Jonás 4:3 - Dupade Uruode

³ Jonás chojningápome Dupade rĩ: –Jecute be ga ajé yu jne uje que ejna betei casodé ore gu. Deroco yucuecaringuei ome yu uje que ejna ore gu.–

Jonás 4:3 Iomraidhean Croise

1 Reyes 19:4

Jé basa ga Elı́as uté qué jnome daquei gaté ga chicáji erãpetarei uté ga chejna dire chojmarai ome dáringai urugu iji erãpetarei údode. Enga chisósi porataque nanique uje i tu retáma, ga chácariji porabia suaté uburúdabi. Ga Elı́as pota nanique jeta toi ¡paque! bisideque, uje cutame cucha dacadode gu. Ga ajei jochaquéode qui jé u ome Pangarádejnai, uje chojninga: –Pangarádejná, e gome yajnenie pujurei uje chise yu, ga be ga ajnime yucuecaringuei iji yu, ga yajna yáquiode ore to. Uje que yitiógara ujetiga yujnué ore gai ome yucuecaringuérique jeta umarejna iji erámi tudé.–

Jonás 4:4

Mu Pangarádejnai chojningame Jonás: –¿Ja ueradírase baruode udore a? Gajnareque baru quigode gu uje tṍraji bajei dotáningai.–

Jonás 4:8

Mu uje guedé e idájai jnumi ga jé u uje guedé ojodie pioque erámi ome duchubie dugúgode iji gai. Mu quigade ga Dupade chiroque úyujna aja erámi uje tṍraji guedé garani yui ga pioguipise erámi ome Jonás uquécasé uje topísi duchubie dugúgode iji Jonás aserani gai ga jé u uje pioque Jonás gai to. Ga quigade ga jé u uje edodie cho jise ome erãpe dotáningai. Enga Jonás chojningame re: –Unere pitoringai yui ome yu uje que cucha yucuecaringuei ome yu gu.–

Números 11:15

Mu jeta jé ca asi ome yátajasónique ome yu ga gusu yu ome ore enga be ga ajé yu to. Ujeta jé ũré enga ajnóra yu ga ajé yu ga pujuredie eruei tu ome yu jne.–

Números 20:3

Ga ore chojninga: –¡A ueradéjnapise ome yoque jeta Yocangarádejnai chatarása yógaja dejna casodica yocurása ore to ica. Uje gajnareque uje a quene yitogóji de jne ome yocuyádode!

1 Coríntios 9:15

Jecute yajnei tu to ujetiga pisi yu. Mu que yutai uñeque gotique ujetiga chisi dẽratígo cucha ome yu. Enga que yurúsãre ome uaque gu ujetiga asíyo yu iji uaquẽratígo cucha. Jé tiógara ujetiga yirasique yu. Chamáñaje yijmainie imaningone u yibosode uje yiji Pujnomé Ueradi ome Crísto údi. Enga que yipotapísa gotique ujetiga uñeque doi enga chojninga: "Cachi Páblo gaidi u yoqueranone cucha arĩ́e uje chatata Dupade uruode ome yoque." Ujetiga jé ũrérase ore uruode udore enga a yipotárasa pitoringai.