Génesis 9:1 - Dupade Uruode

¹ Ga jé u nanique uje Dupade chopo darúja Noé, ujnacarode ore nanique enga chojninga: "A jiépisi uacatígo enga a ore chĩretápo erámi údode jnese jne rĩ.

Génesis 9:1 Iomraidhean Croise

Génesis 1:22

Enga Dupade cho darúja dapesudode udore ga chojninga: "Oyídode uaque á, a uacapiéjna jne enga a ãretáyo yodode, yote quedéjnane ore iji erámone jnese jne. Jé chopo chugúperone uaque rĩ, a jiépisi uaque to jne rĩ iji gatéode iji erámi údode jnese."

Génesis 1:28

Jé u uje Dupade chopo darúja dapesudode udore to rĩ ga chojninga: "A jiei uacatígo jne ga ore irágu erámi jne. Enga uacajnecho yipesudode cucha uñane jnese iji erámi enga añurupúsu guio jne. Enga cuchisode, oyídode, chugúperone, jé aja cuchiso uñane jnese to uje que ore guichárique cus, a ore todo uaque jne, jnanione uhuaque."

Génesis 10:32

Enga yujúdode udore ore jnese ore gãrapi tupúsu jnani bajai Noé nanique. Mu udore ore chisite rágaja erámi nanique iji gue dequejnangóri quigade enga ore pésu danirone iji erámi údode jnese uje cãra rome ñane. Enga jé u nanique uje erámi unirisórone yingarángo yocunirone ome ñane jnese.

Génesis 2:3

Enga Dupade doi enga cho darúja dire garijitia enga chojninga: "A dire puyai tu ua jne. Chamáñaje e yimate yipesudode cucha ponáyo gu enga yo yujñare iji dire garijitia udé."

Génesis 24:60

Uje cáma Rebéca jno mu ore cho darúja enga ore chojninga: "Yoquẽro á, ¡yipécopú ga bape disi ejórigo jiei ore jne jõ! Enga bape disi ejórigo pujnuéngaisṍripíse ore jne enga a ore sué damajósoningo ore gáyode jne. Enga a ore cho dajnenguíji damajósoningo idáningo jne jetiga ore chose damajosórone ore jne."

Génesis 35:11

Enga chojningame: "Dupa Pujnuéngaisṍripísi tu yu uje yicatecã́ri ua. A yipésu ua jne enga a jiépisi bape disi ejórigo ore jnese to jne. Enga bape disi ejode a ore cãra dajogadode ome ñane jne iji erámi údode jnese enga ore unirone jiépisi iji erámone údode jnese. Enga a eduguéjnapise bape disi ejórigo uñéngo jne.

Génesis 8:17

Enga jé u ujetiga ajnime cuchisode jnese iji cucoi ajei to, jé aja chugúperone ore, jé aja cuchiso parágode ore jnese rĩ, jé aja cuchisode rĩ uje que ore guichárique cuse iji jnumi. Yigaidi tu gu ujetiga ore chicáji erámi jnese ujetiga ore atígo basíji erámi jnese enga jiépoi ore iji erámi údode jnese rĩ."

Génesis 9:19

Enga erámi unirisórone ore gãrapíode u Noé ujnacare gadiógode udojo ore nanique, jé aja udore ape disi ejode.

Génesis 9:2

Enga a cuchisode ore todópisa jnanione uaque jne enga a ore tãrara jne ome dasadodéringáringo ome uaque. Enga a yisi ome cucha ponáyone ome uaque jne ujetiga apéso uacajegaitígo iji ore ujade. Yojningane u udore uje ore déji gaté yui, jé upome jnumi jogosórone, jé upome yote quedéjnai jogosórone. A uacajnecho cuchade udore jnese jne ujetiga ajnuéño ore gáyode enga ore todo uaque jnese.

Génesis 9:7

Mu uhuaque, a jiépisi uacatígo jne, ga beyoi enga ãretáyo erámi ome uacatígo jne."

Sálmos 112:1

¡Picotaque Opejã Pangarádejnai! Pininaquei gajnengóri u uté gosi uje dosóñime Pangarádejnai. Ga uté irasiguipise áyipiedie quigode jeta doi quigode ome re.