Juan 1:44 - Dupade Uruode

⁴⁴ Felipe uté idai u Betsáida. Enga Pédro, Andrés ore idai jé u to.

Juan 1:44 Iomraidhean Croise

Matéo 10:3

Jeque acadique uñane ore íode u Felipe, Bartolomé, Tomás. Matéo upo uñai rĩ uje utaite ore ome ore iplátadie ome dasutedie nanique. Jacóbo u uñai uje dai tu Alféo. Lebéo u uñai uje i uñai tu Tadéo.

Matéo 11:21

–¡Jé bioque ji! Ujetiga Tíro, Sidón idaisórone ore chimo yipesútedatéode unojo to nanique, enga a ca toguírasome ore ujetiga ore cho uaque. Enga a ore chécãrirase datígo to. Uje a ore chorase dáyugu cutejmane dapesute gajnarécho unojo. Mu corazíngosode uaque, jeoga betsáidagosode uaque, uacapáñañoji yipesútedatéode unojo, mu que ecãcho uacatique go. Jecute iyieja jóroque Dupade ujuyaquei yui jne ome uaque.

Márcos 3:18

Jé basa uñane ore íode u: Andrés, Felipe, Bartolomé, Matéo, Tomás. Alféo ujnacari Jacóbo u uñai. Jé basa uñane u Tadéo, Simón ore. Enga Simón uté cháta raja darasade uñéngo nanique uje ore pota jeta ore chijócãre ore eduguéjnane uje rómagose ore. Jecute ore chĩ́care Cananísta aja uté.

Márcos 6:45

Uje Jesús ore chejna udojo guesi ga Jesús chiroque dacadigode aja ore idai uje i tu Betsáida, uje déji yote quedéjnai uéchamitó. Jecute ore pi tu cucoi aja. Mu Jesús qué jnaseque ujetiga catecãrámi ayorébui ore bajaque ujetiga chejna ore aja doi.

Márcos 8:22

Mu Jesús chejna udojo guesi iji cucoi ajei ga chise daqui uje ore idai Betsáida u. Mu jĩrique uñane ore chijna jnani edoparitígaja Jesús. Enga ore chijócha Jesús ajei údi ujetiga chiquetape uté.

Lúcas 10:13

Jesús chojningápo rĩ: –Yuruode gajnengórone u idáidatéode jogosórone ore uje ore chetaque yu gu. Enga yósi tome ore: ¡Jé bioque ji! Ujetiga Tíro, Sidón jogosórone chimo yipesútedatéode udojo to, ga a ca toguirásome ore ujetiga ore cho uaque. Ga a ore chécãrirase datígo to. Uje a ore chorase dáyugu cutejmane dapesute gajnarécho. Mu Corazín jogosórone uhuaque, jeoga Betsáida jogosórone uhuaque, uacapañáicho yipesútedatéode que, mu que ecãcho uacatique go. Uje que eso yocacajnaquéode unétique go. Jecute yosõripísi jóroque uaque uje iyieja Dupade ujuyaquei yui to ome uaque.

Lúcas 6:14

Ga Jesús ajegaidode ore íode u udojo: Simón u uñai uje Jesús ipesute i gatei ga Pédro u. Ga Simón desaque uñai u uje i tu Andrés. Ga uñane ore íode u Jacóbo, Juan, Felipe, Bartolomé ore.

Lúcas 9:10

Mu uje Jesús irógode apóstoles ore chejna Jesús utoquéode guesi ga ore chajni Jesús gai ujetiga ore chatatame uraque dapesudode cucha ome. Ga chise udore quigade ga Jesús jno dacadigode ore údi aja daquique uñeque ujetiga gusu ore iji. Mu ore qui tuté idógosiji ore idánique uje i tu Betsáida.

Juan 1:43

Dire uñai enga Jesús pota chicai ore uniri uje i tu Galiléa mu tuangóa jnacari uje i u Felipe. Enga chojninga: –Felipe á, ajína yu to.–

Juan 1:45

Felipe jno enga chucué Natanael enga chojninga: –Yimóngo Dupade utocaidi que uje Moisés, Dupade uruode atatasórone proféta uñane ore urusarane ojningai tu. Enga uté i u Jesús uje dayé u José, nazarétgosi.–

Juan 1:46

Mu Natanael chotigase Felipe uruode jecute chojninga: –¿Ja Dupade utocaite cuchátique tõrarásiji Nazaret a?– Mu Felipe chojninga: –Yico ga yibájoi enga ajirape to ujetiga araja ujetiga yoquijnati u.–

Juan 1:48

Jecute Natanael catecã́ri enga chojninga: –Quene bamo yu múñi, jé baraja yu.– Jesús chojninga: –Uje cáma Felipe tibidi ua, mu yimo ua iji poria uaté údi uje i tu higuéra.–

Juan 12:21

Enga udore ore chose Felipe yui uje uté idai Betsáida déji ore uniri Galiléa. Enga ore chijócha Felipe ajei údi enga ore chojninga: –Yocajegaidi u ujetiga yimóngo Jesús to.–

Juan 12:22

Enga Felipe jno enga chingome Andrés. Enga ore nóna ñane ujetiga ore chingome Jesús.

Juan 6:5

Uje Jesús chajire daquigade enga chimo ayoré dipeséode uje qué ore chajna ore aja ore charidi enga chojningame Felipe: –¿Jé yicagóji rique jne a ujetiga yicoi oré tome cucha pibotique ujetiga ayoré dipeséode udore ore tagu?–

Juan 6:7

Mu Felipe chajnai Jesús uruode enga chojninga: –Garósi yoquiplátadie erĩ́e. Mu ujetiga yoquiplátadie denário chorase 200 a yijírasi arurétigo ome ore. Mu a qué chona ore ujetiga subudé ore iji.–

Héchos 1:13

Uje e ore chise guidáidatéi ga ore cheru guiguíjnai ajei gateminóri. Pédro, Juan, Jacóbo, Andrés, Felipe, Tomás, Bartolomé, Matéo, Jacóbo uje Alféo ape, Simón uje pota chijnime ore eduguéjna ducurása quedéjnai nanique iji ore uniri, Júdas uje Jacóbo jõra, udore ore upusiédi u guiguíjnai tuté.