Jonás 2:7 - Dupade Uruode

⁷ E yapu yu ga quene yáyipie doi ua ome yu, Pangaradejná, Dupade á. Uje yicatecã́ri ua iji uté, mu cho ujetiga yuruode tibágui ua iji baguíjna cuchape iyiejájnai.

Jonás 2:7 Iomraidhean Croise

Sálmos 11:4

Pangarádejnai uté déji daguíjna puyai iji dedáidatéi iji gaté. Pangarádejnai uté charipi ueradéjnai jogadi tu gatajnoquei. Ga toji erámi údode gai iji dajogadi uté, uje uté edodie chajmita ayoré chojmara, chojmarane ore adode.

Sálmos 142:3

Uje cuchade chácariji yáyipie údode uje nája jnumi ome úringa áyuguhebaté, mu baraja udore iji yiripie quigode. Udore ore chacose dajuya iji yúguhi iji yiquei.

Sálmos 143:5

Yujnusinamánone u deréjnane udore uje déji yoquiquiga cásodicáite. Yáyipie que chirame bate ueradode udore ore jnese uje bapésu udore. Yajmita bamaningone udore cucha ome bajmainie.

Sálmos 18:6

Uje yácariji paguté joradie ajei enga yibidi Pangarádejnai; yinguíra yibijnanone aja Yudupade uté: enga uté chudute yibijnane iji daguíjna cuchábi ajei. Yibijnacaraidie chise uté iquei, ga e chacája uté angoninguinone.

Sálmos 20:7

Uñane changureta dachidode guebéquedatéo ome re. Jé basa ga uñane ore changureta dachidode burica ibisócho. Mu ome uyoque ga yichago yocanguretigai aja Pangarádejnai, Yocangureni Dupade uté i.

Sálmos 22:14

Yajnui tu yotique uje pojnéngaja erámi. Enga cho jeta pijnimei yosocoroidie iji jogadode. Ga yiyobié gajnua tu dirijne ome dáringa dajachugué, uje mararataringuei chuságaja yipocáyadie udire ujade jnese.

Sálmos 27:13

Mu yanguretapise yui jeta yimo Pangarádejnai uté átegoningáne ome yu iji uecade ore jogadi udé erãpe.

Sálmos 42:11

Yáyipie á, ¿Chimo jóroque re uje cuchade na ua aja jnumi? ¿Cuchárique u gu a uje áyuguhebaté ua? Angureta Dupade uté yui ome ua. Uje a jé yejna yu aja ujetiga yicota uté. ¡Uje Yiquetasṍri u uté, ga Yangureni Dupa upo uté rĩ!

Sálmos 42:5

Yáyipie á, ¿Chimo jóroque re uje cuchade na ua aja jnumi? ¿Cuchárique u gu a uje áyuguhebaté ua? Angureta Dupade uté yui ome ua. Uje a jé yejna yu aja ujetiga yicota uté. ¡Uje Yiquetasṍri u uté, ga Yangureni Dupa upo uté rĩ!

Sálmos 43:5

Yáyipie á, ¿Chimo jóroque re uje cuchade na ua aja jnumi? ¿Cuchárique u gu a uje áyuguhebaté ua? Angureta Dupade uté yui ome ua. Uje a jé yejna yu aja ujetiga yicota uté. ¡Uje Yiquetasṍri u uté, ga Yangureni Dupa upo uté rĩ!

Sálmos 65:4

Pininaquei gajnesṍri tu gosi uje bajegaite uté, ga bacha uté aja barosadi jeta cho dajogadi iji bejoi uté iji baguíjna cuchábi dosadode gatuaque. A yũrúangoji cucha uerate dipeséode udore jnese iji baguíjnai uté, uje baguíjna cuchape pirosobádi u uté.

Jonás 2:4

Uje e yugúsiji tié cuchabé ajedatei gatócoro ga jé u uje yojningame yu: ¡Yangureni Dupade a e noñome yu iji te jmete jõ! A jé ca yimópo Dupade iguíjna cucha iyiejájnai rĩ ome yedominone. Chamáñaje Dupade e tṍra yu gu.

Hebréos 12:3

Jecute jé ca uacáyipieraque jnoji Jesús úringai pumajódaté nanique ome jnani sijnángone ore. Aracho uté enga ca oyo caru iji uacanguretigade ome Dupade. Enga ca arañíñopóme uacáringane ducañerájma rĩ.

1 Samuel 30:6

Ga David jorane ore pojna uté uje jno ore údi aja pocaningai diríca, ga que pirodé ore acotedie, jé aja ore abode, abidie ore gotique. Ga ore pota chui ome David ga ore chisarase cucaranenie ome David jeta ore chujé. Mu David áyuguhebátaguipíse marínga, áyipie déji dangureni Dupade, enga Pangarádejnai chisíome petotiguei ome uté iji dáyuguhebátigade jmainie.