Juan 1:41 - Dupade Uruode

⁴¹ Enga Andrés que chajirape cuchárique mu jĩraque chucué dajõrai Simón enga chojninga: –¡Yico judíode yoquijnati Mesías!– Enga ore ĩcarai Mesías u Crísto ome gréciagosode ore uruode.

Juan 1:41 Iomraidhean Croise

2 Reyes 7:9

Mu igasique ga ore catecã́ri ñane údode ga ore chojningame ñane: –Gajnareque yoquisocai udé. Pininaquei jogadi urásu diri tudé mu que yoco cheme ga que yico pujnomé ueradi údi ome yocurasade ore. Ujetiga qué yiroco dire uñai yui ome úringárique pute, ga a yoco yoquiba uje que yatatago mı́raque gu. Ga boyo yico jé iji de ga yicagóji yoqueduguéjnai iguı́jna cuchábi ga yingongo pujnomei ome uté jogasúode iji uté jne.–

Sálmos 2:2

Peduguéjna cuchábode, jé aja ore ujode eduguéjna uñane ore iji erámi ore tagu Dupade uruode aja. Ga jé ore chuságaja uje ore pésu dáyipiedie ome re ga ore áyipie noñánguenie udire gajnesṍri u Pangarádejnai, jé aja edójnari peduguéjna uté to.

Sálmos 45:7

Bajnóra cucha uréone udore quigode, jé basa ga betaque pate gajnaréngone úringáringo pipesucho. Jecute Dupade, Bangureni Dupa uté ajegaite ua ome bajorane ore jnese, ga chojne cucha ai unéri aja bójo uje pininaquédatéi gajneque cucha ai unéri uté.

Sálmos 89:20

E yise yiroi David uté. Ga yojne yajnei aseque puyaque aja David uté ójo.

Isaías 11:2

Ga Isaí ájnape disi ejoi uté garíjogonóri a u Pangarádejnai Dupade Ujopié Espíritu Sánto jne ga jé Ujopié iyiejna uaté jogadípise gatuaque. Jecute a uté irajatigade jiépisi jne, jé aja ayuquetotiguéode to rĩ. Ga etotiguei a ca eruénique cusapo rĩ iji deréjnane jnese. Ga uté a chirajapise Dupade uruode quigode jnese jne, enga a angoninguite guesaguipise uté gatuaque jne ome Pangarádejnai Dupade.

Matéo 1:23

A gapu paréraque icáraque déji ajénique bisideque jne. Enga a atique cuse jne. Enga a ore chĩ́care Emanuel aja jne. Uje Emanuel uruode qui tu: Dupade déji yocari.

Lúcas 2:17

Uje ore chise ore ga ore chingo Dupade iroi ojñane ome ore ome ore ababi.

Lúcas 2:38

Enga Ána chise Simeón, José, María ore iji ñane gari uje qué ore chicotási disabi suté. Enga Ána cháta raja ore to. Enga chacãre Dupade gai ome disabi Jesús to. Enga jno ga chingo erámi uje Jesús e di, uje Jerusalén idaisórone ore ijnati tu ujetiga chiqueta ore iji ore umajosórone jmainie.

Juan 1:45

Felipe jno enga chucué Natanael enga chojninga: –Yimóngo Dupade utocaidi que uje Moisés, Dupade uruode atatasórone proféta uñane ore urusarane ojningai tu. Enga uté i u Jesús uje dayé u José, nazarétgosi.–

Juan 4:25

Chequé chojningame Jesús: –Yiraja uje a Dupade utocaidi Crísto di jne. Ujetiga e di enga a chuchẽre cuchade iji guesode ome yoque.–

Héchos 10:38

Enga uacarajáyo to uje Dupade chisi nazarétgosi Jesús iji Dajopié Espíritu Sánto, enga adode omío iji dajesúode erámio. Enga chiqueta Satanás utocaidode píode uje Satanás cho dajuñame ore. Chamáñaje Dupade déji gari gu.

Héchos 4:27

Yoque Dupade, ore adi u icaite uje Heródes, Piláto, purása quedéjnane, israélgosode ore chamáta rágaja guidai udé ujetiga ore chimate dáyipie gajnarénguenie ujetiga ore chujé bajnacari Jesús. Ueque uté ome pisijnaringuéone múñi. Enga bajegaidi tu ome batoquéode.

1 Juan 1:3

Yingongo yocududigode, yoquimone Crísto acho ome uaque ujetiga átayo uágaja yoque to ome uté adode. Uje jé ũrepise yoque uje e yátago yógaja Yocai Dupade, ujnacari Jesucrísto ore enga jé yitojmárango jnese.