Juan 1:34 - Dupade Uruode

³⁴ Uje e yimo enga uté pijogúsõre yu to. Enga yingome uaque uje Dupade abipísi u uté.–

Juan 1:34 Iomraidhean Croise

Sálmos 2:7

Yujúdi a u Pangarádejnai arecujaidie quigode jne. Uje Pangarádejnai uté chósi tome yu: –Yabi tu ua, ga bayé tu yu iji deréjnai tudé.

Matéo 11:27

Jesús cha catecã́ri dayé Dupade enga chojninga: –Yai tẽra cuchade ome yu jnese. Enga gusu Yai uje chiraja dajnacari uyu. Que ayorérique chirajapise yu to go. Que pirajagápo Yai to rĩ. Gusu yu uje yirajapise. Gusuapo yu rĩ uje a yingo Yai aja yipotigátigo ore jne.–

Matéo 16:16

Mu Simón Pédro chajnai enga chojningame: –Crísto u ua, Dupade utocaidípisi. Dupa Uecai uté ujnacari tupo ua rĩ.–

Matéo 17:5

Uje cáma Pédro chejna daruode unojo guesi mu gue abuja nanganatágueraque díji ore. Enga chaco udore ore gai. Enga ore déji gue abuja uaté ajei. Enga ore chudute darárigo iji gue abuja ajei uje chojninga: –Yape yijnorai u uté enga yirasique yu ome. Angachopísi.–

Matéo 26:63

Mu Jesús jé que cho chimíñimi go. Jé u uje judíode eduguéjna cuchábi chojningame: –Ujetiga ũré ua enga bangureni jé u Dupa uecai, enga baru ũréningo pijoque. Ãrarare. ¿Dupade utocaidi Crísto jé u ua ya?–

Matéo 27:40

Ore chojningápome rĩ: –Bojningápie diríca ya: "A yinguírarása Dupade iguíjna cuchábi uté aja jnumi, mu a yiringárapórase rĩ iji dire gadiótigo." Be gojni enga aqueta gojni ua ujetiga jé ũré enga Dupade abipise ua enga be jnumi iji curesei gai.–

Matéo 27:43

Jé urúpio diríca uje angureni u Dupade diríca. Chiese Dupade abipísapo diríca rĩ ome. Dupade que doi gojni enga chiqueta gojni.–

Matéo 27:54

Uje Jesús irodingórone soldácho, jé aja ore eduguéjnai, ore chimo jnupe tãrarachui, cucha dacate uñane ore, enga que ore isadodéringai chajire re. Jecute ore chojninga: –A jé ũrepise enga Dupade ape jnani uté gotique.–

Matéo 3:17

Jé u uje ore chudute darade uje tṍraji gaté yui. Enga chojninga: –Yimeserãi yape u uné.–

Matéo 4:3

Jecute Satanás sose Jesús yui ujetiga chequetingare uté enga chojningame: –Ujetiga jé ũré enga Dupade abipise ua enga apésu cucaranenie udire enga nóña jne enga arurécho jne.–

Matéo 4:6

Enga Satanás chojningame: –Be gojni enga ṍra ua aja jnumi ujetiga jé ũré enga Dupade abipise ua.– Satanás e potapísa ujetiga sué jóroque Jesús gai. Jecute chijna jóroga Dupade uruode ome enga chojningame: –Dupade uruode déji to arĩa uje chojninga: Dupade a chingome darótigo jne ujetiga ore chirote ua. Ujetiga abasíji gaté mu a Dupade irótigo chisa ua iji gaté yui jne, ujetiga ca cuchárique chósi ti iji ua.–

Matéo 8:29

Jé u uje ore chinguíra dabijnanone aja Jesús enga ore chojningame: –Jesús á, Dupade ujnacari ua ya, ¿gotique gu a uje bapota jeta ajocase yoque? Mu cáma deréjnai u go ujetiga ajṍcarome yoque.–

Márcos 1:1

A yatata Dupade ujnacari Jesucrísto ujnomé ueradi ome uaque jne iji yurusarane udojo:

Márcos 1:11

Enga uté chudute darade to uje tṍraji gaté enga chojninga: –Yape yedójnari tu ua uje yinínapúsu yu ome ua.–

Lúcas 1:35

Enga Dupade utocaidi chojningame María: –Dupa Pujnuéngaisṍri Ujopié Espíritu Sánto a chise ua jne. Enga a chaparu babai jne. Gajnui u ujetiga agúsiji gue abujáraque ajei. Babi uté a garani upúsu Dupade jne. Jecute a ueque jne ome pisijnaringuéone. Enga a ore chĩ́care Dupade abi aja jne.

Lúcas 3:22

Enga jĩrique Dupade Ujopié Espíritu Sánto doi jnumi ga cho cucujnadatei aja jnumi. Enga basája Jesús gai. Enga jĩrique darade tṍraji gaté yui ome Jesús, uje chojninga: –Yape yedójnari tu ua uje yinína yu ome ua.–

Juan 1:18

Que uñeque chimo Dupade gotique. Gusu Dupade ape ugurui u uje chingo dayé aja yoque. Chamáñaje Jesús, dayé Dupade ore cháta raja ñane ome dáyipiedie gu enga que ore chiramurase ñane iji dajéode go.

