Juan 1:21 - Dupade Uruode

²¹ Enga ore catecãrápoi Juan gaté rĩ enga ore chojninga: –Ujetiga Crísto ca u ua, ango ua aja yoque. ¿Ja Dupade uruode atatasṍri Elías u ua ya?– Mu Juan chojninga: –Que u yu gotique.– Jecute ore chojninga: –Ore erángani Dupade uruode atatasõre ¿ja u ua ya uje a di jne iji yoque?– Mu Juan chojninga: –Que uyu u gotique.–

Juan 1:21 Iomraidhean Croise

Malaquías 4:5

Angachopísi yuruode udojo to uje a yiroque yutocaitique aja uaque jne iji yiríringárique iquei ujetiga uté adode jé chopise yiroi jnani bajai Elías adode to, uje a yuruode atatasõre uté to jne. Enga quene dire pagutéjoragosi chise erámi unirisórone ore to iji uté quigade to. Enga dire uñeque a ca cho uté jne ome úringai dire pagutéjoragose.

Matéo 11:14

Ujetiga apótayo anguretáyo yu enga a yingo Juan úringai gosi aja uaque. Uje uté jé u ore atatai Dupade uruode atatasõre Elías uje a di jne.

Matéo 16:14

Acadigode ore chojningame: –Uñane jos eti Juan el Bautísta u ua, uté uje chaca ore edodie iji yodi nanique. Jeque uñane ore cho jnani bajai Elías iji ua. Jé basa ga uñane ore chojninga: "Jnani bajai Jeremías a u. Jeoga Dupade angúromei proféta uñeque u."–

Matéo 21:11

Enga ayorébui ore chojninga: –Dupade uruode atatasṍri Jesús u erĩ́e. Uje garani u ore idai Nazaret, iji ore uniri Galiléa.–

Lúcas 1:17

Enga babi Juan a oite pujnomei jne ome yocangaráni Dupade ujnacari diringai. Enga a cho jnani bajai uje i tu Elías uje a ujopíerãque babi to jne. Ga a chijna pajesereringai ome abechugode ore jne uje a ore cha dájningane ome dabode jne. Enga a ore abode cha dájningane ome dayode ore rĩ. Enga jé upo ome Dupade guetesórone ore rĩ. Uje a ore tangárapoi Dupade rĩ enga a ore chisa ome dáyipiedie ome babi uté acajnaquérigo jne.–

Juan 1:22

Enga jé ore ate uje ore catecã́ri Juan enga ore chojninga: –Ango ua gosi ome yoque enga yirajágo ua. Ga yingongo ua aja yoquirósorone ore. Ore potapísa jóroga jeta ore chiraja ua gosi.–

Juan 1:25

Enga ore catecã́ri Juan gaté enga ore chojninga: –¿Gotique gu a uje baca ore edodie iji yodi? Ujetiga ca Crísto u ua enga ca Elías upo ua gotique rĩ. Jé aja ujetiga ca Dupade uruode atatasṍri upo ua rĩ uje yijnátugo diringai.–

Juan 6:14

Uje ayoréode ore chimo Jesús ipesútedatéi uté enga ore chojninga: –Jé ũré uje Dupade uruode atatasṍri u uté ujetiga di iji jnumone udojo.–

Juan 7:40

Uñane iji ayorébui udore ujade ore chudute Jesús uruode udore enga ore chojninga: –Que potigayaquérique déji jnani uté úringai yoquijnati Dupade angúromei proféta.–