone igarique uaque, mu yigaidi u ujetiga yirame uaque. Enga a jiei yiraméone iji uaque jne.–

Matéo 21:13

Enga chojningame ore: –Uacarajáyo uje Dupade uruode chojninga: "Ujetiga uaque gosi chacája yiguíjnai enga, yiguíjnai gajnei tu ujetiga acatecãchoi yu iji." Mu uaque enga uacacáyoja gu ujetiga ẽcho cuchade iji enga uacaráñopo ñane rĩ ome uaqueranone oredie.–

Matéo 23:13

Jesús chojningame fariséode ore: –Iyieja Dupade ujuyaquei yui ome Moisés urusarane atatasórone uaque, jé aja fariséode uaque uje ducusuréchoquí uaque jnese. Uje chorase ujetiga ajucho Dupade yui ome uacarasade ujetiga ca ore chise dáringárique purása to jne. Jé cho uaque uje que apótayo Dupade úringárique purása yúrique enga que acásopoi rĩ ujetiga uacojórique ayoré chise Dupade úringárique purása to. Uñane pota jóroga.

Márcos 11:17

Enga Jesús chacate ore ga chósi tome udore ore: –Ore urusarane Dupade urúo déji uje quigode chósi te: "A yiguíjna cuchábi udé chise dáringárique ibijoque jne ome ducunirone jnese ujetiga ore gajneque ujetiga ore catecã́ri Dupade iji ajei." Mu oriechoquíode uaque, uacoyo uacacoyapídi iji Dupade iguíjna cuchábi udé, uje uacaráño uacojode ayoréo iji udé ome cuchade oredie udire.–

Lúcas 19:10

Uje Dupade utocaidi tu yu ujetiga yucuebi udore ore uje ore cho bijnángone ome yu ome ore ipesudode dasijnaringuéo. Jecute yáyipie qui tu ujetiga yiqueta ore jnese.–

Juan 10:1

Jesús chacãra dacajnaquéode aja áyasadie pié enga chojninga: –Jé ũrepise yu uje oriechoquíode ore pijoque gu uje que ore chacája piagópisi iji áyasadie pié. Mu ore pógu re enga ore chacája uécha uñai uje íjnoque piagode iji.

Juan 10:11

Yajnui u áyasadie irodisõre paraguipísi. Uje áyasadie irodisõre parai uté tẽra re ome darodedie áyasai.

Juan 12:47

Mu ujetiga gosi ca tangári yuruode enga que pésapo quigode rĩ, a pujuya mu a ca uyu u uje yo yujuñame. Uje que yise erámone gu ujetiga yo yujuñame ore, mu yigaidi u gu ujetiga ore chise dáringáringo piquetaque.

Juan 12:6

¡Cho jetiga caniraque Júdas ome jmatágode! Mu áyipie qui u gu ujetiga toríarasa uñáringui ome re. Chamáñaje uté oidé Jesús, acadigode ore iplátadie pié. Enga jecucha isocabeque uje chijnime uñanie ome re.

Juan 3:17

Dupade que ajéode u ujetiga chiroque dajnacari aja erámi ujetiga cho dajuñame ore. Mu chirógaja erámi gu ujetiga chiqueta ore.

Juan 5:40

Mu que apótayo ujetiga abáchoi yu jetiga yisi ome pucuecaringuei ome uaque.

Juan 6:33

Enga Dupade guerani arureque uñai u datocaidi uje garani jé u gaté to. Mu uté u uje chisi ome pucuecaringué eyúgojmai ome erámi unirisórone.–

Juan 6:51

Enga arureque uecai uté uje tṍraji gaté jé upúsu yu. Ujetiga gosi tagu arureque uecai uté enga eca iji deréjnane jnese. Yerani uté arureque gajnui jé u yibai. Uje a yẽra yu jne ome erámi unirisórone ore jnese. Yigaidi u gu ujetiga ore chise dáringane eca iji deréjnane jnese.–

Romános 2:21

Mu quedéjna gu uje que bepı́si Moisés urusarane quigode, uje baraja mu. Bacajnaquéode júdi u ome ayoré unejángone ujetiga ore doi Moisés urusarane quigode, mu ¿gotique chimo jóroque re uje que bacajnaquéode catája báyipieraque to? Jé barúbecho ome ayoré unejángone to ujetiga jé ca ore toria cuchárique, uje Dupade uru pirosobádode udore chãraque poriquéode. ¿Mu jé ca ayó Dupade uruode udore gáyode to a?

1 Timotéo 1:15

Jé ũrepíso yuruode unojo enga jé tiógarapísa jeta yanguretágo enga yimeseco jnese: uje Jesucrísto chise jnumi nanique ujetiga chiqueta sijnángone ore ome ore ate gajnaréngone. Enga pisijnaringuéone ipesungore obiréjnai tu yu ome ore jnese nanique.

Hebréos 6:17

Dupade isocai jé u uté to. Jecute chojninga nanique: "Jé yarecujate yingomenie ome uaque." Gaidi u gu ujetiga ojningane cucha gajnesóningo ca ore chotigase ingoméone cucha udore yúode. Gaidi upo rĩ ujetiga ore chiraja uje uruode tocade jnese jne enga a ca pecãraque uruode udore quitique uñeque.

Hebréos 7:25

Ujetiga ayorérique pota tibágui Dupade enga doi enga changureta Jesús ome Dupade yui, enga Jesús ujopié cuse ome udore ore jnese ujetiga chiqueta ore. Chamáñaje eca Jesús iji deréjnane jnese gu enga jecucha ga chijócha Dupade ajei údi ome yoque.

2 Pédro 1:11

Enga ujetiga eso Yocangarádejnai, Yoquiquetasṍri Jesucrísto idai jne enga a guesája yui ome uaque. Enga a ore nína uaque jne iji gaté.