Jonás 1:3 - Dupade Uruode

³ Mu Jonás que pota Dupade iroquei gotique. Mu jno ga gaidi tu jeta pógu re ome Dupade. Ga Jonás chicai cucode batigábei uje i tu Jope ga chimo cucórique iji uté uje qué idógosi ujetiga chicáji ore idai uñai uje i tu Társis. Ga catecã́ri cucode gajnesórone ome dabírique cuco ujeta doi oré tome ga chicáji ore idáidaté uñai uje i tu Társis. Ga chise dabírique cuco ga jé u uje jno.

Jonás 1:3 Iomraidhean Croise

Génesis 3:8

Uje guedé e chaca enga emi e di ga jnani, chequé ore chudute Pangarádejnai Dupade guichai uje chicáji ore yui. Mu ore todo ga ore chayome enga ore pógu re iji poridie uéchade ujetiga ca Dupade chimo ore.

Génesis 4:16

Enga jé u uje Caín jnoji pijogadi tuté nanique uje Dupade, Caín ore catecã́ri ñane iji, enga Dupade chirógapo aja doi nanique. Enga qui tu guedé garani yui nanique, enga chise puniri uje i tu Nod uje puniri tuté déji Edén uéchai.

1 Reyes 19:3

Uje Elı́as chudute Jezabel uaté uru iyiejnane nanique uje jmongarája, ga a chajuque aguté. Enga chague jmame ome dáringai bayaque, ga iroguipı́si nóna aja dajesui to. Ga ore jno ga ore quı́tequigája pidai idájai uté iji judágosode ore uniri eruépisi uje i tu Beerséba. Mu uje e ore chise oridai uté nanique, enga jé u uje Elı́as noñome daroi iji uté.

1 Reyes 19:9

Uje Elı́as chise cucarani Horeb uté ga jé u uje chácariji cucarã́tedó iji dejai uté údode. Enga Pangarádejnai uruode chise Elı́as iji uté, uje chósi te: –Elı́as, ¿ama bagaitı́guiji de a?–

Ésdras 3:7

Ore chisi ome trabájo ome jnanione iji dajade uje ore chirajapise ladríllos úringane poracho, jé aja udore ore to uje ore chirajapise poridie uje ore chajugája jnumone, jé aja jnanione uñane uje ore charose poridie gai ga ueradipise gai. Ga ore chiroque ore aja jeta ore pésu ga ore chiro Dupade iguíjna cuchábi aja gaté. Enga ore chimate ore ome ore isagode udore ga ore chisi ome plátadie ome udore gatuaque. Ga jé u uje ore doi poridie oredie nanique iji tírogosode gari, jé iji sidóniogosode ore gari to rĩ, mu que ore chimate ore ome plátapísedie mu ore cho oréji dacade cucha, jé aja ore jotai víno, jé aja aceite to. Ga tírogosode, sidóniogosode ore chigaru daquesudie pore aja ñane ga ore chicháji yote quedéjnai gai iji ore uniri Líbano ejoi, ga jé u uje ore jnopo daquesudie údi rĩ aja punire uñai. Uje ore chise ore idai Jope enga israélgosode ore doi ga ore jno údi aja daniri jeta ore chajugája jnumone ome Dupade iguíjna cuchábi cutádedie. Uje pérsiagosode ore eduguéjnai Círo jé urúo ica ome ore gu jeta ore doi poridie iji sidóniogosode, tírogosode ore unirone.

Sálmos 107:23

Uñane chajna yote quedéjna ajedaté cuchábode ome dabíode cuco uje ore tẽra dẽrapáidode dagúcha; mu jé ore chajuque gu dáringane oredie gaisóño.