Juan 1:49

Jecute Natanael chojninga: –¡Yocacadisṍri á, e yiraja uje Dupade ape ua! ¡Israélgosode yoquijnati yoqueduguéjna cuchábi upo ua rĩ!–

Juan 10:30

Yai Dupade, uyoque jé yitojmárangopise.–

Juan 10:36

Jé isocai u ome yu. Uje Dupade ajegaite yu nanique ga chiroque yu aja erámi nanique. Mu jé go uje uacojnicho ome yu: "Gajnareque baruode ome Dupade uje bojningame yoque, Dupade Abi uyu."

Juan 11:27

Márta chojninga: –Ejẽ́, yangureta baruode, Yangaráni á. Enga yanguretápo báringai yoquijnati Crísto rĩ, jé aja báringai Dupade ape. Ua u uje Dupade chichagája yoque iji erámi tudé.–

Juan 19:7

Mu judíode ore chojninga: –Uté bai u uje cho Dupade Abi iji re. Jecute jé tiógara ujetiga toi. Yocai jnani bajai Moisés urusarane quigode uñai jé u gu.–

Juan 20:28

Jé u uje Tomás chojningame Jesús: ¡Yangaráni tu ua, enga yidupade upo ua rĩ!

Juan 20:31

Mu Jesús ipesútedatéode udore uje déji darujna aoi udé, purusãracho gu ujetiga anguretáyo Jesús úringai Dupade utocaite Crísto. Enga ujetiga anguretáyopo úringai Dupade Ape rĩ. Yigaidi tu gu ujetiga pucuecaringué eyúgojmai déji uaque to ome uacanguretigai iji Jesucrísto.

Juan 6:69

Bacadigode uyoque e yanguretágo baruode enga yirajágo uje yoquijnati Crísto u ua. Enga Dupa uecai abi upo ua rĩ.–

Romános 1:4

Mu ome úringai Dupade Abı́pise, ga que potigayaquérique déji gotique to. Chamáñaje Dupade Ujopié Espı́ritu Sánto pésu ga Jesús niji iji datoringai nanique gu. Enga jé u uje Jesucrı́sto úringai Dupade Ape ujopı́erãque choquipı́siji guesi ome adi uté.

2 Coríntios 1:19

Uacamóño uje yijorane Silváno, Timotéo uyoque yatatago Dupade abi Crísto Jesús adode ome uaque nanique. Enga yocajnai jé u Jesucrísto uté, uje que uté áyipieraque noña gotique to. Enga que urúrique toja gotique rĩ.

Hebréos 7:3

Mu que pijoque Melquisedec datéraque, danique, dáquirigo ore nanique. Que pirajagápo batigárique dire nanique rĩ. Que pirajagápo isocárique rĩ ujetiga toi. Jecute Jesús, Dupade Abi, gajnui u Melquisedec enga úringai pangarate jé jogate iji deréjnane ujetiga catecã́ri Dupade ome ore.

1 Juan 2:23

Gosi uje chotigase Jesús úringai Dupade ape enga que cuchárique déji uté ome Yocai Dupade to. Mu gosi uje que otigayaquérique déji Jesús ome úringai Dupade ape enga Yocai Dupade déji uté gosi gari to.

1 Juan 3:8

Mu uje gosi pésu pisijnaringuéone enga uté gosi ajnai tu Satanás. Uje pisijnaringuéone ipesungore Satanás jé iji erámone taningane. Mu Dupade Abi di gu unojo ujetiga chinoningase Satanás ipesute gajnaréngone iji erámone unojo.

1 Juan 4:9

Dupade chingo dajnoraquédatéi ome yoque gu Ujnacare ugurui uje chirógaja erámone unojo nanique. Gaidi u gu ujetiga erámi unirisórone uyoque yico pucuecaringué gatei gu uté adode ome yoque.

1 Juan 5:20

Yirajagópo rĩ uje Dupade Abi e di nanique ujetiga chuchẽre yocáyipiedie edodie gáyode ujetiga yirajágo Dupápisi to. Jecute e yátago yógaja Dupápisi Abi uje i tu Jesucrísto enga yicoi uté adode. Uje Dupa ũrepísi tu uté. Enga uté guerani u pucuecaringuei ome yoque ujetiga yiquecágoji deréjnane jnese.

2 Juan 1:9

Uñeque ujetiga chajnerame cucha uñéngo iji Jesucrísto acajnaquéode iquei, que Dupade déji uté gosi gari. Mu gosi uje que chorei pacajnaquei uñeque iji Jesucrísto acajnaqué casodica iquei, Yocai Dupade déji uté gosi gari. Enga Dupade Ujnacari dépoji gari rĩ.

Apocalípsis 2:18

Enga Jesús chojningápome yu to rĩ: –Arúsãrape yuruode to ome Dupade anguresórone ore angaráni uje déji Tiatíra enga ósi te: "Uacacatecãraisṍri u yu enga Dupade Abi upúsu yu. Yedodie gajnunie u pioque ocaraidie, jé basa yirídade gajnúone u guebeque nanganatágode uje guebéode udore i u bronce.