Génesis 8:1 - Dupade Uruode

¹ Dirode udore quigade nanique enga Dupade áyipie doi Noé ore nanique. Jé aja cuchisode to rĩ iji cucoi ajei. Ga jé u nanique uje Dupade chiroque emi aja erámi nanique ujeta chubúchu yodi jetiga doi jnumi, doi jnumi, doi jnumi, doi jnumi nanique.

Génesis 8:1 Iomraidhean Croise

Génesis 19:29

Yujúdode udore u Dupade uje ujuyaquédatéi pioque chejna guidáidatéode udore nanique uje Lot cho daniri iji to nanique, uje guidáidatéode udore déji cucarani ejode nanique. Mu yujúdode udore upo rĩ uje Dupade tangári Abraham nanique enga Dupade chijnime Abraham ujnacare uñai iji dejnane udore ore idáyo nanique.

Génesis 30:22

Mu Dupade que chicadígui Raquel gotique. Mu chudute icatecãraitigade enga chiqueta iji úringa aberé, enga abode cuse to.

Génesis 9:10

Que gusu uaque mu cuchisode uje ore déji cucoi ajei to ica, ore gajneque yuruode jnese to. Jé aja cuchiso parágode, sijnángone ore, jé aja chugúperone ore jnese."

Nehemías 13:14

Ga Nehemías uyu yicatecã́ri Dupade ga yósi te ome yicatecãraitigade: "Yangureni á, Dupade á, be ga yipesudode udojo ca jnoji báyipiedie jne. Uje yañurupúsu baguíjnai guio uje yigaidi tu gu jeta jé ca baruode chimoque dínique uje ore doi badode iji Baguíjna cuchábi ajei."

Nehemías 13:22

Enga jé u nanique uje yojningame levígosode ore: "Apésupúsu uaque ome dire puyade yui ujetiga arocho yocujuyaquei jorídedie ejode. Yigaidi tu jeta ca gosi cho dire omi iji Dupade garéngone dire puyácho." Ga Nehemías uyu yicatecã́ri Dupade nanique ga yósi tome yicatecãraitigade: "Yangureni á, Dupade á, ajnusina uje yãraque dire puyade ore ome yurasade jeta ca ore chisa dejode iji baréngone dire puyácho. Yangureni á, caniranguipise ua ome yu ga jé bo bacaniratiguéode údi ome yu, enga osṍrapo yu rĩ."

Nehemías 13:29

Ga Nehemías uyu yicatecã́ri Dupade nanique ga yósi tome yicatecãraitigade: "Yangureni á, Dupade á, amíningapísa baroguipísode, levígosode ore iji yocujade uje udore ore ipesute yoquiñoñaringuéone ome ua uje ore dopísi betégode iji yocujade gu. Enga jé chuságaja ua to uje ore cho cucha bisidéguiji dáringane barócho.

Nehemías 13:31

Enga yoquerogode pite dimane ome yoquiborigode cuchiso yui uje yibocome ua iji dire puyade jnese. Enga yocacade e a bajade dimane iji baguíjna cuchábi ajei to iji baquei. Yangureni á, Dupade á, ajnusinápisa yu ome yipesudode udojo baroquéo enga amesẽre yisocade udojo ome ua."

Sálmos 105:42

Dupade jnusina darecujate pirosobádedie quigode ome ore uje chichaga ore yui ica; uje jé uruode u udore ome daroi Abraham nanique.

Sálmos 106:4

Pangarádejná, ca báyipie jnoji uyu jeta apésu barasade ore arétigai. Ga abágui yu to ome báringai piquetasõre ujeta aqueta udore ore.

Sálmos 115:12

Pangarádejnai que áyipie jnoji yoque, ga a chacacãre yoque jne ome daru ueradode; chacacãrápo israélgosode ore jne rĩ; a chacacãrápo Aarón ájnape disi ejode ore jne rĩ.

Sálmos 132:1

Pangarádejná, ajnusina David jé aja cucha dacate uajádode jnese uje chise uté.

Sálmos 136:23

Uté u uje érãtique chicadígui yoque uje yejnárejo yoque. Chamáñaje que ijnoraquédatéi eruénique cuse gu.

Sálmos 137:7

Pangarádejná, ca acadígui edómgosode ore adode iji diri tuté uje ore chojningame Jerusalén jnuéngaisórone udore ore: –¡Ajnangaráso! ¡Ajnangaráso aja uaquejode, jé aja chaquipie!–

Sálmos 29:10

Pangarádejnai uté chácariji dayaripi uté iji yote dequejnangóri uté gai; Pangarádejnai uté déji dáringai Peduguéjna Cuchape iji deréjna pitade jnese gatuaque.

Sálmos 36:6

Báringai ũré jé cho cucarãte yoricode udore ore ome ore úringane cuchadatéo. Barecujate iyiejnanie udire gajnúone u yote quedéjna cuchábode ajedatéode to. ¡Urénga, Pangarádejná! Ua u uje bajuse jnanione ore guio, jé aja cuchiso ponáyone udore ore guio jnese.