Jonás 1:10

Ga jé u uje Jonás chingongara raja ore ga chojninga: –Yangureni Dupa uté chiroque yu aja nínivegosode ore yui diríca. Mu que yiji uruode ga yibai a jé u ome. Ga yacája uacachidi cuco ajei uje yayome Pangarádejnai Dupade utoquei gu.– Ga jé u uje cucoi ijocayasórone ore chajire yote quedéjnai mu e chijnoque raja gatéode ga ore todópisa yote quedéjnai. Ga jé u uje ore catecã́ri Jonás gaté ga ore chojninga: –¿Jé gotique gu a uje angoninguite parique ua ome bangureni Dupa uruode diríca? ¿Jé yoco ringome ua jne ujetiga bangureni Dupa chaquĩ́ra guetṍrai ome yoque?–

Jonás 4:2

Ga jé u uje Jonás catecã́ri Dupade enga chósi tome: –¡Urénga, Pangarádejná Dupade á! Uje batṍri yu ome nínivegosode iji yidaipísi diríca ga e yiraja uje jĩraque bosongaquei déji ome ayoréode. Yiraja to uje que jĩraque bajei dotãre ome ayoréode ore uyoque. Uje bango bajuyaquédatéi úringárique pejnangore ome ore mu bajnoraquédatéi e dépoji ore rĩ ome udore ore uje jecucha bajnorapise ayoréode uyoque jnese gu. Mu bejnárase ore, mu ore cha dadode enga e bajnorápo ore rĩ uje ore doi báyipiedie gu. Jecute que yiji baruode quigode diríca, enga jé u uje yicárasi pidáidaté uñai uje i tu Társis, uje yajéode u jetiga yipógu yu ome ua gu. Deroco yui ome yu gu jeta yingome nínivegosode ore úringárique pujuya ome ore, mu quigade enga baqueta ore enga yuruode ca tocade ome ore jne.–

Lúcas 9:62

Mu Jesús chojningame uté: –Bajnui tu utácarique uje chirase dejnai ome erã́sori arado. Mu chajire daquigade ga jogadi u uje chicai quedéjnane enga que ujñapeque irañapídode. Jecute adi jé u ome ua ga gajnareque ua ome Dupade iroquéode ujetiga amáta ayoréode aja dáringáringo Dupade urása.–

Héchos 15:38

Mu Páblo que pota go jeta Juan Márcos nóna ore to. Uje Juan Márcos noñome ore ica iji Panfília uje ore doi Dupade iroquéode iji uta. Enga que chátapo Dupade iroquéode aja ore rĩ.

Héchos 26:19

Eduguéjnai Agrípa, bamo uje que angoronéparíque yu ome gaté unirísõri Jesús uje chiqueta raja yu.

Héchos 9:36

Chequé déji ore idai Jope iji dirode udore uje i tu Tabíta. Enga Jesús anguretato. Uaté i qui tu Dórcas ome gréciagosode ore uruode. Canírepise enga jecucha ga chátaja cuchade aja darasade uje ate omé.

Héchos 9:38

Enga ore chiroque Jesús anguretasõre gáreode aja Lída ujetiga ore chingo Pédro. Chamáñaje ore chiraja gu uje Pédro déji Lída. Enga ore idai Lída idógosiji Jope. Uje ore di ga ore chojningame Pédro: –Pédro á, aguito ga ajína yoque ga yajnésacoja Jope.–

Héchos 9:42

Enga Jope idaisórone chudute jnese Tabíta ujnomei uje Pédro chiqueta, enga jiei ore uje ore changureta Jesús to.

Héchos 9:43

Enga orocoi dirode iji ore idai uje Pédro cháji, enga cháji cucha aode acangóri iguíjnai uje i tu Simón.

1 Coríntios 9:16

A gajnarenguipísirase ujetiga yiji enga yisi yibai gu yatatagode Crísto ujnomei ome ore. Uje cachi Dupade chiroque yu aja yatatagode udore gu. Mu ujetiga yiji enga yetaguirase Dupade iroquéode udore, enga yiya yacate ore, enga jé yigachodi u ujetiga cucha gajnarétique chósi ti iji yu.

2 Tesalonicénses 1:9

Unojo a ore gajnei pujuyaqué ca eruénique cusapo jne rĩ iji deréjnane jnese. Enga Dupade a tṍra udore ore jne enga a ca chimópo ore jne rĩ ome denomitique. Enga a ca ore chimo Yocangarádejnai úringárique cuchadaté, ingoningájnai ore ome raque to jne.

Josué 19:46

Jé aja Mejarcón, Racón ore to. Ga jé ore gajneque jnumone to jnese iji ore idai Jope tiógarei.