Jonás 4:5 - Dupade Uruode

⁵ Ga Jonás doi guesi tiji ore idáidatéi ga jé u uje chicáji guedé garani yui ga chácariji uté. Mu ãre tagu uté iji charidi ga jé u uje e pésu gaserani ome re ga doi ga jé u uje chácarósiji daserani údi. Ga chácariji daserani údi ga edodie jé jogate ore idáidatéi uté. Ajéode u gu ujetiga chimo Dupade ujuyaquei aja jnumi ome udore ore.

Jonás 4:5 Iomraidhean Croise

1 Reyes 19:13

Uje Elı́as chudute cucha ajaramomı́nami suté, enga chiraja uje Pangarádejnai jé u. Enga jé u uje chaco dedodie gai ome daguidé umare uaté, ga quene doi guesi ga cháguena cucarã́tedó pijnanámi. Enga Elı́as chudute darade uje chojningame: –Elı́as, ¿ama bagaitı́guiji de a?–

1 Reyes 19:9

Uje Elı́as chise cucarani Horeb uté ga jé u uje chácariji cucarã́tedó iji dejai uté údode. Enga Pangarádejnai uruode chise Elı́as iji uté, uje chósi te: –Elı́as, ¿ama bagaitı́guiji de a?–

Jonás 1:5

Enga cucoi eduguéjnai irógode ore todópisa guetṍrai jnese ga jé u uje ore catecã́ri jórongui dangurenone dupa quedéjna. Quigade enga jé u uje ore doi cuchade ga ore tṍraja guesode iji yote quedéjnai ajei. Mu jé ate uje que cho jnaque guetṍrai gotique. Ga ore ajéode u jórogu ujetiga cho pujnúrique cucoi mu que cho jnaque gotique ome ore. Ga Jonás chicáji ajé uñeque iji ore údi uje cuchade jogate. Ga Jonás e mopise iji cuchade jogadi uté.

Jonás 4:4

Mu Pangarádejnai chojningame Jonás: –¿Ja ueradírase baruode udore a? Gajnareque baru quigode gu uje tṍraji bajei dotáningai.–

Jonás 4:6

Mu chunina mu chimo duchúbiedie uje choru aserani ga duchúbiedie pésu gaserani úringai purute ga aréredatépise údi ome uburúdi. Enga Dupade u uje pésu iquéraningai ome uje gaidi u gu ujetiga tijode cho jnángome Jonás uté gu. Ga Jonás chajire daserani tiji dabai mu chimo orutodie duchubie dugúgode uje choru ga jé u uje irasiguipise re ome udore.