Juan 1:18 - Dupade Uruode

¹⁸ Que uñeque chimo Dupade gotique. Gusu Dupade ape ugurui u uje chingo dayé aja yoque. Chamáñaje Jesús, dayé Dupade ore cháta raja ñane ome dáyipiedie gu enga que ore chiramurase ñane iji dajéode go.

Juan 1:18 Iomraidhean Croise

Génesis 16:13

Enga cuchadatei u ome Agar nanique uje Pangarádejnai, Agar ore catecã́ri ñane. Jecute uaté chojninga nanique: "A yipésu Yangarádejnai i jne enga a yojninga jne: 'Dupade uté u uje timíninga yógaja quedéjnane'. Enga chojningame re: "¡Jé gotique! Dupade, uyu yimóngo ñane mu que chejna yu go; qué yiqueca."

Génesis 18:33

Mu Pangarádejnai Dupade chejna daruode udore aja guesi enga jec u uje jnoji Abraham gari. Ga jé u uje Abraham chajni to enga chicáji daguíjna cárpai yui.

Éxodo 23:21

Jé ca acai siñéngome uté jne ga ajína yiroi uté aja quedéjnane jne. Ga be ojningáringo cucha ome ua jne ga jé ca otigase uru quitique jne. Uje uyu u gu uje yiroque uté aja ua ga cho jeta jé uyu upúsu uté. Ja seca uté jé ca chicadígui bate gajnaréngone jne, enga a o baba bangoninguite paritigade udore jne ujetiga jé ca angaripísi yiroi uté jne.

Éxodo 24:10

Enga Moisés, jorane udore ore chimo israélgosode ore angureni Dupa iji cucarani uté ójo. Ga ore chimo cucha nanganatáguejnai uje déji guídade údi ga chopise cucarané nanganatague orerenie uje i tu zafíro ome dáringa nanganatague. Enga uté ejode cho nánga, nánga iji charidi ga chopise ateta uje nanganata.

Provérbios 8:30

Iji taningapísi nanique ga jé yijogate Dupade gari nanique. Cho ujetiga disi yu nanique ga uté imanique yu aja gatérique nanique. Jecucha ga yijína uté aja quedéjnane nanique enga que yiramurase uté aja ajesúode. Chamáñaje Dupade que chise yunerotiguérique nanique gu. Enga yajnami su disatique ome uté nanique uje chachoque yu ga cana yibáyode.

Matéo 11:27

Jesús cha catecã́ri dayé Dupade enga chojninga: –Yai tẽra cuchade ome yu jnese. Enga gusu Yai uje chiraja dajnacari uyu. Que ayorérique chirajapise yu to go. Que pirajagápo Yai to rĩ. Gusu yu uje yirajapise. Gusuapo yu rĩ uje a yingo Yai aja yipotigátigo ore jne.–

Lúcas 10:22

Cha catecã́ri dayé Dupade ga chojninga: –Yapade tẽrája yu ome cuchade udore jnese. Uje abape yu gu. Enga a ca togome uñeque ujetiga chiraja yapade uté gosi. Mu gusu yu uje yiraja uté uje abipise yu gu. Ga jé isocai tu ome gosode udore uje a ca ore chiraja uyu gosi. Gusu yapade uje chiraja yu uje ape yu gu. Mu gusu yu rĩ ujetiga yingo yapade ome udore gosode ga jé u ujetiga ore chiraja to.–

Juan 1:14

Enga Dupade áyipiedie pijogúsõri pésu re enga cho erámi unirísõri iji re to nanique. Enga déji yocujade nanique iji erámi udé. Enga chijnorapise yoque. Enga ũrepísei arecujaidie. Yimóngo ingoningájnai. Enga cuchadaté ingoningájnai uje Dupade ape ugurui u uté gu.

Juan 12:41

Jnani bajai Isaías urúo udore gu uje chimo Jesús ingoningájnai nanique enga uruode udore júdi u Jesús.

Juan 13:23

Jesús acadigode uñai déji Jesús ejoi iji ore atigabié mésa uje Jesús ijnorai u uté.

Juan 14:9

Jesús chajnai Felipe uruode enga chojninga: –Felipe á, e iyajmanguipise yu iji uacari mu cáma arajáyo yu. Ujetiga gosi chimo yu enga chimópo Yai to rĩ. ¿Ome gotique gu a uje bango yu ujetiga yingo Yai aja ua?

