Jonás 4:8 - Dupade Uruode

⁸ Mu uje guedé e idájai jnumi ga jé u uje guedé ojodie pioque erámi ome duchubie dugúgode iji gai. Mu quigade ga Dupade chiroque úyujna aja erámi uje tṍraji guedé garani yui ga pioguipise erámi ome Jonás uquécasé uje topísi duchubie dugúgode iji Jonás aserani gai ga jé u uje pioque Jonás gai to. Ga quigade ga jé u uje edodie cho jise ome erãpe dotáningai. Enga Jonás chojningame re: –Unere pitoringai yui ome yu uje que cucha yucuecaringuei ome yu gu.–

Jonás 4:8 Iomraidhean Croise

Génesis 41:6

Enga chimopo uñai rĩ uje ero chojmárapo aja gaté rĩ, enga ade cuse to iji gaté enga ubugode garapo iji ti to yijmanuñai rĩ, mu garósi ade iji ubugode enga ajñunie ajégueságue ujade.

1 Reyes 19:4

Jé basa ga Elı́as uté qué jnome daquei gaté ga chicáji erãpetarei uté ga chejna dire chojmarai ome dáringai urugu iji erãpetarei údode. Enga chisósi porataque nanique uje i tu retáma, ga chácariji porabia suaté uburúdabi. Ga Elı́as pota nanique jeta toi ¡paque! bisideque, uje cutame cucha dacadode gu. Ga ajei jochaquéode qui jé u ome Pangarádejnai, uje chojninga: –Pangarádejná, e gome yajnenie pujurei uje chise yu, ga be ga ajnime yucuecaringuei iji yu, ga yajna yáquiode ore to. Uje que yitiógara ujetiga yujnué ore gai ome yucuecaringuérique jeta umarejna iji erámi tudé.–

1 Reyes 21:4

Udojo quigade ga Acab uté chajnı́ja daguı́jna cuchábi, mu edodie chı́sajame ga ájningarángaja dajesui. Chetaque jezreélgosi Nabot uruode udore quigode gu, uje chojninga: –A jé ca yẽra yai bajade ore gajnepı́di jnupe ome ua.– Uje Acab uté chise daguı́jnai nanique, enga chijnare raja damochápi ga terẽtáji gai. Enga chorei dedodie iji quedéjnai, enga cusu rome chagúi to nanique rı̃.

Sálmos 121:6

Guedé iji diri a jé ca pésu baporitáringárique; jé aja guedoside iji dejai, uje a jé ca pésu baporitáringárique iji uté.

Sálmos 39:9

Yopise paraque, ga yajnui tu pijnate parigode, uje ua u uje bapesute cuchade udore gu.

Jonás 1:17

Uje cáma ore tṍra Jonás aja yote quedéjnai mu e Pangarádejnai Dupade chiroque oyite cuchátique aja cucoi dosadi ga dimane iji ome Jonás yui. Ga jé u uje ore tṍra Jonás aja yote quedéjnai ga oyite cuchábi doi ga jé u uje tagu ga chinire gai pórecajna. Mu que chigase ajnoquéode gotique. Enga gadioque dirode ome Jonás iji oyite cuchábi ajei nanique, ga gadiógapo dejade rĩ.

Jonás 1:4

Mu Dupade chimo Jonás nanique ga jé u uje chiroque guetṍrai aja Jonás ore iji yote quedéjnai ajei. Enga garósi ujetiga ore pi cuco cṍra ome ore.

Jonás 4:3

Jonás chojningápome Dupade rĩ: –Jecute be ga ajé yu jne uje que ejna betei casodé ore gu. Deroco yucuecaringuei ome yu uje que ejna ore gu.–

Jonás 4:9

Mu Dupade catecã́ri Jonás ga chojningame: –Yiraja bajei dotáningai gajnengóri uje duchubie dugúgode ore toji baserani gai ga íjnoque uburúdi. ¿Mu jé ca gajnareque ome ua ya bajei dotáningane udore ome yu?– Mu jnani bajai Jonás jĩraque chajnai Dupade uruode ga chojningame: –Jé ũrepise ua ome yu uje yajei dotãripise. Mu jé tiógara arĩa yajei dotáningai ome ua. Enga que toc jetiga yajéngome yajei dotáningai uté.–

Matéo 20:12

Jé u uje ore chojningame: "Guedé gatócoro chojmáraque uje ejode ucode ore doi baroquei to que. Mu yocajnenie jé cho ore gajnenie to. Uyoque u múñi uje yejnángo yoque aja guesi enga guedé ojodie chejna yoque iji diri jnese."

Apocalípsis 3:19

Uje yijnóra gosi enga jé u uje yaquĩ́ra uté gosi ome ate gajnaréngone. Mu ujetiga ca uté gosi tangári yu enga yo uté gosi ate. Jecute aguitóyo enga ecãcho uacáyipiedie quigode.

Apocalípsis 7:16

Jecute a e ca chaguhénique chejnapo ore jne rĩ. Enga a e ca ore cajnórapo iji jne rĩ. Enga a e ca ore chejnáreque guedé ojo dotárenie jne rĩ iji deréjnane jnese.

1 Samuel 3:18

Samuel chatata Dupade uru quiso jnese ome Elí, ga que pógu uñeque ome Elí gotique. Enga Elí chojninga: –Pangarádejnai Dupade upúsu bacatecãraisṍri que, ga jé areque jeta jé doi dasocáringome yu.–