Juan 1:11 - Dupade Uruode

¹¹ Uté gajneque erámi, unirisórone ore mu que ore chimesẽre nanique uje chise ore.

Juan 1:11 Iomraidhean Croise

Matéo 15:24

Enga jé u uje Jesús chojninga: –Yai Dupade iroque yu ujetiga yedu israélgosode ome yadode uje ore cho Yai gachidé áyasa bijnánguenie.–

Lúcas 19:14

Mu urasade uñéngo chetaguipise uté ome úringai eduguéjna iji daniri. Jecute jno mu ore chamáta ñane ome dáguedatéraque ga ore chajna ujetiga ore chijócãre iji daniri ga ore chojninga: "Que yipótago uté ujetiga yoco yoqueduguéjna iji, iji yocuniri udé."

Juan 1:10

Dupade angúromei u dáyipiedie pijogúsõri uté nanique uje pésu erámi iji taningai. Mu uje uté chise erámi enga que erámi unirisórone chiraja uje erámi ipesungóri u uté.

Juan 1:12

Mu uñane ore chimesẽre enga ore changureta. Jecute chinoningase ore enga ore chise dáringane Dupade abío.

Juan 19:27

Quigade enga Jesús catecã́ri dacadi enga chojninga: –O baté iji uaté jne.– Enga jec u uje Jesús acadi uté cho daté iji uaté enga uaté pusi uté iguíjnai.

Juan 3:32

Enga uté júdode u damone cucha iji gaté. Jé aja dadudigode cucha iji gaté rĩ. Mu que uñeque changureta atatagode cucha quigode.

Héchos 13:26

Yujode israélgose, Abraham gãrapiésorone, uaque uje uacoyo uacangarádejnai iji Dupade, yacajnaquéode gajnesórone upúsu uaque ujetiga anguretáyo Jesús enga eso uacáringane piquetaque to.

Héchos 13:46

Mu Páblo, Bernabé que ore todo ore go mu ore chajnai ore enga ore chojninga: –Dupade uruode gajnengórone urásu uaque bajaque uje judíode u uaque gu. Mu uaquetácho adode. Cho ujetiga ojnicho: "Dupade guerani pucuecaringué eyúgojma que gajnesórone u yoque go." Jecute a yico jne. Yicagóji purása quedéjnane ore uje que judío ore to, enga yacaco ore ome Dupade uruode.

Héchos 21:6

Udojo quigade ga yisago ñane pajéode aja ñane enga yacágoja cucoi. Enga jé u uje ore chajni aja daguíjnane.

Romános 15:8

Yipota jetiga yujnusiname uaque Crísto isocai uté uje cho judíode ore iróguiji re nanique, enga gaidi tu ujetiga ore pañapísiji Dupade úringai ũré uté. Uje Crísto di, enga Dupade ichagájade darúo ome judíode yocáqui ujnomerane e tocade ome dáringane ũréo.

Romános 9:1

Ome Páblo uyu ga cucha iménuone dépisi yáyipie gatuaque, ga a jé yatatame uaque iji de gajiné. Jé ũrepíso yatatagode ome uaque, enga yajnesṍri Crísto uté chiraja uje que taque yu. Enga yuruode udojo pijoguto upúsu Dupade Ujopié uaté to, jé aja yáyipie iji yajei, uje Dupade Ujopié uaté chijocase ga cho ũréji yuruode udojo to. Uje yáyuguhebátigadatéi ome yurasade israélgose ore chijõrorase yáyipie gatuaque, enga cho jetiga a jé ca eruénique cuse jne. Enga gose yurasade israélgoso ore isocai uté uje ore áyipiedie uajádei. Yujnusipísi ga a pisocárique dérasi ome uyu ga a yujuégarasa uyu ome yúringárique pujuya ome Dupade, jeta yisocai uté chiborátarásaja ore úringárique piquetaque jne erase. ¡A yẽrarása uyu ga pajuguque uyu iji Crísto gari jetiga yisocai uté chatarásaja yurasade, yujode judío ore!

Romános 9:5

Israélgosode ore jé upúsu uje ore dáqui ujnomerane u Abraham, Isaac, Jacob ore, uje Dupade ajegaite ore enga cho darása iji ore. Jé ũré uje israélgosode udore cho dãrapíode iji Abraham, Isaac, Jacob cásodicáite udore ore. Mu cuchadatei tu uje israélgosode ore ijnati Crísto, Dupade Júdebei Piquetangore uté, cho dãrapíode iji israélgosode ore nanique to iji ore quicujaidie, uje chinoningase re nanique ga base ome dáringai ayoré. Ga Crísto uté jé upúsu uje úringai Dupa sué cuchade jnese gáyode, ¡enga uté gajnéone picotaquéo que eruénique cusipise iji deréjnane jnese! Amén.

Gálatas 4:4

Mu uje chise Dupade ojningai dire ga Dupade chiroque dajnacari Jesús aja yoque. Mu cho ayorepísiji ga basíji chequé judía, ga jé judío u to nanique. Jecute dopísi Moisés urusarane cucha puyácho to.