Jonás 2:9 - Dupade Uruode

⁹ Mu uyu ga a yicota ua jne ome bátegoningádatéode ome yu, ga a yẽrája ua jne ome bátegoningáne. Ga que cachi yurúo ga a yijípisi yojningane cucha jnese ome ua iji deréjnane jnese. Pangarádejná, Dupade á, cucha pirotangóri tu ua ga gusu ua uje baqueta uyoque ome cucha pirosobádode."

Jonás 2:9 Iomraidhean Croise

Génesis 35:3

Enga amácho uaque jne enga yico jne enga yicagóji yipesudi casica gaserãte jogadi Betel jne. Yigaidi tu gu ujetiga yipésapo yaserãte gatérique jne rĩ iji uté jogadi ome Dupade. Chamáñaje Dupade chiqueta yu iji yajnenie pujuré jmainie nanique gu, enga nonapísa yu aja yajesúode erámio údode jnese.–

2 Samuel 15:7

Enga siqueredie e gagájni ome Absalón isocade udojo úringane pipesucho. Mu iji dirode uñai ga tibágui eduguéjna cuchábi jeta catecã́ri ga jno ga chicáji ore idai Hebrón. Ga chojningame: –Uje qué yugúsiji síriagosode ore idai Gesur ica ga yicatecã́ri Pangarádejnai Dupade iji uté. Ga yósi tome yicatecãraitigade ica: "Dupade á, ujetiga ajuéga yu ome Jerusalén jeta yajniapója to rĩ, ga a yicáji Hebrón jne enga a yẽrája ua jne iji uté." Jecute ajuéga ga a yipésu yojningane udojo jne iji Hebrón. Uje Pangarádejnai Dupade chatirépo yu aja uaquedai udé rĩ, mu cáma yi yojninga casodé cucha ome uté.–

Sálmos 107:22

Ẽcho uaquẽrapáitigo cucha ome Pangarádejnai uté uje uacasíyo uté gai ome udore. Ajúyo uacaninaquei uté ome uté imaningone cucha.

Sálmos 27:1

Dírecaringuéi u Pangarádejnai ome yu, ga yiquetasṍri u uté. ¿Ama gosi urásu ujetiga yitodo? Pangarádejnai u yucuecaringuei gãrésõri. ¿Ama uñeque dorási ga chṹra pisadodéringárique aja uyu a?

Sálmos 3:8

Pangarádejná, gusu ua uje baraja bajmapié ome yocúringáringo piquetacho. ¡Be ga acacãre barasade ore uyoque iji yocuniri udé údode ome baru ueradode!

Sálmos 50:14

Ẽcho uaquẽrapáitigo cucha ome Dupade ujetiga acãcho gai ome udore, enga ca amócho beyoi uacojningáringo cucha quigode uje uacachachója Pujnuéngaisṍripísi uté jeta gajneque ome uaque.

Sálmos 50:23

Gosi uje tẽra dẽrapáitigo cucha ome yu ujetiga chacãre yibai ome udore, ga uté u uje chosi yu iji gaté. Ga gosi uje chusípise dajmapiedie guio ga a uté u jne ujetiga yingongara Dupade úringai Piquetasõre aja uté.–

Sálmos 68:20

Yocangureni Dupade uté u Dupa Piramesṍri. A pitoringai juseque gosi, mu gose Pangarádejnai Dupade uté, uje cuchade udore jnese déji uté jmainie.

Sálmos 95:2

Beyoi, ga yacágoja uté charidi iji edominone iquei jeta yacãco uté gai, ga yibicoi uté ome yoquininaquédatéode uje yiraco Sálmonie ome uté.

Juan 4:22

Mu samáriagosode uaque uacabeyoi uacajmapiedie ome Dupade mu que arajáyo uruode quigode jnese. Jé basa ga judíode uyoque yirajágo Dupade uruode jnese. Jecute yirajágo uje yoquiquetangóri garani u judíode uyoque.

Héchos 4:12

Enga que piquetangore uñeque cuse. Gusu uté. Uje Dupade ojningai chojmára iji erámi unirisórone jnese ujetiga chiqueta ore. Enga Jesús uté u.–

Romános 12:1

E uacamóño Dupade icaniratiguédatéi ome uaque, yujode Jesús anguresõre uaque á, jecute yijócha uacajéode údi ujetiga beyoi ga asíñome uacáringane ayoré jnese ome Dupade jeta uté doi dajéode ome uaque iji uacacuecaringuei udé. Enga gajnui u ujetiga cucha pẽrapaite uecai uágome Dupade uje que uacayoguérique cuse ome uté. Pisocai uté jé u gu uje ujñapetai tu ome Dupade. ¡Jecute jé tiógara jetiga beyoi uacasocai uté ome uté úringárique pisígai!

Hebréos 13:15

Jecute omi tu ujetiga yicotágo Dupade gatuaque enga Jesucrísto jno yoquicotaquéode udore údi aja gaté. Chamáñaje yocajnei tu gu ujetiga yẽcója Dupade ome yoquicotaquéode unojo. Jecute yico gojni enga yisígo Dupade gai ome yoquibijnanone.

Apocalípsis 7:10

Enga ore pijnacarachi enga ore chojninga: Yoquiquetangóri u Dupade uje chácariji dayaripi cuchábi gai. Chamáñaje Abi toi ome yoque gu enga gajnua tu áyasa pẽrapáideraque ome yoque.

1 Samuel 12:21

Ga jé ca beyopoi dupa guichayade ore isocade to rĩ, uje que ore bisitique pijoque gotique gu. Enga que toc jeta ore cháta cuchárigaja uaque, ga que toc jeta ore chijnime uáguiji uacajnuéngaisónique cucha jmainie. Uje que dupa ore gotique, ga que ore ujñapeque gotique ome cuchade.