Jonás 4:1 - Dupade Uruode

¹ Mu Jonás chudute Dupade uruode uje a ca chejna nínivegosode ga jé u uje Jonás chetaque Dupade áyipiedie ome ore. Uté ajegaidi tu gu jeta Dupade chejna jóroque nínivegosode ome ajéode.

Jonás 4:1 Iomraidhean Croise

Jonás 4:4

Mu Pangarádejnai chojningame Jonás: –¿Ja ueradírase baruode udore a? Gajnareque baru quigode gu uje tṍraji bajei dotáningai.–

Jonás 4:9

Mu Dupade catecã́ri Jonás ga chojningame: –Yiraja bajei dotáningai gajnengóri uje duchubie dugúgode ore toji baserani gai ga íjnoque uburúdi. ¿Mu jé ca gajnareque ome ua ya bajei dotáningane udore ome yu?– Mu jnani bajai Jonás jĩraque chajnai Dupade uruode ga chojningame: –Jé ũrepise ua ome yu uje yajei dotãripise. Mu jé tiógara arĩa yajei dotáningai ome ua. Enga que toc jetiga yajéngome yajei dotáningai uté.–

Matéo 20:15

¿Ma ca araja to a uje yiplátai enga jé tiógara uje yiji yajéode ome? ¿Jeoga aratáyime yúringai caniraque ome yu?"–

Lúcas 15:28

Mu jnacare doi jõrai ájningaránguipíse ome ore. Ga que potapísa ujetiga chacája ore gari to iji ore ajñamini. Mu dayé doi guesi ujetiga tibágui ujetiga chingome to ujetiga cháta raja ore to iji ore ajñamini.

Lúcas 7:39

Mu fariséo uté uje inejéramáite Jesús que, chojningame re iji dajei: "Ísega ca Dupade uruode atatasórone jõra uté jõ. Uje que chimo chequé uaté ipesute gajnaréngone. Ujetiga chiraja enga a ca juégarása ujetiga pijocayaque ome uaté. Ga a chijócãrirase uaté iji dejode."

Héchos 13:46

Mu Páblo, Bernabé que ore todo ore go mu ore chajnai ore enga ore chojninga: –Dupade uruode gajnengórone urásu uaque bajaque uje judíode u uaque gu. Mu uaquetácho adode. Cho ujetiga ojnicho: "Dupade guerani pucuecaringué eyúgojma que gajnesórone u yoque go." Jecute a yico jne. Yicagóji purása quedéjnane ore uje que judío ore to, enga yacaco ore ome Dupade uruode.