Éxodo 14:21

Uje Moisés chujé dogué taja yote quedéjnai jochai gai ga jé u uje Dupade chiroque emi aja uje tṍraji guedé garani ga chubúchu yote quedéjna cuchábi uté ¡pu, pu! ga jĩraque chajuque re iji ubuchupídi. Ga Dupade u uje ipesute jnumi úringai cajnore iji Israel ájnape disi ejode udore ore iquei. Ga gaidi u jeta ore chicáji uéchamitó.

Éxodo 15:10

Mu uje babúchapo yote quedéjna cuchábi diríca rĩ, ga yote quedéjna cuchábi uté chinire yocumajosórone ore gai ¡tiroque! nanique, ga que qué pimópo udore ore gotique rĩ. Ga cho jetiga cucha iménujna ore iji yodi jmainie nanique ga jĩraque yodi chijna ore aja jnumi, ga que uñeque chapídome ua gotique diríca.

Éxodo 2:24

Ga jé u uje Dupade áyipiedie doi Abraham, Isaac, Jacob ore, enga jnusina daru cásodicáite ome ore uje chojningame ore nanique: "A yisi ome uacanínique ome uaque jne jeta oyo uacaniri iji erã́tique ome uaque, jé aja uacape disi ejórigo ore." Jecute Dupade tangári ore uru quigode udore uje ore chatata egı́ptogosode ore josipiedie ome raque nanique.

Provérbios 25:23

Pujutarétigade jecucha ga chijnime pájningane, adi tu ome casaque uje chijnoque guéode ga beque.

Jonás 4:11

Ga Dupade chopósi tome Jonás rĩ: –Que yiraja gotique uje bajnorapise erejna quedéjnane úringane udore ujníerãcho uje cucha bisidécho mu. Que ayoréo gotique. E mu uyu ga yajire nínivegosode ore ga yosõripise ore uje ayoréo ore gu. Jecute yejnápise yosongaquei aja ayoréode ore iji ore idáidatéi Nínive uté.– Enga Dupade chojningame Jonás: –Yisecãru nínivegosode ore abode que ga a ore cho jnumi tuté petique uje jiépisi ore abode ome dáringane dipeséo ga 120.000 u ore. Mu que máraque disabode sudore ome yu. ¿Ga yejnárase udore ore a? Que gusu ome ayoréode ore, mu ore gachidode cuchiso jé upo yijnoraquei gajnesórone to rĩ iji ore ujade. Ga jiépisi ore to uje e ore chapídome yu.–

Números 10:9

Ujetiga israélgosode uacamajósoningo cugujnárasi uaque to jne iji uacanínique ajénique to, mu uacabuchugode ubuchusóningo ore cugujnáji dabuchugode yúrique to enga ore chubúchu ga ore naráraja dabuchugode ga ore chinguíra dabijnanone aja dosadode jnese to enga jé u ujetiga arajáyo jnese uje uacamajosórone u, enga jĩraque boyo ga beyoi pocaningai ome ore to. Enga a yudute ore ubuchugode agoyedie to enga a yáta yu aja uaque to jne enga yãraque uaque jne iji jõcaratade ore iquei. Ga a yisi ome uacáringáringo pujnuéngaisóño ome uaque to ujetiga ajnuéño uacamajosórone ore gáyode to.

Números 22:32

Ga gaté unirísõri e catecã́ri ga chojninga: –Balaam, ¿gotique gu a uje baquesu bachidi burica quedéjna údode ga gadioque que? Uyu u arĩ́e uje yicha yu aja uacaquei que. Yetaguipise gu uje bajína Balac utocaidode ore aja dajei to gu.

Apocalípsis 16:19

Enga idáidaté cuchábi Jerusalén dajuque enga péode gadioque ome jnupe tãrarachuque cuchábi tuté. Enga e pucuayagápo idáidatéode iji erámone údode jnese rĩ. Enga Dupade e jnusina idáidaté cuchábi Babilónia ipesute gajnarenguipísode to enga e chopise dajuñame uaté. Uje Dupade ájningaránguipíse ome idáidatéi Babilónia tuaté ome ipesute cucha gajnarenguipísode.

Apocalípsis 18:5

Uje ore isijnaringuéone chujé raja ñane gai, enga chichagu gatajnoquei te é. Jecute dimane Dupade ujetiga cho dajuñame ore ome ore ate gajnarenguipísode é.

1 Samuel 1:19

Iji Ána icatecãraitíga casica quigaminóri dire enga e chise dirájnanie ga Elcána chimáta dacotedie, dabode ore ga ore catecã́ri Dupade, ga ore cha dacatecãraitigade ga jé u uje ore chajniapója daguíjnai rĩ iji ore idai Ramá. Uje e ore déji dedai tuté ga Ána, abai Elcána ore moji ñane gari iji uté, ga jé u uje Dupade jnusina Ána utoqué casodica uje chutai disíriguiji ica.