Juan 1:42 - Dupade Uruode

⁴² Jĩraque Andrés jno Simón údi aja Jesús jogadi. Enga uje Jesús chimo Simón enga chojningame: –Simón, Jonás abi u ua. Mu quigade enga a ore chĩ́care Céfas jeoga Pédro aja ua jne.– Simón i ichade udore qui tu cucarané ome judíode ore uruode.

Juan 1:42 Iomraidhean Croise

2 Reyes 5:4

Uje Naamán chudute ga jı̃raque tibágui deduguéjnai ga chajnerame ore isagábia israélgotábia uruode ome uté.

Matéo 10:2

Jesús acadigode udore ore íode u unojo uje gare ore iji yirídai: Simón u uñai uje i uñai tu Pédro; jé basa ga Andrés u uñai uje Simón desaque. Jeque uñane ore íode u Jacóbo, Juan uje ore dai tu Zebedéo.

Márcos 3:16

Enga Jesús edopíode uje gare ore iji yirídai ore íode u udojo: uñai u Simón, uje Jesús pésu i gaté ga chĩ́care Pédro aja.

Lúcas 5:8

Mu quene Simón Pédro ore chiraja Jesús úringai ujopíerãque ome ipesútedatéode udore ome ore. Ga jé u uje Simón Pédro chichaga dagataidie iji iquei enga chojningame: –Yangarádejná, bome yu uje jnani ate gajnareque uyu gu.–

Lúcas 6:14

Ga Jesús ajegaidode ore íode u udojo: Simón u uñai uje Jesús ipesute i gatei ga Pédro u. Ga Simón desaque uñai u uje i tu Andrés. Ga uñane ore íode u Jacóbo, Juan, Felipe, Bartolomé ore.

Juan 13:18

Mu que yojningane u uaque jnese go. Yiraja yajegaidode iji uaque, mu yirajápo rĩ uje uacuñai a tẽra yu jne ome yumajosórone. Yiraja gu uje que toc ujetiga Dupade uruode quigode ca tocade. Uje ore urusarane Dupade urúo déji uje chojninga: "Yacásõrasórone uñeque a tẽra yu jne."

Juan 21:2

Jesús acadigode uñane déji yote quedéjnai uté pijnanai enga Simón Pédro u uñai. Tomás déji to uje garaja ore nanique. Natanael déji to uje idai Caná déji ore uniri Galiléa. Zebedéo ujnacarode déji to, jé aja Jesús acadique gáreode uñane.

Juan 4:16

Jesús chojningame chequé: –Bo ga abágui babai enga acayobíji de.–

1 Coríntios 1:12

Enga yuruode qui tu uje uacangaráño uacangaránone ome ñane. Uje uacuñane ore chojninga: "Yangaráni tu Páblo." Ga uñane ore chojninga: "Yangaráni tu Apólos." Ga uñane ore chojninga: "Yangaráni tu Pédro." Ga uñane ore chojninga: "Yangaráni tu Jesucrísto."

1 Coríntios 15:5

Unojo quigade u uje chiqueta raja daroi Pédro, enga chiqueta raja darógode uñane to rĩ.

1 Coríntios 3:22

Enga jé chuságaja Páblo uyu, jé aja Apólos, Pédro ore to rĩ, uje uacajneque uyoque ujetiga yátagoja uaque. Uacajnengápo erámi udé rĩ. Uacajnengápo pucuecaringuei, pitoringai ore rĩ. Uacajnengápo cucha dacadode jnese iji dirode unojo rĩ. Enga a jé chopome cucha piqueminórone jnese rĩ uje a tocade jne iji yoquiquei, uje uacajnengápo rĩ.

1 Coríntios 9:5

Yajnei tupo rĩ ujetiga yacotéraque dérasiji yari ujetiga Dupade angureto goto enga uaté a nonarása yu to aja yiquitígo. Adi tu yujode Dupade irógode apóstol uñane uje ore acotedie nóna ore aja ore atatagode Dupade urúo iji erámone. Yojningane u Jesús jorane, Pédro ore.

Gálatas 1:18

Uje yejnanie sequeré gadioc iji ore idai Damásco ga quene u uje yicáji Jerusalén, enga quene yimo Pédro to iji uté. Enga yácariji uté gari iji dirode uje chejna yirídai.

Gálatas 2:11

Uje Pédro chise yóguiji ore idai Antioquía enga yiji enga yaquĩ́ra Pédro iji yocujode Jesús anguresóño ajei. Chamáñaje obiréjnapis ome yu gu uje gajnareque isocade.

Gálatas 2:9

Jecute jnanione udore uje Jesús anguresórone ore cho dangaranipísode iji ore, ore chiraja uje Dupade jé iroguipise yu to. Yojningane u Jacóbo, Pédro, Juan ore. Enga udore ore chisi ome dajmanáyone ome yoque ga imoi jé u uje jé yitojmárangopísiji jnumi. Enga ore ajéode u to ujetiga yijõrai Bernabé uyoque yico ga yacaco ducurása quedéjnane, jé basa jé ore chacate yocurasade judío.