Juan 1:4 - Dupade Uruode

⁴ Enga pucuecaringuei gajnesṍri u uté. Enga quene díreca jnanione ore áyipiedie uje uté guẽrate pucuecaringuei ome ore.

Juan 1:4 Iomraidhean Croise

Sálmos 49:6

Udore ore u uje ore ichajapite danguretigai aja dáringane atácho, ga ore chisi dabai ome dagúcha dipeséode udore.

Sálmos 84:11

Chamáñaje Pangarádejnai Dupade u cucha guedé jé aja cucha guebeguéjna pãrésõri uje chicha raja piquéode ome cuchade yúode. A Pangarádejnai uté gueranone u posongaquei jé aja pingoningájnai udore ore jne. A jé ca chãraque cucha ueradode udore uñeque ome gosi jne ujetiga areque gosi adode aja dajesúode.

Malaquías 4:2

Mu yiríringai a ueradéjna ome yijnorasórone uaque to jne. Ga gajnua tu guedé uje tocade ga dírecaringuéi cho jnip aja gaté ga guedé ojodie chise uaque ga chiqueta gosi ome ejnaréngone to ga pésu uacáringane ijoréjna to. Ga unere yiríringai yui ome uaque ga uacajnua tu aquirájna ucatógabia uje quene gachisṍri chijnime iji pi ajei ga cana ga choja quedéjnane ¡chem! ¡chem!

Matéo 4:16

Pachaminone udore jogosórone ore déji ijnangununie ajñonie icaite, Mu e ore chimo dírecaringuéi to. Pitoringai suru ore gai nanique. Mu ore ejode cho jnaque gajneri ome ore imoi dírecaringué tuté.

Lúcas 2:32

Chamáñaje uté u gu ujetiga chijñate purása quedéjnane ore, yoquibáyode. Enga a picotaque barasade israélgose uyoque jne uje piquetangóri Jesús gãrapíode u yoc.

Juan 11:25

Jecute Jesús chojninga: –Uyu u uje yiringare ore. Uyu upo rĩ uje yisi ome pucuecaringuei ome ore. Ujetiga gosi changureta yu, gosi a toi mu a ecápo jne rĩ.–

Juan 12:35

Mu Jesús chojninga: –Dupade utocaidi gajnui u dírecaringuéi. Mu deréjnane e garósi ujetiga déji uacari. Jecute aquejnáño aja uté yui to uje qué dire. Socaseti dejai chise uáguiji yui enga a ca eso jne. Enga a ca togome uaque jetiga arajáyo uacajesúode.

Juan 12:46

Uyu u uje yajnui u dírecaringuéi. Enga yĩri iji erámone udojo icaite gu ujetiga gosi changureta yu ga jé ca cháji ijnangununie.

Juan 14:6

Jesús chajnai uruode enga chojninga: –Dajei jé u uyu. Enga cucha uréone, pucuecaringuei ore garani jé upo yu rĩ. Gusu panguretigai ome yu ujetiga gosi chise Yai.

Juan 3:19

Udore ore uje que ore changureta Dupade abi enga e dimane ore gajnéone pujuyaquéo ome ore jne. Chamáñaje dírecaringuéi e chise erámone gu, mu ore irasigode u ijnangununie enga que ore chise dírecaringuéone unétique. Chamáñaje jé ore déji date gajnaréngone gáyode gu.

Juan 5:21

Uacarajáyo uje yai Dupade chiringare togode enga ore ecápo rĩ. Adi jé u ome Ujnacari uyu. Ujetiga yipota enga yiringare togode ore to enga ore ecápo to rĩ.

Juan 5:26

Uacamóño uje yai Dupade ujopiédaté cuse ujetiga chisi ome pucuecaringuei ome uñane. Uté chisíome dajopiédaté uaté ome dajnacari uyu to ujetiga yisi ome pucuecaringuei ome uñéngo to.

