Juan 1:7 - Dupade Uruode

⁷ Dupade ajegaidi u ujetiga Juan uté chatata dírecaringuéi guẽrasṍri gosi ome ore ujetiga ore changureta.

Juan 1:7 Iomraidhean Croise

Malaquías 3:1

Dupa Pujnuéngaisṍri chojninga: "A yiroque yiroi aja Yiquei to jne jeta chajo dajetique iji Yiquei to. Ga jé u jeta uacajnati Pangarádejnai uyu yĩri iji uaque to. Ga yĩri ga jĩraque yacája yiguíjna cuchábi iji uacajade to. Uacajnátuyo Dupade Utocaidi jeta uté di ga pésu Dupade áyipie ejodie úringáringui ujñapetei ome uaque to, ga idógosi ujetiga uté di jne ga pésu uacáringáringo ujñapetácho to ome Dupade."

Juan 1:12

Mu uñane ore chimesẽre enga ore changureta. Jecute chinoningase ore enga ore chise dáringane Dupade abío.

Juan 1:15

Dupade utocaidi Juan chojninga: –Yojningai jé u jnacari uté uje yacate uaque diríca. Uje yojninga: "A Dupade utocaitique uñeque diapo jne rĩ iji yiquigade. Uté u uje sué yibai. Uje cáma yibase nanique mu uté jé jogate."–

Juan 1:19

Enga judíode ore eduguéjnane iji Jerusalén ore chiroque sacerdóteode, levíteode uñane aja Juan ujetiga ore chiraja úringárique ayoré.

Juan 1:36

Uje Jesús chicáji ore ejoi enga jĩraque Juan chimo ga chojninga: –Cajicho to Dupade utocaidi uté uje Dupade a tẽrame yoque jne. Enga gajnua tu áyasa perané.–

Juan 1:9

Enga Juan atatagode u uje dírecaringuéi guẽrasõripísi uté a jĩraque di jne iji erámone. Enga dírecaringuéi uté u uje chijñate erámi unirisórone ore gáyode jnese.

Héchos 19:4

Jecute Páblo chojninga: –Juan tṍra ore aja yodi nanique uje ore chécãre dáyipie quigode, dadode ore ome Dupade. Mu chacadápo ore rĩ ome Dupade utocaidi uñeque uje a di jne iji Juan quigade ujetiga ore changureta uté jne. Enga ojningai u Jesús, judíode ore ijnati Crísto.–

Gálatas 3:26

Uacanguretigai tuté ome Jesucrísto u uje Dupade cho dabi iji uaque jnese.

Efésios 3:9

Yajnepídi jé jno dádi to ujetiga yichapísa Dupade uté áyipie pipoguiede cásidicáite aja guesáringai enga choquípisiji guesi tome ayoré ponáyone jnese, ujetiga ore chirajapise udire quigode to. Cucha pitijabade diyajmé Dupade ipoguiédedie dáyipiei udire ome yoque arĩa. Uje jé jogate aro Cuchade Jnese Ipesusṍri Dupade uté áyipie iji erámone taningárique iquénique nanique.

1 Timotéo 2:4

Uje Dupade uté pota gu ujetiga erámi unirisórone ore jnese chise dáringane piquetaque. Enga pota to ujetiga ore chiraja uru uréone quigode jnese to rĩ.

Títo 2:11

Jé ũré uje Dupade chingo dáringai piquetangore aja erámi unirisórone uyoque jnese. Enga adi jé u uje yirajágo uje chijnóra yoque.

2 Pédro 3:9

Chiese que jĩraque Yocangarádejnai doi daruode quigode ome otigayasórone udore. Mu que quigode u gotique. Mu Yocangarádejnai qué chirote yoqui jetiga yanguretágo to jnese. Que ajéode u gu ujetiga yocuñeque bijna ome. Mu ajéode u ujetiga yecãco yocadode jnese.