Jonás 4:2 - Dupade Uruode

² Ga jé u uje Jonás catecã́ri Dupade enga chósi tome: –¡Urénga, Pangarádejná Dupade á! Uje batṍri yu ome nínivegosode iji yidaipísi diríca ga e yiraja uje jĩraque bosongaquei déji ome ayoréode. Yiraja to uje que jĩraque bajei dotãre ome ayoréode ore uyoque. Uje bango bajuyaquédatéi úringárique pejnangore ome ore mu bajnoraquédatéi e dépoji ore rĩ ome udore ore uje jecucha bajnorapise ayoréode uyoque jnese gu. Mu bejnárase ore, mu ore cha dadode enga e bajnorápo ore rĩ uje ore doi báyipiedie gu. Jecute que yiji baruode quigode diríca, enga jé u uje yicárasi pidáidaté uñai uje i tu Társis, uje yajéode u jetiga yipógu yu ome ua gu. Deroco yui ome yu gu jeta yingome nínivegosode ore úringárique pujuya ome ore, mu quigade enga baqueta ore enga yuruode ca tocade ome ore jne.–

Jonás 4:2 Iomraidhean Croise

1 Reyes 19:4

Jé basa ga Elı́as uté qué jnome daquei gaté ga chicáji erãpetarei uté ga chejna dire chojmarai ome dáringai urugu iji erãpetarei údode. Enga chisósi porataque nanique uje i tu retáma, ga chácariji porabia suaté uburúdabi. Ga Elı́as pota nanique jeta toi ¡paque! bisideque, uje cutame cucha dacadode gu. Ga ajei jochaquéode qui jé u ome Pangarádejnai, uje chojninga: –Pangarádejná, e gome yajnenie pujurei uje chise yu, ga be ga ajnime yucuecaringuei iji yu, ga yajna yáquiode ore to. Uje que yitiógara ujetiga yujnué ore gai ome yucuecaringuérique jeta umarejna iji erámi tudé.–

Sálmos 103:8

Pangarádejnai pañerasõre paráguejna uté. Osongáca uté ga que jĩraque cho júruru gotique uje pijnoraquei irágu gu.

Sálmos 145:8

Pangarádejnai paraque ga osõrataque, ga que jĩraque cho júruru gotique, enga uté úringai ijnorataque cuchape que ajéninga re gotique.

Sálmos 78:38

Mu osõrataque cuchape uté, ga uté chĩro ore isijnaringuéone iji ore, jé aja uje que chejna ore. Ga ga jiei uje ore chijnime uté ájningai, mu uté chicha dájningai aja ti yui, ga que chejna re aja guesi ome dáringai tagu dejo.

Sálmos 86:15

Mu ua, Pangarádejná, ua u Dupa osõrataque paráguejnai uté. Que jĩraque o júruru gotique, enga pijnoraquei irágu ua, jé aja basoca uréone udore ore.

Sálmos 86:5

Pangarádejná, paraque ua, ga ua u uje e dimane ua ome pisijnaringuéone úringáringo pĩrocho. Ga bejna bajnoraquei aja udore ore jnese uje ore chutṍri ua ome re.

Sálmos 90:13

Urénga, Pangarádejná, be ga ãriápo rĩ. ¿Ga cho rique díningo iji yui? ¡Be ga osõre barógode uyoque!

Éxodo 32:14

Enga uje Moisés chisíome Dupade uru cásodicáite ome uje chingo Abraham ore nanique, ga jé u uje Dupade cha dáyipiedie udire ga chojningame re: 'A jé ca yejnápise israélgosode ore jne.'

Jonás 1:3

Mu Jonás que pota Dupade iroquei gotique. Mu jno ga gaidi tu jeta pógu re ome Dupade. Ga Jonás chicai cucode batigábei uje i tu Jope ga chimo cucórique iji uté uje qué idógosi ujetiga chicáji ore idai uñai uje i tu Társis. Ga catecã́ri cucode gajnesórone ome dabírique cuco ujeta doi oré tome ga chicáji ore idáidaté uñai uje i tu Társis. Ga chise dabírique cuco ga jé u uje jno.

Jonás 3:10

Uje Dupade chimo ore iji denominone iquei, enga chiraja uje e ore cha date gajnaréngone, date bajade ore. Enga jé u uje Dupade chécãre dáyipie quigode ome nínivegosode uje chimo ore isocade udojo. Jecute chojningame re: "A ca yejna ore jne. Chamáñaje yimo ore gu uje ore cha dadode ga que toque ujetiga yiji yuruode quigode ome ore."

Lúcas 10:29

Mu qué Moisés urusarane atatasṍri uté chajo raja Jesús ujetiga qué botárapo rĩ. Ga chojningame Jesús: –¿Jé gosírase a jeta yujuse guio a?–