Jonás 2:6 - Dupade Uruode

⁶ Yuniname eti mu igojnane e jno yúdi aja yodi údipísi. Ga yojningame yu: Cho jetiga pujurúgai yu iji yodi údipísi udé ga a ca yijiápo guetique rĩ ome yúringai pórecajna. Mu Pangarádejná, Yudupá, ua u uje bajnime yu iji yajnei tuté pitoringa ajei.

Jonás 2:6 Iomraidhean Croise

Sálmos 104:6

Baco jnumi gai ome yote quedéjna ajé cuchábode udore, ga jnumi uté cho daguite cucha piguidíji yodi uté; ga yodi uté chaco cucarãte yoricode gáyode to.

Sálmos 104:8

Ga yodi uté tṍraji cucaranone ójodie ga chayója yopídode iji tuijnane udore jé aja dajogadode, uje bẽrate yodode udore jogadi ome ore gu.

Sálmos 116:3

Pitoringai chigaru yu ome denuéjnai. Yṍra yu ome ducode uje chague yibai; ga yibasája yúringai sadodé jé aja páyuguhebátigai ipatigayaque.

Sálmos 143:7

¡Aquejname yutaquéode udojo yui, Pangarádejná! ¡Cucha dacadode na yáyipie aja jnumi! Jé ca apógu bedodie ome yu, u gu jeta jé ca yo udore ore uje ore basája togode ore gajnei eruque.

Sálmos 16:10

U gu uje a jé ca ajíome yáyipie iji jnaropié jne, enga a ca ajuéga to ujetiga batocaite puyai uté arione tarata aja jnumi jne.

Sálmos 18:5

Jnaropié uaté jé isoca to uje chijna enuéjnai ome yu jeta chigaru yu aja ñane. Pitoringai ujuya imotodie chiramísara yiquei.

Sálmos 30:3

Urénga, Pangarádejná, bajnime yáyipie iji jnaropié uaté, ga basíome yucuecaringuei ome yu ujetiga jé ca yibasája togode ore gajnei eruque ajei.

Sálmos 30:9

"¿Ama cucha pagutíyabátique tṍrarásiji yúringai toque, jeta yibasája togode ore gajnei eruque ajei a? ¿Jnumi urui chicotárase ua ya? ¿Jeoga tujua báringai ũrepise jne?

Sálmos 55:23

Urénga, Dupade á, ua u jne jeta apésu ga ate gajnaréngone udore ore basája dajnei eruque chaquipie ¡tínip! Uje ayoré yusṍreméone, urupatáquechoquíode udore ore a ore toi ¡paque! jne iji dacuecaringuei uté gatócoro yui. Mu uyu ga yangureta ua ome yu gatuaque.

Sálmos 65:6

Ome báringai ujopíerãque cuchape ga bapésu cucarã́tedatéode jeta cho paráguiji gatéode. Uje bagaru petotiguei uté aja ua.

Sálmos 69:2

Idája yu iji guesi, uje pacataringuéone iji yote quedéjnai údi chisa yu ga que jogatique déji jeta yidota yirídade aja uté. Ga e yugúsi yodi ajedatei uté ga igojnane chacópise yibai iji údi.

Matéo 16:18

Simón á, bei uñai u Pédro. Uje bei qui tu cucarané. Mu barecujaidie, uje baraja yúringai Dupade ape, gajnua u cucarané cucháberaque rĩ uje guiguíjnane ipesungórone ore pésu guiguíjnane iji gáyode. Enga ore jnese ujetiga ore chirate barecujaidie udire to enga a ore u jne ujetiga yo yi-iglésia iji ore. Enga Satanás, uje gajmaque ayoréode ore ome pitoringai, a pota chinoningase yi-iglésia jne, mu a ca toque jne ujetiga chinoningase ore.–

Deuteronómio 32:22

Uje gosi ijnimique yájningai enga quene chiraja uje cuchadaté yájningai to. Ga gajnúrique u pióquedatérique to uje tagu dajesui erãpe enga tagu jnumi urui aja dajesui to iji daróbuchatíque to, enga que cuchárique chapídiji iquénique to.