Juan 1:12 - Dupade Uruode

¹² Mu uñane ore chimesẽre enga ore changureta. Jecute chinoningase ore enga ore chise dáringane Dupade abío.

Juan 1:12 Iomraidhean Croise

2 Samuel 7:24

Pangarádejná, bagaidi u nanique ujetiga o barasapísode iji israélgosode ore uyoque iji ducunirone unirisórone uñane ore ujade. Jé basa ga israélgosode uyoque, ga yoco Yocangarádejna Dupa iji ua to gatuaque."

Matéo 10:40

Enga Jesús chojningápome dacadigode rĩ: –Gosi ujetiga chimesẽre uaque enga imeserãi jé u yu to. Adi upo rĩ uje yimeserangórone ore imeserãi jé u yutocaisṍri Dupade to.

Matéo 12:21

Enga jé u uje jnanione iji punirone jnese a ore changureta uté jne.

Matéo 18:5

Jecute ore uje que ore suseque disabi suné gajnúone, cho jeta ore ijnorai jé u yu to.–

Juan 1:11

Uté gajneque erámi, unirisórone ore mu que ore chimesẽre nanique uje chise ore.

Juan 1:7

Dupade ajegaidi u ujetiga Juan uté chatata dírecaringuéi guẽrasṍri gosi ome ore ujetiga ore changureta.

Juan 11:52

Mu que gusu judíode ujetiga Jesús toi ome ore, mu jé upo ome erámone unirisórone ore jnese ujetiga ore chise dáringáringo Dupade abío. Enga a jogadi u ujetiga chamáta ore iji erámi údode jnese.

Juan 2:23

Uje Jesús déji Jerusalén iji judíode jnusinamánone dire uje i tu Páscua enga uásejna ore uje ore changureta. Ore chimo ipesútedatéode nanique gu ome úringai Dupade utocaite.

Juan 20:31

Mu Jesús ipesútedatéode udore uje déji darujna aoi udé, purusãracho gu ujetiga anguretáyo Jesús úringai Dupade utocaite Crísto. Enga ujetiga anguretáyopo úringai Dupade Ape rĩ. Yigaidi tu gu ujetiga pucuecaringué eyúgojmai déji uaque to ome uacanguretigai iji Jesucrísto.

Juan 3:18

Uté gosi ujetiga changureta Dupade ape ugurui enga a jé ca chimo dáringárique pujuya jne. Mu gosi ujetiga ca changureta enga e chimate ujetiga e chise dáringai pujuya. Chamáñaje que changureta Dupade ape ugurui gu.

Héchos 3:16

Uacarajáyopise jnani uté úringai noñaque diríca mu uje yĩ́care Jesús i que enga jĩrique etoque. Yocanguretarétigai ome Jesús u uje chiqueta jnani uté. Enga uacamóño jnese uje e etoque jnani noñai.

Romános 8:14

Adójnacho uje udore ore jnese uje ore juéga re ome dáringane Dupade Ujopié Espíritu Sánto ijocayaque, ga Dupade abode jé upúsu udore ore.

Romános 8:16

Enga yocúringane Dupade abío ipijogúsorone upúsu Dupade Ujopié Espíritu Sánto uaté, jé aja yocáyipie ajépisi uté. Uje Dupade Ujopié nejéru yocáyipiedie údode ga chingongara cuchade udojo aja yoque.

Romános 8:19

Dupade imaningone cucha ponáyo jnese ore jnatupúsu yui ujetiga Dupade uté chingongara dabode jnese aja erámi ga ore pijógome dáringane ingoningarã́cho jne.

Gálatas 3:26

Uacanguretigai tuté ome Jesucrísto u uje Dupade cho dabi iji uaque jnese.

Gálatas 4:6

Dupade que pota ujetiga potigayaquérique déji uaque ome uacáringane abío. Jecute chiroque dabi Ujopié Espíritu Sánto taja uacáyipiedie ujetiga oyo uacaji Dupade to. Chamáñaje Dupade abi Ujopié Espíritu Sánto u uje gajnei tu ujetiga chojningame Dupade: "Yai tu ua, Dupade á."

Colosénses 2:6

Yiraja uje uacasayo Yocangarádejnai Jesucrísto ome uacáyipiedie nanique. Jecute beyoi enga adotáyo uáguiji Crísto uté ejode to jne.

2 Pédro 1:4

Jecute Dupade chichaga cucha orerane, cuchadatéode ore aja yoque to. Enga Dupade ichagápiode udore pésu yoque enga e yoco Dupade. Jecute que qué pipotiguéode ome cucha gajnaréngone iji erámi udé suépo yoquibáyode rĩ.

1 Juan 3:1

¡­Yocai Dupade chijnorapise yoque, jõ! Jecute juéga ujetiga yoquíode u Dupade abode. Mu que cachi yoquío. E Dupade abipise yoque. Jecute erámone jogosórone que ore chiraja yocúringane Dupade abío. Chamáñaje que ore chiraja Yocai Dupade gu.

1 Juan 3:10

Jecute Dupade abode que piraque iji ayoréode. Satanás ajnangórone que ore piragápo rĩ. Uje gosi a ca chijnóra dojórique ayoré, enga que pésapo dátegoningárique rĩ, enga choquípisiji guesi uje Dupade que ape uté go.

1 Juan 3:2

Yijorane uaque á, e Dupade ape yoque iji deréjnane unojo, mu cáma yimóngo yocatígo jne ujetiga e yugúcoi gari iji gaté. Mu yirajágo uje Jesucrísto a diapo jne rĩ, enga a jé u jne ujetiga yocópise uté jnese jne. Uje a yimóngo uté jne enga yipáñangopísiji jne.

1 Juan 3:23

Uje Dupade iroquei tu ome yoque ujetiga yanguretágo Abi Jesucrísto enga yicoi uté ojningane cucha. Enga uté ojningai tu ujetiga yijnórango ñane.