Juan 17:26

E yatata ua gosi ome ore, enga qué yiji údi uje yingo ua aja ore. Yigaidi u gu ujetiga baríjogonóri pijnoraqué déji ore to, adi u uje déji yu. Yigaidi upo rĩ ujetiga yugúsipísiji ore gari to.–

Juan 17:6

E yingo báringai gosi ome bajegaidode ore uje bẽrate ore ome yu iji erámone udojo. E bajneque ore mu basi ome ore ome yu. Enga udore ore dopísi baruode quigode.

Juan 3:11

Jé ũré yu uje yirajágo cuchade udore quigode, enga yocojñane u yoquimone cucha. Mu uaque, que anguretáyo yocojñane cucha.

Juan 6:46

Yirajágo uje que amóño yai Dupade. Mu imósõre ugurui u uyu uje yarani u Dupade iji gaté.

2 Coríntios 4:4

Udore ore uje que ore changureta yocacajnaquéode ga pijoque uje ore cho dadupáji Satanás iji erámone udojo. Enga Satanás uté u uje suru ore áyipiedie gai, jecute que ore chiraja yocacajnaquéode quigode ome raque. Chamáñaje Satanás ipotigádi tu ujetiga ca ore chimo dírecaringué cuchátique ome raque to. Enga ca ore chiraja yocacajnaquéode úringai ueradéjnapíso uje yacaco ore ome Crísto ingoningájnai. Chamáñaje yocojñane gajnengóri Crísto u uje dayé Dupade chopise re iji nanique ome yoque iji erámi tudé.

Colosénses 1:15

Pibojma Dupade, mu quene pimo uje Ujnacari di iji jnumi. Uje uté jé chopise dayé Dupade ome cuchade jnese. Enga bajaguipise Ujnacari tuté ome cuchade jnese, enga u uje gajneque cuchade jnese.

1 Timotéo 1:17

Jecute yajéode u ujetiga yicoi ga yicotágo Dupa ugurui iji deréjnane jnese ome úringai eduguéjna eyúgojma, ome úringai togójma, ome úringai pimojma, ome úringai áyipierã́quedaté rĩ. ¡Qui jé upúsu! ¡Amén!

1 Timotéo 6:16

Gusu Yoquidupade uté u uje que chimo pitoringai ome re. Enga déji dírecaringué cuchábi ajei, jecute que toque ujetiga gosi doi enga chirõre jogadi uté. Enga que ayorérique dépoji rĩ ujetiga chimo Dupade ome dedodie nanique, enga a jé ate udore jne iji deréjnane jnese uje a ca toque jne ome ayorérique ujetiga chimópise Dupade ome dedodie. Uté gajnei tu ujetiga picotaque ome uyoque jnese, enga ujopiédaté a ca eruénique cuse jne iji deréjnane jnese. Amén.

Josué 5:13

Enga e chise dire uñeque nanique enga Josué chisṍriji erámi iji ore idáidatéi Jericó ejode to. Ga chimo jnanírique enga chimo asṍreraque iji jmanai to uje chãrai dasõre tiji gaté. Ga Josué chicai yui ga chirõre ga e tibidi. Ga chojningame: –¿Ama yocurása ua to a? ¿Jeoga yoquetésõre ua ya?–

1 Juan 4:12

Que ayorérique pañaji Dupade ome dedodie go, mu Dupade pijóguiji yoque ujetiga yijnórango ñane. Enga Dupade ijnoraquédatéi chimate re aja guesi iji yoque ujetiga yijnórango ñane.

1 Juan 4:20

Mu ujetiga gosi chojninga: "Yijnóra Dupade" marínga, chetaque dajõrai, enga táquechoquí uté. Mu ujetiga que yijnórango yoquijõrai uje déji yoquedominone ¿enga jé yijnórangorase Dupade a, uje que pimo?

1 Juan 4:9

Dupade chingo dajnoraquédatéi ome yoque gu Ujnacare ugurui uje chirógaja erámone unojo nanique. Gaidi u gu ujetiga erámi unirisórone uyoque yico pucuecaringué gatei gu uté adode ome yoque.

1 Juan 5:20

Yirajagópo rĩ uje Dupade Abi e di nanique ujetiga chuchẽre yocáyipiedie edodie gáyode ujetiga yirajágo Dupápisi to. Jecute e yátago yógaja Dupápisi Abi uje i tu Jesucrísto enga yicoi uté adode. Uje Dupa ũrepísi tu uté. Enga uté guerani u pucuecaringuei ome yoque ujetiga yiquecágoji deréjnane jnese.