Jonás 1:4 - Dupade Uruode

⁴ Mu Dupade chimo Jonás nanique ga jé u uje chiroque guetṍrai aja Jonás ore iji yote quedéjnai ajei. Enga garósi ujetiga ore pi cuco cṍra ome ore.

Jonás 1:4 Iomraidhean Croise

Sálmos 135:6

Pangarádejnai uté ipesudode u dapotigátique cucha iji gaté, jnumi ore jnese, jeoga yote quedéjnai u, jeoga yodi uté údi jogonórone cucha u, uje jé gaite dáyipie quigode ome cuchade gu.

Sálmos 135:7

Uté u uje pésu gué abujadie ga chicáji gaté uje tṍraji jnumi eruéode, ga uté chiroque ajnorápiedie, guéode ore aja erámi, ga chijnime emi uté iji dajogapíode depósito udore.

Sálmos 148:8

¡Ga ajnorápiedie u to, jé aja ebe cuchábedie, ebe basuguedie, jé aja jese basui; jé aja eme cuchábode udore uje ore tangári uté uru quigode!

Éxodo 10:13

Moisés chanire dajmainie aja gaté iji egíptogosode uniri ga Pangarádejnai Dupade jĩraque chiroque eme cuchábi aja egíptogosode uniri tuté údode jnese. Eme cuchábi tṍraji guedé garani ome ore, ga chubúchu ore uniri uté iji jnumi iji diri tuté údode, jé aja dejai údode to. Uje e dire ga ore chajire dejode mu chuguyúgudie udire e diji ore uje eme cuchábi tuté chijnóngaja ore uniri.

Éxodo 10:19

Ga Dupade chécãrapo emi garani to rĩ ga tṍraji guedé cacadi ome ore ga chijócãre chuguyúgu casidé iji ore uniri uje Egípto u ga tṍra chuguyúgu dipesé casidé aja yote quedéjnai uje i tu Yote Quedéjna Caratai. Que chuguyúgu chojmarátaque désiji Egípto to nanique uje emi chubúchu udire aja dajesui gu.

Éxodo 14:21

Uje Moisés chujé dogué taja yote quedéjnai jochai gai ga jé u uje Dupade chiroque emi aja uje tṍraji guedé garani ga chubúchu yote quedéjna cuchábi uté ¡pu, pu! ga jĩraque chajuque re iji ubuchupídi. Ga Dupade u uje ipesute jnumi úringai cajnore iji Israel ájnape disi ejode udore ore iquei. Ga gaidi u jeta ore chicáji uéchamitó.

Éxodo 15:10

Mu uje babúchapo yote quedéjna cuchábi diríca rĩ, ga yote quedéjna cuchábi uté chinire yocumajosórone ore gai ¡tiroque! nanique, ga que qué pimópo udore ore gotique rĩ. Ga cho jetiga cucha iménujna ore iji yodi jmainie nanique ga jĩraque yodi chijna ore aja jnumi, ga que uñeque chapídome ua gotique diríca.

Números 11:31

Mu chise dire uñai to nanique enga Yocangarádejnai pésu úyujna nanique ga tṍraji yote quedéjnai to ga chirógaja Moisés urasade ore. Enga usereréjnapise ga cho júruru. Ga úyujna di iji ore ga chijnoque jiriri dipeséjnanie aja ore, enga ore chajire ga judúguejna aja ore yui to. Enga jiriridíe déji úyujna ga base ore gai ga jiépisi ore. Enga irágupúsu ore apáringai ejode. Enga irágu ore ejode mu que gusu ore ejode, mu irágu ore idai ejode iji datã to. Ujetiga uñeque jnorásiji ore irengúi tuté nanique ga diguirásiji jnumone iji diri tuté údode, mu a basirásiji dejai tuté mu a qué chimórase jiriridíe iji dejode. Enga basuguedie iji ore ejode chise métro chojmarai iji ore idai ejode udore jnese.