Juan 1:47 - Dupade Uruode

⁴⁷ Uje Jesús chimo Natanael uje chose yui enga chojninga: –¡Israelgosípise jnacari uté uje e chose yoqui, enga que paringaquérique déji uté!–

Juan 1:47 Iomraidhean Croise

Sálmos 32:2

Pininaquei gajnesṍri tu gosi uje Pangarádejnai que chimo detépitique cucha iji uté gosi uje que chopo máranguiji uté rĩ, enga que paringaquérique déji uté gosi ajénique.

Sálmos 73:1

Urénga, jé ũrepise uje paraque Dupade ome israélgosode, ome ore uje icha udore ore áyipiedie.

Juan 2:25

Uje Jesús e iraja aro ore áyipiedie uje cáma ore chingome, uje chiraja cuchade iji ayoré chojmarai áyipie.

Juan 4:16

Jesús chojningame chequé: –Bo ga abágui babai enga acayobíji de.–

Juan 8:31

Jecute Jesús cho judíode ore quique uje ore changureta enga chojninga: –Ujetiga adotáyo uáguiji yacajnaquéode enga obiréjna uje yanguresõripísode u uaque.

Juan 8:39

Enga ore chojninga: –Yocai tu Abraham.– Mu Jesús chojningame ore: –Ujetiga jec ũré uaque ujetiga Abraham ape uaque enga a uacapesudode urásu Abraham ipesudode to.

Romános 9:4

Chamáñaje israélgosode ore gãrapi jé upúsu jnani bajai Israel uté. Ga uté ape disi ejode udore jé u uje Dupade cho darása dedójnari iji ore nanique uje cho dabi iji ore. Que gusu uté, mu Dupade chácariji israélgosode ore ujade ga chingongara dangoningájnai aja ore. Jé upo rĩ uje Dupade chisíome daru iyiejnane ome ore. Ga Dupade chisiapome daru pirosobádode ome ore rĩ, uje Moisés urusarane cucha puyácho u. Israélgosode jé upo rĩ uje Dupade chopise ore quique ome uté úringárique pisígai isoca ũré uté, jé aja ujetiga gosi doi adode. Ga israélgosode ore gajnecápo Dupade ichagájade darúo to nanique rĩ, uje chichaga cucha ueradode aja ore yui.

Romános 9:6

Jé ca ajoso ati cucha bisidécho Dupade ichagájade darúo ome israélgosode udore ore. Chamáñaje que Dupade ajéningapúsu daruode gu. Jé ũré uje israélgose jiéode que ore chimo Dupade ichagájade darúo úringane tocachucho ome raque. Pijoguipise uje que Dupade uruode uñeque toja. Mu jé qui tu uje Dupade que cho darásapísiji israélgosode udore jnese gu, uje jnani bajai Israel ujnié disi ejo ore múñi.

Filipénses 3:3

Chiese Dupade urasapísode u udore ore uje ore chica dádode. Mu Dupade urása obiréjnane upúsu yoque uje yanguretágo Dupade ome yocúringane ayoré jnese, uyoque uje yoquirasique yoque uje Jesucrísto e gajneque yoc. Enga que qué yocáyipieraque dépoji cucha guesíminónique rĩ ujetiga chiqueta yoque.

1 Pédro 2:1

Jecute ayáyo to cucha gajnaréngone jnese: paringaquéode, purupatáringane ore. Enga ca aratáyiñome cuchade ome uacojode ayoréo. Enga ayáyo to uje ajnicho uñane adode.

1 Pédro 2:22

Crísto que pésu pisijnaringuérique nanique go. Enga que paringaquérique dépoji ome uñeque rĩ.

Apocalípsis 14:5

Enga que purupatáringárique chimo 144 mil udore ore pijnanone. Enga ueguipise udore ore ome pisijnaringuéone jnese iji Dupade iquei.