Jonás 4:6 - Dupade Uruode

⁶ Mu chunina mu chimo duchúbiedie uje choru aserani ga duchúbiedie pésu gaserani úringai purute ga aréredatépise údi ome uburúdi. Enga Dupade u uje pésu iquéraningai ome uje gaidi u gu ujetiga tijode cho jnángome Jonás uté gu. Ga Jonás chajire daserani tiji dabai mu chimo orutodie duchubie dugúgode uje choru ga jé u uje irasiguipise re ome udore.

Jonás 4:6 Iomraidhean Croise

Ester 5:9

Enga judíode ore jmongarájasṍri uje i tu Amán doi guesi tiji Ester ore atigai jogadi ga nína re aja guesi yui ga chojningame re iji dajei: "Ester a cho cuchadatei iji yu to, uje cháta dabai, uyógaja ñane ome dabose unérone gatuaque." Ga doi guesi iji eduguéjnai iguíjnai mu chimo Mardoquéo iji daquei uje chácariji piagoi ejoi, mu timíninga aja dei bisideque. Ga que chichaga dagataidie aja jnumi iji iquei to. Ga ajei dotãripise ome Mardoquéo uté.

Provérbios 23:5

Bamo uje que cucha piquetangore pugúcha uásode gotique. Uje udore jé chopise chugúpẽredatéode uje aramanie cuse ga chó ga jĩraque jnome dajesúode, ga adi jé u ome cuchade iji erámi tudé jnese.

Jonás 1:17

Uje cáma ore tṍra Jonás aja yote quedéjnai mu e Pangarádejnai Dupade chiroque oyite cuchátique aja cucoi dosadi ga dimane iji ome Jonás yui. Ga jé u uje ore tṍra Jonás aja yote quedéjnai ga oyite cuchábi doi ga jé u uje tagu ga chinire gai pórecajna. Mu que chigase ajnoquéode gotique. Enga gadioque dirode ome Jonás iji oyite cuchábi ajei nanique, ga gadiógapo dejade rĩ.

Jonás 4:5

Ga Jonás doi guesi tiji ore idáidatéi ga jé u uje chicáji guedé garani yui ga chácariji uté. Mu ãre tagu uté iji charidi ga jé u uje e pésu gaserani ome re ga doi ga jé u uje chácarósiji daserani údi. Ga chácariji daserani údi ga edodie jé jogate ore idáidatéi uté. Ajéode u gu ujetiga chimo Dupade ujuyaquei aja jnumi ome udore ore.

Jonás 4:7

Ga Jonás moji daserani tuté údi iji dejai údode. Mu direjnipe ga jé u uje Dupade chiroque ujũri ga jé u uje ujũri tagu, tagu, tagu ga jé u uje e betája aca duchubie dugúgode iji gai casé.

Lúcas 10:20

Mu ca aninañoma uaque uje Satanás utocaidode todópisa uaque uje uacajnáño yujopié tome ore, mu anínaño uaque gu uje Dupade e churúsãre uaquéode iji gaté ga e dimáneo.–

1 Coríntios 7:30

Ujetiga bajogasúrique toi mu adotáyo uágome pujnusiétigade enga cho ujetiga ca pujnusiétigade sué uacabáyode. Ujetiga agúsiji ore ajñamítedatérique, mu ca ejna ua aja pininaquéode. Ujetiga be oré tome cuchárique, mu ca o bajnenguíji bagaidé oré tuaté.