Juan 8:12

Jesús chacadápo ayorébui ore rĩ enga chojninga: –Dírecaringuéi u uyu iji erámone udojo. Ujetiga gosi tangaripísi yacajnaquéode quigode enga uté gosi u uje déji dírecaringuéi. Enga pucuecaringué eyúgojmai gajnesṍri u uté gosi. Enga a ca digapóji ijnangununie jne rĩ.–

Juan 9:5

Uje qué yugúsiji erámone udojo enga yajnui u dírecaringuéi iji erámone udojo.–

Héchos 26:23

Chamáñaje udore ore chatata jnese uje judíode yoquijnati Crísto gajnei tu ujetiga chejnáreque re enga toi ome yoquisijnaringuéone. Enga a uté u to jne ujetiga chijñate yurasade judío ore gáyode, jé aja purása quedéjnane ore gáyode rĩ. Gaidi u gu ujetiga ore chise dáringane piquetaque jnese.–

1 Coríntios 15:45

Ore urusarane Dupade urúo chósi tome yoque: "Uje Dupade tẽrája pucuecaringuei ome jnani bajai Adán nanique enga jé basa Adán chajnerame dajnei tuté pucuecaringué tome yoque ga yiquecágome to." Jé basa Adán uñai u Crísto to uje tẽra pucuecaringuei ome yoque to, mu pucuecaringué eyúgojma tuté guerani tome yoque. Chamáñaje gaté unirísõre uté gu.

Efésios 5:14

Chamáñaje dírecaringuéi isocai jé u gu. Ujetiga pecãraque cuchárique aja dírecaringuéi enga e que dépoji ijnangununie rĩ ome dáringai pipoguiete. Jecute ijnangununie jongosórone isocai uté jé cunguésõri purusãrasórone uñai urusarane, uje chósi te: "Mocucha chá, ¡ãriji iji bamoi! ¡Ãriji iji báringai toque uté quigade é! Enga Crísto a chijñate babai ome dadírecaringuéi."

Colosénses 3:4

Yirajágo uje yocucuecaringué ichai uné guẽrasṍri tu Crísto, enga ujetiga uté di jne enga a jĩraque agúsoji gari to jne iji guéode. Enga a uacajneque uté ingoningájnai jne.

1 Juan 1:1

Yurusarane unojo júdi u Jesucrísto uje chacate ore ome pucuecaringué eyúgojmai quigode nanique. Jesucrísto uté jé jogate nanique uje quene pipesute erã́tique. Enga yijorane ore uyoque yipáñangopísiji uté to nanique. Enga yangácoi ojñane to. Yisagopo uté to rĩ ome yoquijmainie, enga yajico ipesudode cucha to nanique.

1 Juan 1:2

Uje pucuecaringuei guẽrasṍri Jesucrísto chingo raja yoque nanique, enga jé u uje yatatago adode ome uaque. Enga yocatatagode júdi u pucuecaringué eyúgojmai quigode, uje pucuecaringuei tuté guẽrasṍri déji dai Dupade gari iji taningai, mu quigade enga chingo raja yoque to.

1 Juan 5:11

Enga Dupade ojningane cucha u uje Dupade chisi ome pucuecaringuei iji deréjnane ome yoque. Enga pucuecaringuei uté jõrai u Ujnacari úringai pangurete.

Apocalípsis 22:1

Enga Dupade iroque gaté unirísõre chingome tié tome yu uje uaté que iguínique cuse. Enga tié tuaté yocárepise uje pucuecaringuei déji uaté. Enga cho ajicaranone. Enga tié tuaté tṍraji Dupade, Jesucrísto ore charipi cuchábi. Uje Jesucrísto uté gajnua tu áyasa pẽrapáideraque.

Apocalípsis 22:16

Enga yudúdapo Jesús uruode rĩ enga chojninga: –Jesús uyu enga yiroque yutocaidi gaté unirísõre aja uaque ujetiga ajnerañome uté ojningane cucha ome yanguresórone ore jnese iji dedáyode. Bajaque yu ome eduguéjna cuchábi David nanique, mu uté ape disi ejo yu to. Enga yajnua tu guédo niríngoro ome yingoningájnadatéi.–