Juan 1:19 - Dupade Uruode

¹⁹ Enga judíode ore eduguéjnane iji Jerusalén ore chiroque sacerdóteode, levíteode uñane aja Juan ujetiga ore chiraja úringárique ayoré.

Juan 1:19 Iomraidhean Croise

Juan 1:7

Dupade ajegaidi u ujetiga Juan uté chatata dírecaringuéi guẽrasṍri gosi ome ore ujetiga ore changureta.

Juan 10:24

Enga judíode ore chaparu Jesús gai enga ore chojninga: –¿Jé gotique gu a uje que ango ua gosi aja yoque ujetiga yoquijnati Crísto jé u ua? Be enga angopísa yoque.–

Juan 10:31

Jesús uruode udore pésu ga judíode ájningarãque ore ome. Enga ore chajni cucaranenie gai ujetiga ore chisa enga ore chatingare Jesús ome.

Juan 11:19

Enga uásejna judíode ore uje ore tṍraji Jerusalén ga ore chicáji Betánia ujetiga ore chajire Márta, María ore ome dajai itoringai.

Juan 2:18

Uje judíode ore catecã́ri Jesús enga ore chojninga: –Angoma yoque bapesútedatérique ujetiga jé ũré ua enga Dupade utocaite ua aja jnumi uje bajócãre cucha peranone guẽrasórone ore iji Dupade iguíjnai udé ajei.–

Juan 2:20

Jecute judíode ore catecã́ri Jesús enga ore chojninga: –Dupade iguíjna cuchábi udé guejnanie sequeré 46 nanique uje ore chimate nanique aja gaté. ¿Ja toguírasome ua ya ujetiga apésu enga amate iji dire gadiógode?–

Juan 5:10

Enga jé u uje judíode ore catecã́ri Jesús iquetai jnani. Enga ore chojningame: –Deréjnai udé u uje que pisaque pejóriguiji. Bamo uje que pujuegate ome ua ujetiga ajna bataranone.–

Juan 5:15

Enga jé u uje jnani uté jno uje Jesús chiqueta. Enga chingome judíode ore uje Jesús u iquetangóri.

Juan 5:16

Jecute judíode ore jmongarája Jesús enga ore pota chutígome. Chamáña gu uje chiqueta ayoré ejnaretade iji dire puyade gu.

Juan 5:18

Uje judíode ore chudute Jesús uruode udore enga ore jmongarája gaté. Ore guetei u gu uje que timíninga Moisés urusarane uje pésu cuchade iji dire puyade. Mu que gusu udore go. Ore chetaque to uje jé cho Dupade iji re uje chojninga: "Dupade u Yai."

Juan 6:41

Uje judíode ore chudute Jesús uruode uje chojninga: "Arurei uyu ga yarani u gatajnoquei," enga jé u uje ore dojnóngaja.

Juan 6:52

Jecute judíode ore botare ñane ome Jesús acajnaquéode quigode. Ga ore chojninga: –¿Jé uté isocáringome uyoque ujetiga chisi ome dabai ome yoque ujetiga yajo?–

Juan 7:1

Cuchade udojo quigade enga Jesús diguiji ore uniri Galiléa údode uje chacate ore iji quedéjnane. Que pota jóroga ujetiga chajniápo aja ore uniri Judéa rĩ. Chiraja uje judíode ore chujérase iji Judéa gu.

Juan 7:11

Judíode ore chucué Jesús iji ore jnusinamáni dire enga ore chojninga: –¿Jé dépisi rique jnani uté?–

Juan 7:15

Enga Jesús acajnaquéode chajuque judíode ore agutedie enga ore chojninga: –Jé go uje chiraja cuchade jnese. Que ayorérique chacate ome irajatigade múñi.–

Juan 8:22

Mu judíode ore catecã́ri ñane ome Jesús uruode udore enga ore chojninga: –¿Ja chujé re jne a? Uje chojninga: "A ca togome uaque jne ujetiga eso ta yiqui."–

Juan 8:48

Jecute judíode ore chojningame Jesús: –¿Ja ca ũré yoque a? uje yojnicome ua: "Yoquetégode samáriagosode uñai u ua. Enga Satanás utocaitique déji bajei."–

Juan 8:52

Jecute judíode ore catecãrápoi Jesús rĩ enga ore chojninga: –Que potigayaquérique déji yoque uje a Satanás utocaitique déji bajéode ome baruode udore. Uje yocai jnani bajai Abraham, Dupade uruode atatasórone uñane ore toi jnese. Mu jé go uje bojninga: "Gosi ujetiga doi yacajnaquéode quigode a ca gosi toi jne iji deréjnane jnese."

Juan 8:57

Jecute judíode ore catecã́ri Jesús enga ore chojninga: –Quedéjnapise baruode uje cáma bejnáringui sequeré 50 iji bei múñi chiese amo yocai jnani bajai Abraham. Bamo uje sequeredie e jiépisi iji Abraham quigade.–

Héchos 13:25

Uje Juan e chimanirase dajnéone Dupade iroquéo enga chojningame ayorébui nanique: "Uacajoso ati uacaquetangóri u yu. Mu que uyu u go. Mu a di jne iji yiquigade. Enga a uté suépise yibai jne ome dáringai Dupade utocaite."

Héchos 19:4

Jecute Páblo chojninga: –Juan tṍra ore aja yodi nanique uje ore chécãre dáyipie quigode, dadode ore ome Dupade. Mu chacadápo ore rĩ ome Dupade utocaidi uñeque uje a di jne iji Juan quigade ujetiga ore changureta uté jne. Enga ojningai u Jesús, judíode ore ijnati Crísto.–

1 Juan 1:5

Jesucrísto jé guẽrate yoquingomei cucha uné ome uaque. Enga u uje dírecaringuéi u Dupade enga que ijnangunúraque cunguésõri uté.