Juan 1:13 - Dupade Uruode

¹³ Mu ore úringai Dupade abío que cho ore úringane ayoré abío. Uje ore dayode ayoréo chisa ore datedie nanique jecute ore basíji datedie. Jé basa ore úringane Dupade abío garani u Dupade áyipiedie ome ore.

Juan 1:13 Iomraidhean Croise

Génesis 25:22

Mu garaja abode iji ajei nanique. Enga ore chipatigase re iji ñane iji ajei. Mu Rebéca jecucha ga narañime dabode uje ore quejna iji ajei enga chojningame re: "¡Qué jeque yitobi enga ore basape to!" Enga catecã́ri Dupade ome re nanique uje narañípisome daca uchiejnane iji dajei gu.

Génesis 25:28

Ore dai Isaac irasi tu dape bajai Esaú, uje irasique dosipéode gu uje chujé enga ore tagu yugode. Jé basa ore daté Rebéca irasi tu Jacob.

Génesis 27:33

Enga Esaú chajuguipise dayé aguté. Enga dayé uruode tãrarapise uje chojninga: –Cachi e yagu ore ãraquegué arĩ́e ga yo yurúja uté gosi que. Enga e yisi ome yuru iyiejájnane ome uté gosi que, enga e gajnecho que, enga e que toc ujetiga qué noñapóji rĩ yuruode ucode.–

Génesis 27:4

Ujetiga ajé uñeque ga be basocáringome ujeta apésu enga uneripise ga yagu to. Uje barajapise basocáringome gu. Ujetiga yiya chagu enga jé u jne gajiné jetiga yo yurúja ua ome yuru iyiejájnane uje qué yiqueca.–

Sálmos 110:3

A chise dínique ujetiga basoldate dipeséode udore ore dimane ome bajocaningárique yui ga ore cho piguidé pibiéji bangoningájnai jeta angongara báringai ujopíerãque cuchape iji bajocaningai uté. Uje diri chujé gaté ga gajnetui base iji erámi ga imoi tu uje ijõre basoldate dipeséode ore aja bajocaningai, ga érãtique ore enochai base gotique.

Matéo 3:9

Enga jé ca ojnichome ñane: "Jé areque yoque arĩa uje jnani bajai Abraham ape disi ejo yoque." Mu que cuchárique tṍraji udore. Uje yojningame uaque ujetiga Dupade ajéo enga a dorási cucaranéringui udire enga pesurásu udire enga ore gajnunie urásu Abraham ape disi ejórigo to.–

Juan 3:3

Jesús chajnai Nicodémo enga chojninga: –Jé ũrepise yu ome yuruode udore: ujetiga Dupade ca chinoningase gosi enga a ca togome gosi ujetiga chimo dáringárique Dupade urása. Enga gosi chise dáringárique Dupade urása enga gajnui u ujetiga quene basosi.–

1 Coríntios 3:6

Enga yacãra yoquisocai uté aja utácai uje chaca dacade cucha iji dejnai uté. Ga uyu u uje yaca cucha ajñunie iji. Jé basa ga Apólos u uje chuta. Uje yicoi trabájo ome jnese, mu gusúpusu Dupade uje pésu cucha pacade udore iquéraningane.

Filipénses 2:13

Dupade pésu dáyipiedie ome cuchárique, enga jé u uje chisi ome páyipie omenie ome yoque. Enga Dupade upo rĩ uje chátaja yoque ujetiga yimáco yocáyipiedie unaji aja guesi.

Títo 3:5

Enga doi enga chiqueta yoque to. Mu que chiqueta yoque gu yoquipesutique cucha arécho go, mu chiqueta yoque gu dosongaquéode ome yoque. Dupade chĩro yoquisijnaringuéone iji jnumi, enga yocúringai icha jogadi u. Jogadi u uté to uje Ujopié Espíritu Sánto chinoningase yoque enga Dupade ape icha yoque. Enga doi enga chisi ome pucuecaringué ichárique to ome yoque.

Santiágo 1:18

Uje yanguretágo ore atatagode Dupade uru uréone nanique, enga jé u uje Dupade chisi ome pucuecaringué eyúgojma ichai ome yoque. Gaidi u gu ujetiga yipijójo iji ipesute cucha uñane ujade. Chamáñaje Dupade jé ajéo ome yoque nanique gu.

1 Pédro 1:23

Dupade chinoningase uaque enga uacacuecaringué ichai e cuse uje que eruénique cus. Uje garani u Dupade uruode gu uje que íjnoque go. Enga uacacuecaringué ichai tuté que cunguésõri uacacuecaringué casica uje garani u uacatedie, uacayode ore. Uje ore toi ica, ga ore topísi.

1 Pédro 1:3

Beyoi ga yicotágo Yocangarádejnai Jesucrísto dayé Dupade ome osõraquédatéi ome yoque. Uje Dupade pésu ga chiringare Jesucrísto iji itoringai nanique enga pésu ga yocúringane ayoré icha isocade jé u to. Jecute yirajágo uje tate Dupade osõraquédatéi ome yoque, enga yocanguretigai u yoquitijínaquéode uje yiroco Dupade ojningane cucha yúode.

1 Pédro 2:2

Oyósi disi parátagabi uje quene basosi enga chucuepísi leche. Beyoi enga acueyoi Dupade uru uréone to ujetiga uneréjna to ome uaque, ujetiga aquéraño to iji uacacuecaringué ichai.

1 Juan 3:9

Dupade atique que toque ujetiga áyipieraque jogate pisijnaringuérique. Dupade ape gu uje gajneque Dupade guerani pucuecaringué. Jecute e que toc ujetiga qué chajnerame pisijnaringuéone adode. Chamáñaje Dupade ape gu.

1 Juan 4:7

Yijorane uaque á, yocajnei u ujetiga yijnórango ñane uje pijnoraquei ome ñane garani u Dupade. Jecute ujetiga pijnoraquei déji gosi enga obiréjna uje Dupade ape uté gosi enga chirajapise Dupade.

1 Juan 5:1

Ore jnese uje que ore chotigase Jesús úringai Crísto, uje Dupade utocaidi u uté, enga Dupade abode u udore ore. Jecucha ate to uje gosi chijnóra jnanírique, enga chijnorapo jnani tuté abode to rĩ.

1 Juan 5:18

Yirajágo to uje gosi cho dají Dupade enga suse deo ome pisijnaringuéone jnese. Chamáñaje Dupade Abi chirote uté gosi ujetiga Satanás ca chijocase.

1 Juan 5:4

Que piraque gu uje Dupade pésu dabode uyoque gu enga pujnuéngaisṍre yoque ome erámone jogonórone cucha. Enga yirajágo uje yocanguretigai iji Dupade u uje pésu enga yujnuéngo erámone adode gáyode.