Jonás 2:2 - Dupade Uruode

² Ga chósi tome dacatecãraitigade udore nanique: "Enga e yapu yu iji oyite cuchábi ajei enga jé u uje quene yijócha bajei údi ome yu, Pangarádejná. Enga jĩraque bangári yu, enga babé yuruode. Cho ujetiga yugúsiji jnaropié ajei mu bajnimápo yu iji jnaropié ajei rĩ. Yicatecã́ri ua gu ga bangári yicatecãraitigade ga bajnime yu iji jnaropié ajei.

Jonás 2:2 Iomraidhean Croise

Sálmos 116:3

Pitoringai chigaru yu ome denuéjnai. Yṍra yu ome ducode uje chague yibai; ga yibasája yúringai sadodé jé aja páyuguhebátigai ipatigayaque.

Sálmos 120:1

Ujetiga cuchárique na yu aja jnumi, ga yutai Pangarádejnai uté jeta chajnai yu, ga yojninga:

Sálmos 16:10

U gu uje a jé ca ajíome yáyipie iji jnaropié jne, enga a ca ajuéga to ujetiga batocaite puyai uté arione tarata aja jnumi jne.

Sálmos 22:24

U gu uje uté érãtique chujna dequejnaréngone ipatigayai uté áyuguhebátiga gajnéone cucha udore, jé aja uje que chetaque uté. Ga que pógu denochai ome uté to. Uje chudute uté agoyedie, ga jé u uje tangári uté gosi.

Sálmos 34:6

Jnani jmatai udé uje chácari te ¡paque! ga tibidi Pangarádejnai, enga uté chudute uté pijnane; ga chiqueta uté ome dajnéone cucha dacate gajnarécho udore jnese.

Sálmos 4:1

Ujeta yibidi ua ga, be ga achajnai yu, Yudupa Ũrepísi á. Uje cuchárique chácariji yúdode diríca marínga, jecucha basiapome yitijínaquéi ome yu rĩ. Mu be ga osõre yu ga angári yicatecãraitigade udojo ome ua.

Sálmos 61:2

Iji jnup eruéode udore yibidi ua uje yáyipie que tiógara dáyuguhebátiga gajnéone cucha. Be ga orei yu iji cucarãte choquírique ójoraque uje querúpise uté ome yu.

Sálmos 65:2

Picatecãraitigade Angarásõri á, ayoré ponáyone jnese a ore tibágui ua jne.

Sálmos 86:13

Uje cuchadaté bosõraquei ome yu. Enga bajnime yucuecaringuei uté iji jnaropié gatérique uje idájai guesi.

Matéo 12:40

¿Ajnusináño jnani bajai Jonás a? uje guejnane dire gadioque, dejade gadiógapo rĩ iji oyite cuchábi ajei. Uje a jé isocai u jne ome Dupade utocaidi uyu uje a yejnatígo dire gadioque jne, dejátigo a gadiógapo jne rĩ iji yitoringai iji jnumi údi.–

Lúcas 22:44

Mu Jesús chopise dáyugu cuchade udore uje a tocade ome jne. Jecute jnusi rome dacatecãraitigade. Ga chejnápise daguesi ome dacatecãraitigade ga gajnetui yore gai ome dacatecãraitigade. Mu gajnetui tuté ayedie gajnunie u diquiyojnáraque ujetiga basája jnumi.

Héchos 2:27

Chamáñaje a ca ajuéga jne jeta yáyipie cháji jnaropié. Jé cho uje a ca ajuéga to jeta baroque bajnorai uyu yarione tarata jne.

Hebréos 5:7

Uje Crísto qué déji erámone unojo nanique enga jecucha catecã́ri Dupade enga chutai cuchade iji. Uje catecã́ri Dupade iji uñane enga chejnapúsu daruode enga educadode cusapo icaite rĩ iji uñane. Chiraja uje a Dupade ajéraso enga ca torási gu. Jecute Dupade pañapísiji uje angoninguite guesaque Crísto nanique, enga jecute tangári icatecãraitigade nanique.

1 Samuel 1:16

Mu jé ca opo chequé sijnangue iji yu jne rĩ iji de. Bamo uje jé igasique yu iji de mu qué yutṍri Dupade gu uje érãtique yiraja yisocáringome yu.–

1 Samuel 30:6

Ga David jorane ore pojna uté uje jno ore údi aja pocaningai diríca, ga que pirodé ore acotedie, jé aja ore abode, abidie ore gotique. Ga ore pota chui ome David ga ore chisarase cucaranenie ome David jeta ore chujé. Mu David áyuguhebátaguipíse marínga, áyipie déji dangureni Dupade, enga Pangarádejnai chisíome petotiguei ome uté iji dáyuguhebátigade jmainie.