Génesis 9:3 - Dupade Uruode

³ Enga acho uacajegaitígo iji ore jnese, jé iji cuchisode jnese, jé iji cuchade ujade jnese iji poridie, cucha pacade ore jnese.

Génesis 9:3 Iomraidhean Croise

Génesis 9:2

Enga a cuchisode ore todópisa jnanione uaque jne enga a ore tãrara jne ome dasadodéringáringo ome uaque. Enga a yisi ome cucha ponáyone ome uaque jne ujetiga apéso uacajegaitígo iji ore ujade. Yojningane u udore uje ore déji gaté yui, jé upome jnumi jogosórone, jé upome yote quedéjnai jogosórone. A uacajnecho cuchade udore jnese jne ujetiga ajnuéño ore gáyode enga ore todo uaque jnese.

Romános 14:14

Yocangarádejnai Jesús chutṍri yu ome yisai udé jetiga yacate uágome cuchade udojo, jecute yirajapise yuruode udojo úringane ũréo. Enga qui u uje que puyaque cucha pibotique uñeque ome Dupade jeta gosi tagu. E mu jeta ome gosi ajéode enga cucha puyai u, enga jé ca uté gosi tagúrasu. Uje a pisijnaringuei tu ome gosi ujetiga cho cucha puyáguiji, mu jé tagu.

Romános 14:17

Uje yisígo Dupade gai ome uté úringai Eduguéjna Cuchape, mu que cucha ibijógode u cucha pibosode jeoga cucha pijódode gotique iji Dupade edominone. E mu cuchadatéode u pisocade udore uje chajna cucha ujñapetade quigode iji jnumone, jé aja pininaquei adode udore, jé aja pajesereringai uté. Enga cucha omone udojo u uje yocaríjogoto Dupade Ujopié uaté gueranome uyoque.

Romános 14:20

¡Yipésupú ga jé ca anoningase Dupade iroquéode udore gu bangaranguenie báyipiei ome babotique cucha! Jé ũré uje pujuegate cucha pibose ponáyone ome yoque, enga que udore uñeque ipesute yoquigajnarétigade ome Dupade uté. Mu gajnarenguirase ujetiga gosi juegádode dabose cucha ome re chiborátaja ujetiga uñeque basája pisijnaringuéone gu udore.

Romános 14:3

Mu ome gosi uje chapuse dameserane cucha pibose aja jnese ga, jé ca uté pojárasa uté gosi uje chãraque re ome cucha pibosode uñane úringáringo pibose. Jé basa ga uté gosi uje chotigase jetiga Dupade juéga cucha pibosode uñane ome re ga, a jé ca chorase máranguiji uti uñai uje juéga cucha pibose ponáyone úringane pibose ome re, uje Dupade u uje e chimesẽre udore jnese gu.

1 Coríntios 10:23

Jé ũré ore uje ore chojninga: "Pujuegate cuchade jnese ome yoque ujetiga yipéco." Mu jé ũré to uje que cucha dacatique tṍraji pipesutígo jnese go. Enga que cuchade jnese pésu ujetiga gosi quérã iji Dupade adode.

1 Coríntios 10:31

Ujetiga agu cuchárique, jeoga óji bajótique, jeoga apésu cucha uñeque, mu acha báyipie aja Dupade uje qué bagúsiji bapesudi tuté gai. Uje bagaidi tu gu ujetiga ca pujñiete Dupade ome uñeque gu basocárique, mu bacuei turásu ujetiga picotaque Dupade gatuaque ome bapesudode jnese.

Colosénses 2:16

Jecute ca angáchoi jnanione uñane acajnaquéode uje ore chacate uágome cucha pibose puyade, uje ore chiroque uágaja dajnusinamánone dire, uje ore chãraque cucha pisagode ome uaque iji sábadode.